വിവാഹത്തിനുശേഷം എലീനയ്ക്ക് എട്ടിന്റെ പണി കൊടുത്ത് നടന്‍ ജിഷിന്‍ മോഹന്‍

ഈ അടുത്താണ് നടിയും അവതാരകയുമായ എലീന പടിക്കലിന്റെ വിവാഹം കഴിഞ്ഞത്. വര്‍ഷങ്ങള്‍ നീണ്ട പ്രണയത്തിനൊടുവിലാണ് ഇവര്‍ വിവാഹിതരായത് . ജനുവരിയിലായിരുന്നു താരങ്ങളുടെ വിവാഹ നിശ്ചയം. തിരുവനന്തപുരത്തെ ഒരു ഹോട്ടലില്‍ വെച്ചായിരുന്നു ഇത് . കല്യാണം കോഴിക്കോട് വച്ചായിരുന്നു നടന്നത് . താരത്തിന്റെ അടുത്ത സുഹൃത്തുക്കളും ബന്ധുക്കളും ആയിരുന്നു വിവാഹത്തില്‍ പങ്കെടുത്തത്. ഇതിന്റെ നിരവധി ചിത്രങ്ങളും വീഡിയോകളും പുറത്തുവന്നിരുന്നു. വിവാഹത്തിന്റെ തലേദിവസം മധുരം വെപ്പും , ഇവിടെനിന്നുള്ള എലീനയുടെ ഡാന്‍സും വൈറലായിരുന്നു. ഇപ്പോഴിതാ താരത്തിന് കിടിലന്‍ ഒരു ട്രോള്‍ ഒരുക്കിയിരിക്കുകയാണ് നടന്‍ ജിഷിന്‍ മോഹന്‍. ആശംസകള്‍ അറിയിച്ചു കൊണ്ടാണ് വീഡിയോ പുറത്ത് വിട്ടത് താരം. 

വിവാഹത്തിനുശേഷം സദ്യ കഴിക്കുന്നതിനിടെ എലീന പറഞ്ഞ ഡയലോഗ് സോഷ്യല്‍ മീഡിയയില്‍ വൈറല്‍ ആയിരുന്നു. വിശക്കുമ്പോള്‍ കഴിക്കുന്നതാണ് കല്യാണം എന്ന എലീനയുടെ മാസ് ഡയലോഗിന്റെ വീഡിയോ കട്ട് ചെയ്തു കൊണ്ടാണ് സോഷ്യല്‍ മീഡിയയില്‍ തരംഗം ആയത്. ഇപ്പോള്‍ ഈ ഡയലോഗിനൊപ്പം തലേദിവസത്തെ പരിപാടികളുടെ ദൃശ്യങ്ങള്‍ കൂടി എഡിറ്റ് ചെയ്താണ് വീഡിയോ പങ്കുവെച്ചത്. ഇതിനു താഴെ കല്യാണത്തിന് പോയപ്പോള്‍ ഉള്ള വിശേഷങ്ങളും താരം കുറിച്ചിട്ടുണ്ട്.

”എലീന പടിക്കലിന്റെ കല്യാണം. കല്യാണമാണെന്നുള്ള അഹങ്കാരമൊന്നും അവള്‍ക്കില്ല കേട്ടോ. ലവലേശം ഉളുപ്പ് തൊട്ടു തീണ്ടിയിട്ടില്ലാത്ത പെണ്ണ്??. I like her attittude. തലേ ദിവസം മധുരം വെപ്പിന് തന്നെ ഞാനടക്കം, സെലിബ്രിറ്റി കിച്ചന്‍ മാജിക്കിന്റെ എല്ലാവരും കെട്ടിപ്പെറുക്കി പോയിരുന്നു. രാജ് കലേഷ് ഒക്കെ അര്‍മാദിക്കുവായിരുന്നു. കൊവിഡ് പ്രോട്ടോക്കോള്‍ കാരണം അവരൊന്നും പിറ്റേ ദിവസത്തെ കല്യാണത്തിന് പങ്കെടുത്തില്ല (ആള് കൂടുതലാകുന്നത് കാരണം) എന്നാണ് ജിഷിന്‍ പറയുന്നത്. പക്ഷേ താന്‍ വിവാഹത്തിന് പങ്കെടുത്തതിന്റെ കാരണം കൂടി താരം സൂചിപ്പിച്ചു.

എനിക്ക് പിന്നെ ഒരു ഉളുപ്പും ഇല്ലാത്തത് കൊണ്ട് പിറ്റേ ദിവസം കല്യാണത്തിനും പോയി. വീട്ടില്‍ വന്ന് വീഡിയോസ് നോക്കിയപ്പോള്‍ എല്ലാം ഒന്നിച്ച് വെട്ടിക്കൂട്ടി ഇങ്ങനെ വോയിസ് ആഡ് ചെയ്ത് ഇടാമെന്നു കരുതി. മ്മള് പിന്നെ കല്യാണത്തിന് പോയാലും അവിടെ ഒരു ട്രോള്‍ ഉണ്ടാക്കണമല്ലോ. ഇവള്‍ക്ക് നമ്മള്‍ ഇത്രയെങ്കിലും പണി കൊടുക്കണ്ടേ.. എന്തൊക്കെ ആയാലും മ്മടെ എലീന അല്ലേ?. കണ്ടിട്ട് അഭിപ്രായങ്ങള്‍ വാരിക്കോരി ചൊരിയൂ.. നിങ്ങളുടെ പ്രോത്സാഹനമാണ് ഞങ്ങള്‍ക്ക് മുന്നോട്ട് പോകാനുള്ള ഊര്‍ജ്ജം എന്നുമാണ് സോഷ്യല്‍ മീഡിയയിലെഴുതിയ കുറിപ്പില്‍ ജിഷന്‍ പറയുന്നത്. എന്റെ പൊന്നേ, വീടിനുള്ളില്‍ നിന്നുള്ള ട്രോളായി പോയി. വേറെ ലെവല്‍. സൂപ്പര്‍ എന്നുമാണ് ജിഷിന്റെ പോസ്റ്റിന് താഴെ എലീന കമന്റിട്ടിരിക്കുന്നത്. ലവ് റിയാക്ഷനുമായി രാജ് കലേഷും എത്തിയിട്ടുണ്ട്.