കെട്ടിയോനെ കളഞ്ഞ് പണത്തിന്റെ പിന്നാലെ പായുന്ന നിങ്ങളോടു എന്തു പറയാന്‍; ചൊറിയാന്‍ വന്നവന് മറുപടിയുമായി നവ്യ

ഒരു കാലത്ത് സൂപ്പര്‍ ഹീറോ എന്ന് തന്നെ നവ്യയെ വിശേഷിപ്പിക്കാമായിരുന്നു. ഒത്തിരി നല്ല ചിത്രങ്ങളുടെ ഭാഗമാവാന്‍ താരത്തിന് കഴിഞ്ഞിട്ടുണ്ട്. നന്ദനത്തിലെ ബാലാമണിയെ പ്രേക്ഷകര്‍ ഇന്നും ഓര്‍ക്കുന്നു, ഇതിലെ ബാലാമണി എന്ന കഥാപാത്രം ശ്രദ്ധിക്കപ്പെട്ടിരുന്നു. ഇന്നും മലയാള മനസില്‍ ഉണ്ട് ബാലാമണി എന്ന പെണ്‍കുട്ടി. ഇതിന് പിന്നാലെ നല്ല അവസരങ്ങളാണ് താരത്തിന് ലഭിച്ചത്.

വിവാഹത്തോടെ അഭിനയത്തില്‍ നിന്ന് മാറിനിന്ന നവ്യ നായര്‍ ഒരുത്തീ എന്ന ചിത്രത്തിലൂടെ തിരിച്ചു വന്നിരുന്നു. അതൊരു ഒന്നൊന്നര വരവ് തന്നെ ആയിരുന്നു. താരത്തിന്റെ കഥാപാത്രവും സിനിമയെല്ലാം ശ്രദ്ധ നേടി. സോഷ്യല്‍ മീഡിയയിലും സജീവമാവുകയായിരുന്നു നവ്യ. എന്നാല്‍ ഇടയ്‌ക്കൊക്കെ ചില വിമര്‍ശന കമന്റുകള്‍ നടിക്ക് നേരെ വന്നിരുന്നു.

ഇപ്പോഴിതാ തന്റെ പുതിയൊരു പോസ്റ്റിന് വന്ന അധിക്ഷേപ കമന്റിന് നവ്യ കൊടുത്ത മറുപടിയാണ് ശ്രദ്ധനേടുന്നത്.

‘കെട്ടിയോനെയും കളഞ്ഞ്, പണം, ഫാന്‍സ് ഇതിന്റെ പിന്നാലെ പായുന്ന നിങ്ങളോടു എന്തു പറയാന്‍. ലൈഫ് ഒന്നെയൊള്ളൂ ഹാപ്പി’ എന്നിങ്ങനെയായിരുന്നു ഒരാളുടെ കമന്റ്. ഇക്കാര്യം ശ്രദ്ധയില്‍പ്പെട്ട ഉടനെ തന്നെ നവ്യ മറുപടിയുമായി രം?ഗത്തെത്തി. ‘ഇതൊക്കെ ആരാ തന്നോടു പറഞ്ഞത്? പിന്നെ അവസാനം പറഞ്ഞതു കറക്റ്റാണ്. ലൈഫ് ഒന്നെയൊള്ളൂ. ഹാപ്പിയായി ഇരിക്കൂ, എന്തിന ഇങ്ങനെ ദുഷിപ്പു പറയുന്നത്’ എന്നായിരുന്നു നവ്യയുടെ മറുപടി. നിരവധി പേരാണ് നവ്യയെ പിന്തുണച്ച് എത്തിയത്.