എന്നെ ബാധിച്ചിരുന്ന പല കാര്യങ്ങളും ഇനി വേണ്ട; നടി സാമന്ത

മലയാള സിനിമയില്‍ അഭിനയിച്ചില്ലെങ്കില്‍ പോലും മലയാളികളുടെ പ്രിയപ്പെട്ട നടിയാണ് സാമന്ത റൂത്ത് പ്രഭു. കൈനിറയെ സിനിമകളാണ് ഈ നടിക്ക്. ജീവിതത്തിലേക്ക് പ്രതിസന്ധി ഘട്ടങ്ങള്‍ കടന്നു വന്നപ്പോഴും അഭിനയത്തില്‍ തിളങ്ങിനില്‍ക്കാന്‍ സാമന്തയ്ക്ക് കഴിഞ്ഞു. ഏറെ നാളത്തെ പ്രണയത്തിന് ശേഷമായിരുന്നു സാമന്തയും നാഗചൈതന്യയും തമ്മിലുള്ള വിവാഹം. എന്നാല്‍ 2021 ഇവര്‍ വേര്‍പിരിയുകയായിരുന്നു.

2010 ല്‍ പുറത്തിറങ്ങിയ ഗൗതം വാസുദേവ് മേനോന്‍ ചിത്രം യെ മായ ചെസവേ എന്ന ചിത്രത്തിലൂടെയായിരുന്നു സമാന്ത സിനിമയില്‍ അരങ്ങേറ്റം കുറിച്ചത്. ഇതില്‍ നായകന്‍ ആയി എത്തിയിരുന്നത് നാഗ ചൈതന്യയാണ് . ചിത്രം ഏറെ സൂപ്പര്‍ ഹിറ്റായി മാറുകയും ചെയ്തു. ഇതിലൂടെയാണ് താരങ്ങള്‍ പരിചയപ്പെടുന്നതും ആ ബന്ധം പ്രണയത്തിലേക്ക് എത്തിയതും.

ജെസി എന്ന കഥാപാത്രമായാണ് ചിത്രത്തില്‍ സമാന്തയെത്തിയത്. യെ മായ ചെസവേ ഒരേ സമയം തമിഴിലും ഗൗതമൊരുക്കിയിരുന്നു. തൃഷയും ചിമ്പുവും പ്രധാനവേഷത്തിലെത്തിയ വിണ്ണൈത്താണ്ടി വരുവായ ആണത്. ചിത്രത്തിന്റെ തമിഴ് പതിപ്പിലും അതിഥി വേഷത്തില്‍ സമാന്തയെത്തിയിരുന്നു.

ചിത്രം ഇറങ്ങി 13 വര്‍ഷം പിന്നിട്ടതിന്റെ സന്തോഷം നാഗ ചൈതന്യ പങ്കുവെച്ചിരുന്നു. ഇപ്പോല്‍ നടി പങ്കുവെച്ച കുറിപ്പും വൈറല്‍ ആവുന്നു.

‘എനിക്ക് പ്രായമാകുന്തോറും… ഞാന്‍ മുന്നോട്ട് പോകും… എല്ലാ സ്നേഹത്തിനും വാത്സല്യത്തിനും… ഓരോ പുതിയ ദിവസത്തിനും അത് നല്‍കുന്ന എല്ലാ നല്ല കാര്യങ്ങള്‍ക്കും ഞാന്‍ അഗാധമായി നന്ദിയുള്ളവനാണ്.’ ‘എന്നെ ബാധിച്ചിരുന്ന പല കാര്യങ്ങളും… ഇനി വേണ്ട. എല്ലാ ദിവസവും സ്‌നേഹത്തിന്റെയും നന്ദിയുടെയും തരംഗം മാത്രം. നന്ദി’ എന്നാണ് സാമന്ത കുറിച്ചത്.