ആ വാക്ക് മതവികാരത്തെ വ്രണപ്പെടുത്തുന്നു. എഫ്ഐആർ ചിത്രത്തിനെതിരെ ഓൾ ഇന്ത്യ മുസ്ലിം അസോസിയേഷൻ രംഗത്ത്.

വിഷ്ണു വിശാൽ നായകനാകുന്ന ഏറ്റവും പുതിയ ചിത്രമാണ് എഫ് ഐ ആർ. ഇപ്പോഴിതാ ചിത്രത്തിനെതിരെ രംഗത്തെത്തിയിരിക്കുകയാണ് ഓൾ ഇന്ത്യ മുസ്ലിം അസോസിയേഷൻ. എഫ്ഐആറിൻ്റെ പോസ്റ്ററിലെ ഒരു വാക്ക് ആണ് ഇവർ ചൂണ്ടിക്കാണിക്കുന്നത്.ചിത്രത്തിൻറെ പോസ്റ്ററിൽ നിന്നും അറബി വാക്കായ ഷഹാദ നീക്കം ചെയ്യണമെന്നാണ് ഇവർ ആവശ്യപ്പെട്ടിരിക്കുന്നത്.

തെലങ്കാന സർക്കാരിനോട് ആണ് ഇവർ ഈ ആവശ്യം ഉന്നയിച്ചിരിക്കുന്നത്. ഈ വാക്കിൻറെ ഉപയോഗം തങ്ങളുടെ മതവികാരത്തെ വ്രണപ്പെടുത്തുന്നു എന്നാണ് ഇവർ പറയുന്നത്. ചിത്രം ഫെബ്രുവരി 11 ന് തീയ്യേറ്ററുകളിൽ പ്രദർശനത്തിനെത്തിയിരുന്നു. ചിത്രത്തിനെ കുറിച്ച് മികച്ച പ്രതികരണമാണ് ലഭിച്ചു കൊണ്ടിരിക്കുന്നത്. നിരവധി നിരൂപകർ ചിത്രത്തെ പ്രശംസിക്കുന്നുണ്ട്. പല വിദേശ രാജ്യങ്ങളിലും ചിത്രം പ്രദർശിപ്പിക്കുന്നുണ്ട്.

ഈ ചിത്രം മലേഷ്യ, ഖത്തർ, കുവൈത്ത് എന്നീ രാജ്യങ്ങളിൽ മുൻപ് നിരോധിച്ചിരുന്നു. ചിത്രം സംവിധാനം ചെയ്യുന്നത് നവാഗതസംവിധായകനായ മനു ആനന്ദ് ആണ്. വിഷ്ണു വിശാലിനെ കൂടാതെ ഗൗതം മേനോനും ചിത്രത്തിൽ പ്രധാന കഥാപാത്രത്തെ അവതരിപ്പിക്കുന്നുണ്ട്. മഞ്ജിമ മോഹൻ, റേബ മോണിക്ക ജോൺ, റൈസ് വിൽസൺ, മാല പാർവതി തുടങ്ങിയവരും ചിത്രത്തിലുണ്ട്. ചിത്രം നിർമ്മിച്ചിരിക്കുന്നത് വിഷ്ണു വിശാൽ തന്നെയാണ്.

തമിഴിലെ അറിയപ്പെടുന്ന നടന്മാരിൽ ഒരാളാണ് ഇദ്ദേഹം. ഒരുപക്ഷേ രാക്ഷസൻ എന്ന സിനിമയിലൂടെ ആയിരിക്കും ഇദ്ദേഹത്തെ മലയാളികൾ കൂടുതലായും ശ്രദ്ധിച്ചു തുടങ്ങിയത്. പ്രശസ്ത കായിക താരം ജ്വാല ഗുട്ടയാണ് വിഷ്ണുവിൻറെ പങ്കാളി. ഇവർ ഒന്നിച്ചുള്ള ചിത്രങ്ങൾ എല്ലാം ഏറെ ശ്രദ്ധ നേടാറുണ്ട്.