ഇത് എന്തൊരു മാറ്റം; നടി നന്ദന വര്‍മ്മയെ കണ്ടിട്ട് മനസിലാവുന്നില്ലെന്ന് ആരാധകര്‍

ബാലതാരമായി സിനിമയില്‍ എത്തിയ നടിയാണ് നന്ദന വര്‍മ്മ. കുഞ്ഞുനാളില്‍ തന്നെ നന്ദന അവതരിപ്പിച്ച കഥാപാത്രങ്ങളെല്ലാം പ്രേക്ഷകരുടെ ഹൃദയത്തില്‍ സ്ഥാനം പിടിച്ചിരുന്നു. 2012ല്‍ പ്രദര്‍ശനത്തിനെത്തിയ സ്പിരിറ്റ് എന്ന ചിത്രത്തിലൂടെയണ് നന്ദന ചലച്ചിത്ര മേഖലയില്‍ അരങ്ങേറ്റം കുറിക്കുന്നത്. പിന്നീട് ടൊവിനോ ചിത്രം ഗപ്പിയിലൂടെ ശ്രദ്ധിക്കപ്പെടാന്‍ തുടങ്ങി. ചിത്രത്തിലെ ആമിനയെ ആരാധകര്‍ ഇന്നും ഓര്‍ക്കുന്നു.

ഇപ്പോള്‍ നടി സിനിമയില്‍ അത്ര സജീവമല്ല. എന്നാല്‍ സോഷ്യല്‍ മീഡിയ വഴി തന്റെ കുഞ്ഞു വിശേഷം പോലും നന്ദന പങ്കുവെയ്ക്കാറുണ്ട്. ഇപ്പോള്‍ നന്ദന പങ്കുവെച്ച കിടിലന്‍ ചിത്രങ്ങളാണ് വൈറല്‍ ആവുന്നത്. പിങ്ക് നിറത്തിലെ ഗൗണ്‍ ധരിച്ചാണ് ഇത്തവണ താരം മനം കവരുന്നത്. സിംപിള്‍ ലുക്കാണ് താരം ചെയ്തിരിക്കുന്നതും. അധികം ആഭരണങ്ങളും നന്ദന ലുക്കിനായി തെരഞ്ഞെടുത്തിട്ടില്ല.

എആര്‍ സിഗനേച്ചറിന്റെ വിന്റര്‍ ഔട്ട്ഫിറ്റിലാണ് താരം തിളങ്ങിയിരിക്കുന്നത്. ഷാനി ഷാക്കിയാണ് ചിത്രങ്ങള്‍ പകര്‍ത്തിയിരിക്കുന്നത്.

ബാലതാരമായി സിനിമയിലെത്തിയ നടിയാണ് നന്ദന വര്‍മ്മ, ചുരുങ്ങിയ സമയം കൊണ്ട് തന്നെ താരം ശ്രദ്ധിക്കപ്പെട്ടിരുന്നു. ഗപ്പി എന്ന ചിത്രത്തിലൂടെയാണ് നടിക്ക് ആരാധകര്‍ ഏറെയായത്. തനിക്ക് കിട്ടുന്ന കഥാപാത്രം ഏതുമാവട്ടെ അത് ഗംഭീരമാക്കികൊടുക്കാന്‍ ഒരു പ്രത്യേക കഴിവ് തന്നെ താരത്തിന് ഉണ്ട്.