ബോളിവുഡിൽ നിന്നും നേരിടേണ്ടി വന്ന കാസ്റ്റിംഗ് കൗച്ച് അനുഭവങ്ങൾ പങ്കുവെക്കുകയാണ് പ്രശസ്ത നടി ഷമ സിക്കന്ദർ. ഇന്ത്യയിലെ പ്രശസ്ത ടെലിവിഷൻ താരം കൂടിയാണ് നടി. ഒരു അഭിമുഖത്തിലാണ് ഷമ ഇക്കാര്യങ്ങൾ വെളിപ്പെടുത്തിയത്. തന്റെ സുഹൃത്താകണം എന്ന് ആഗ്രഹം പറഞ്ഞ നിരവധി നിർമ്മാതാക്കൾ തന്നെ സമീപിച്ചിട്ടുണ്ട്.
അവരുടെ ഒപ്പം ജോലി ചെയ്യാതെ എങ്ങനെ സുഹൃത്തുക്കൾ ആകും എന്ന ആലോചനയിലായിരുന്നു താൻ. ജോലിക്ക് പകരം ലൈംഗികം ആയിട്ടുള്ള താൽപര്യങ്ങൾ നേടുന്നതിന് വേണ്ടിയുള്ള ഏറ്റവും വൃത്തികെട്ട പരിപാടിയാണ് അത്. ഭീകരമായ അരക്ഷിത ബോധമുള്ളവരാണ് അങ്ങനെ ചെയ്യുന്നത്. തന്നെ ഇത്തരത്തിൽ സമീപിച്ചവരിൽ പല പ്രശസ്ത വ്യക്തികളുമുണ്ട്.
പ്രമുഖ നിർമ്മാതാക്കൾ ഇതിലുണ്ട് എന്ന് താരം വെളിപ്പെടുത്തുകയുണ്ടായി. സ്വാഭാവികമായ രീതിയിൽ ഒരു സ്ത്രീയുടെ ഹൃദയം പിടിച്ചെടുക്കുവാൻ ഇത്തിരി പോലും ആത്മവിശ്വാസം ഇല്ലാത്തവരാണ് ഇങ്ങനെയൊക്കെ ചെയ്യുന്നത്. പക്ഷേ ബോളിവുഡിൽ മാത്രം കാസ്റ്റിംഗ് കൗച്ച് ഒതുങ്ങുന്നില്ല എന്നും ഷമ കൂട്ടിച്ചേർത്തു.
നിരവധി സൂപ്പർ ഹിറ്റ് ടെലിവിഷൻ ഷോകളിലൂടെ ശ്രദ്ധ നേടിയ നടിയാണ് ഇവർ. അമീർഖാൻ ചിത്രം അടക്കം പല സൂപ്പർ ഹിറ്റ് ബോളിവുഡ് ചിത്രങ്ങളിലും താരം അഭിനയിച്ചിട്ടുണ്ട്. ചില വെബ് സീരീസുകളിലും നടി വേഷമിട്ടിട്ടുണ്ട്.