അവര്‍ മന:പ്പൂര്‍വ്വം വിടാതിരുന്നതാണെന്ന് ബാല, അത് മകളുടെ തീരുമാനം ആണെന്ന് അമൃതയും

കഴിഞ്ഞദിവസമാണ് ബാലയുടെ പുതിയ ചിത്രം ഷഫീഖിന്റെ സന്തോഷം റിലീസ് ചെയ്തത്. ഭാര്യ എലിസബത്തിനൊപ്പം ആണ് സിനിമ കാണാന്‍ താരം തിയേറ്ററില്‍ എത്തിയത്. എന്നാല്‍ തനിക്കൊപ്പം മകള്‍ പാപ്പുവും വേണമെന്ന് ബാല ആഗ്രഹിച്ചിരുന്നു. എന്നാല്‍ ആ ആഗ്രഹം നടന്നില്ല. സിനിമ കാണാനായി മകളെ തനിക്കൊപ്പം വിട്ടില്ല എന്നായിരുന്നു ബാല മാധ്യമങ്ങളോട് പറഞ്ഞത്. മകളെ കിട്ടാനായി ഏത് അറ്റം വരെ പോകാന്‍ തയ്യാറാണെന്നും താരം പറഞ്ഞിരുന്നു. ഇപ്പോഴിതാ ഇതിന് പിന്നാലെ ഇതേക്കുറിച്ച് അമൃത സുരേഷും അഭിരാമിയും പ്രതികരിച്ചിരിക്കുകയാണ്.

അച്ഛനൊപ്പം സിനിമ കാണാന്‍ പോകുന്നില്ല എന്ന തീരുമാനം മകളുടെതാണെന്ന് അമൃത പറയുന്നത്. അമൃത പങ്കുവെച്ച പോസ്റ്റിനു താഴെയാണ് കമന്റ് വന്നത് , ഒടുവില്‍ ഇതിന് മറുപടി നല്‍കുകയായിരുന്നു അമൃതയും അഭിരാമിയും.

ഞങ്ങള്‍ പാപ്പുവിനോട് ചോദിച്ചപ്പോള്‍ പോവാന്‍ താല്‍പര്യമില്ലെന്നാണ് പറഞ്ഞത്. ഫോണിലൂടെയായി പാപ്പു തന്നെ ബാലയോട് അതേക്കുറിച്ച് പറഞ്ഞിരുന്നു എന്നായിരുന്നു അഭിരാമി സുരേഷ് മറുപടിയേകിയത്. ഇതിന് ശേഷമായാണ് അമൃത സുരേഷും കമന്റുമായെത്തിയത്.

വര്‍ഷങ്ങള്‍ക്ക് മുന്‍പേ ഇക്കാര്യത്തില്‍ കോടതി തീരുമാനം വന്നതാണ്. നിയമം അനുസരിച്ചാണ് ഞാന്‍ ജീവിക്കുന്നത്. ഇപ്പോള്‍ നടക്കുന്ന അനാവശ്യമായ നാടകങ്ങളില്‍ വീഴരുത്. ഇത് പാപ്പുവിന്റെ തീരുമാനമാണ്. അവളെ ഇങ്ങനെയുള്ള അനാവശ്യ വിവാദങ്ങളിലേക്ക് വലിച്ചിഴയ്ക്കരുത്, ഇതെന്റെ റിക്വസ്റ്റാണെന്നായിരുന്നു അമൃത പറഞ്ഞത്.

കമന്റിന്റെ സ്‌ക്രീന്‍ഷോട്ട് ഫേസ്ബുക്കിലും അമൃത പോസ്റ്റ് ചെയ്തിരുന്നു. മാധ്യമങ്ങളോട് എനിക്കൊരു അപേക്ഷയുണ്ട്. അറ്റന്‍ഷന്‍ കിട്ടാനായി പാപ്പുവിന്റെ പേര് വലിച്ചിഴയ്ക്കരുത്. അവളൊരു ചെറിയ കുട്ടിയാണ്. അഭിമുഖങ്ങളിലോ വാര്‍ത്തകളിലോ അനാവശ്യമായി അവളുടെ പേര് വലിച്ചിഴയ്ക്കരുത്. പഠനത്തിലും മറ്റ് കാര്യങ്ങളിലുമാണ് അവളുടെ ശ്രദ്ധ. കുഞ്ഞുങ്ങളുടെ ഇഷ്ടങ്ങളേയും സന്തോഷത്തെയും ബഹുമാനിക്കുക. ഇതൊരു അമ്മയുടെ അപേക്ഷയാണെന്നും അമൃത കുറിച്ചിരുന്നു.