ബോധം കെടുത്തി തന്നെ തട്ടിക്കൊണ്ടുപോകാൻ ശ്രമിച്ച കഥ വിവരിച്ച് പഴയകാല നടി ഐശ്വര്യ

മലയാള സിനിമയിലും സീരിയലിലും ഒക്കെ ഒരുപാട് ആരാധകരുള്ള താരമാണ് ഐശ്വര്യ ഭാസ്കരൻ. നിരവധി മലയാള ചിത്രങ്ങളിൽ താരം നായികയായി എത്തിയിട്ടുണ്ട്. ഇതിൽ തന്നെ മലയാളികൾ എന്നും ഓർത്തു വെക്കുന്ന ഒരു പിടി സൂപ്പർ ഹിറ്റ് ചിത്രങ്ങളും ഉണ്ട്. ചെന്നൈ സ്വദേശി ആയിരുന്നിട്ടു കൂടി മലയാളി പ്രേക്ഷകർക്ക് ഐശ്വര്യയോട് അങ്ങനെയൊരു വേർ തിരിവ് ഉണ്ടായിട്ടില്ല എന്ന് പറയാം. മലയാളത്തിനു പുറമേ തമിഴ്, തെലുങ്ക്, കന്നഡ ചിത്രങ്ങളിലും ശ്രദ്ധേയമായ കഥാപാത്രങ്ങളെ അവതരിപ്പിച്ചിട്ടുണ്ട്.

മലയാള ചലച്ചിത്രങ്ങൾക്ക് പുറമേ സീരിയലുകളിലും ഐശ്വര്യ വേഷമിട്ടിട്ടുണ്ട്. ഏഷ്യാനെറ്റിൽ സംപ്രേക്ഷണം ചെയ്തിരുന്ന ഒരു പരമ്പരയിലെ ഐശ്വര്യ അവതരിപ്പിച്ച ആൻറി അമ്മ എന്ന കഥാപാത്രം പ്രേക്ഷകർക്കിടയിൽ വലിയ ഓളം ആയിരുന്നു സൃഷ്ടിച്ചെടുത്തത്. മലയാളത്തിന് പുറമെ തമിഴ് പരമ്പരകളിലും സജീവമാണ് ഐശ്വര്യ. മോഹൻലാലിനൊപ്പം ഐശ്വര്യ കേന്ദ്ര കഥാപാത്രത്തെ അവതരിപ്പിച്ച ബട്ടർ ഫ്ലൈസ്, നര സിംഹം എന്നീ ചിത്രങ്ങളൊക്കെ വളരെ പ്രേക്ഷക ശ്രദ്ധ പിടിച്ചു പറ്റിയിരുന്നു. ഇപ്പോഴിതാ ബട്ടർ ഫ്ലൈസ് എന്ന ചിത്രത്തിലെ ലൊക്കേഷനിൽ വച്ച് നടന്ന രസകരമായ ഒരു സംഭവം ആണ് താരം വിവരിക്കുന്നത്.

മലയാളത്തിൽ ഞാൻ ചെയ്തതിൽ വെച്ച് ഇന്നും ഏറ്റവും കൂടുതൽ ഓർത്തിരിക്കുന്ന ചിത്രമാണ് ബട്ടർ ഫ്ലൈസ്. എൻറെ ചിത്രങ്ങൾ വച്ച് ഏറ്റവും കൂടുതൽ സാമ്പത്തിക ലാഭം ഉണ്ടാക്കിയ ചിത്രങ്ങളിലൊന്ന് കൂടിയാണ് ഇത്. മോഹൻലാലിനൊപ്പം ആണ് ഒരു കേന്ദ്ര കഥാപാത്രത്തെ ഞാനും അവതരിപ്പിച്ചത്. ജഗദീഷാണ് സപ്പോർട്ടിംഗ് റോളിൽ ഉണ്ടായിരുന്നത്. ഹാസ്യത്തിന് വളരെയധികം പ്രാധാന്യം കൊടുത്തു കൊണ്ട് ഉണ്ടാക്കിയ ഒരു ചിത്രമായിരുന്നു അത്. അതുകൊണ്ടു തന്നെയാവണം ചിത്രത്തിലെ പല രംഗങ്ങളുടെയും ഷൂട്ടിംഗ് എനിക്കിപ്പോഴും നല്ല ഓർമ്മയുണ്ട്. വളരെ നിലവാരമുള്ള ഹാസ്യ രംഗങ്ങൾ ആയിരുന്നു ചിത്രത്തിൽ ഉണ്ടായിരുന്നത്.

ബോധം കെട്ടു വീഴുന്ന എന്നെ മോഹൻലാലും ജഗദീഷും ചേർന്ന് തട്ടിക്കൊണ്ടു പോകുന്ന ഒരു രംഗമുണ്ട് അതിൽ. വളരെ തന്മയത്വത്തോടെ ആണ് രണ്ടുപേരും ആ രംഗങ്ങളൊക്കെ ചെയ്തത്. പലപ്പോഴും ഇവരുടെ അഭിനയം കണ്ട് എനിക്ക് ചിരി അടക്കാൻ പറ്റിയില്ല. ചിരി വരുന്നത് കടിച്ചു പിടിച്ച് കടിച്ചു പിടിച്ച് അവസാനം ഞാൻ പൊട്ടിച്ചിരിക്കുകയാണ് ഉണ്ടായിരുന്നത്. ഒടുവിൽ ഞാൻ സംവിധായകനോട് പറഞ്ഞു എന്നെ യഥാർത്ഥ ക്ലോറോഫോം ഉപയോഗിച്ച് ഒന്ന് ബോധം കെടുത്താൻ. അത്ര പ്രയാസം ആയിരുന്നു എനിക്ക് അ രംഗം ചെയ്യാൻ. ഐശ്വര്യ പറയുന്നു.