പതിനെട്ടാം പിറന്നാള്‍ ആഘോഷിച്ച് അനിഖ സുരേന്ദ്രന്‍; ആശംസകളുമായി ആരാധകര്‍-ചിത്രങ്ങള്‍ വൈറല്‍

ബാലതാരമായി എത്തി സിനിമ പ്രേമികളുടെ ഇഷ്ടതാരമായി മാറിയ നടിയാണ് അനിഘ സുരേന്ദ്രന്‍. സൗത്ത് ഇന്ത്യയില്‍ നിരവധി ആരാധകരാണ് താരത്തിനുള്ളത്.

ഛോട്ടാ മുംബൈയിലൂടെയാണ് അനിഖ അഭിനയം തുടങ്ങിയത് എങ്കിലും ശ്രദ്ധിക്കപ്പെടുന്നത് കഥ തുടരുന്നു എന്ന ചിത്രത്തിലൂടെയാണ്.പിന്നീട് ഭാസ്‌കര്‍ ദ റാസ്‌കല്‍, മൈ ഗ്രേറ്റ് ഫാദര്‍, അഞ്ചു സുന്ദരികള്‍ തുടങ്ങിയ ചിത്രങ്ങളില്‍ വേഷമിട്ടു.

അജിത്ത് ചിത്രത്തിലൂടെ തമിഴ് അരങ്ങേറ്റം കുറിച്ചു.അജിത് ചിത്രം യെന്നൈ അറിന്താലിലൂടെ തമിഴ് പ്രേക്ഷകരുടെ ഇഷ്ടം നേടിയ അനിഖ, നാനും റൗഡിതാന്‍, വിശ്വാസം, മിരുതന്‍, മാമനിതന്‍ എന്നിവയിലും അഭിനയിച്ചു.

നിരവധി സിനിമകളാണ് താരത്തിന്റെതായി അണിയറയില്‍ ഒരുങ്ങുന്നത്. ഇതിനിടയില്‍ ശ്രദ്ധ നേടുന്നത് താരത്തിന്റെ പുതിയ സോഷ്യല്‍ മീഡിയ പോസ്റ്റാണ്. തന്റെ പതിനെട്ടാം പിറന്നാള്‍ ആഘോഷങ്ങളുടെ ചിത്രങ്ങളാണ് താരം പങ്കുവയ്ക്കുന്നത്.

അടുത്ത സുഹൃത്തുക്കള്‍ക്കും കുടുംബാംഗങ്ങള്‍ക്കുമൊപ്പമായിരുന്നു പിറന്നാള്‍ ആഘോഷം. അനിഖ തന്നെയാണ് സമൂഹമാധ്യമത്തിലൂടെ പിറന്നാള്‍ ആഘോഷത്തിന്റെ ചിത്രങ്ങള്‍ പങ്കുവച്ചത്.

നിരവധി പേരാണ് താരത്തിന് ആശംസകള്‍ അറിയിച്ച് എത്തുന്നത്. അതേസമയം വിജയ് സേതുപതി ചിത്രം മാമനിതന്‍ ആണ് അനിഖ അഭിനയിച്ച് റിലീസ് ചെയ്ത പുതിയ ചിത്രം.

അനിഖ നായികയായെത്തുന്ന ചിത്രം ഓ മൈ ഡാര്‍ലിങ് റിലീസിനൊരുങ്ങുകയാണ്. ആല്‍ഫ്രഡ് ഡി. സാമുവല്‍ സംവിധാനം ചെയ്യുന്ന ചിത്രം ആഷ് ട്രീ വെഞ്ച്വേഴ്‌സിന്റെ ബാനറില്‍ മനോജ് ശ്രീകണ്ഠ നിര്‍മിക്കുന്നു.