കുറച്ചധികം കൊനിഷ്ട്ട് ഉണ്ട്, നാട്ടുകാർ ചീത്ത പറയാതിരുന്നാൽ മതി എന്നു ആഗ്രഹിക്കുന്നു. ആശങ്ക പങ്കുവെച്ച് കൊണ്ട് മാലാ പാർവതി.

അമൽ നീരദ് സംവിധാനം ചെയ്യുന്ന ഏറ്റവും പുതിയ ചിത്രമാണ് ഭീഷ്മപർവ്വം. മമ്മൂട്ടി ആണ് ഈ ചിത്രത്തിൽ നായകൻ. ചിത്രത്തിൻറെ ക്യാരക്ടർ പോസ്റ്ററുകൾ ഓരോന്നായി കഴിഞ്ഞ ദിവസങ്ങളിൽ പുറത്തു വരുന്നുണ്ട്. ഇതിൽ മിക്ക ക്യാരക്ടർ പോസ്റ്ററുകൾ വളരെ ശ്രദ്ധ നേടുകയാണ്. മമ്മൂട്ടിയുടെ അടക്കം ക്യാരക്ടർ പോസ്റ്ററുകൾ പുറത്തിറങ്ങിയിരുന്നു. കുറച്ചു മുൻപു ചിത്രത്തിൻ്റെ ടീസറും പുറത്തിറങ്ങി. മികച്ച പ്രേക്ഷക പ്രതികരണം ആണ് ഈ ടീസർ നേടിയത്.

ചിത്രത്തിൽ പ്രശസ്ത നടി മാലാ പാർവതിയും ഒരു കേന്ദ്ര കഥാപാത്രത്തെ അവതരിപ്പിക്കുന്നുണ്ട്. ഇപ്പോഴിതാ ഇതിനെക്കുറിച്ച് സംസാരിക്കുകയാണ് താരം. ചിത്രത്തിൽ തൻ്റെത് ഒരു അടിപൊളി കഥാപാത്രമാണ് എന്നാണ് മാലാ പാർവതി പറയുന്നത്. നെഗറ്റീവ് ആയിട്ടുള്ള കഥാപാത്രമാണ് ഇത് എന്നും താരം സൂചിപ്പിക്കുന്നു. എന്നാൽ അതിനൊപ്പം തന്നെ തമാശയും ഉണ്ട്.

കഥാപാത്രത്തിൻറെ പേര് മോളി എന്നാണ്. മഹാ കൊനിഷ്റ്റ് കഥാപാത്രമാണ്. ചിത്രത്തിൽ ആദ്യാവസാനം തൻ്റെ കഥാപാത്രത്തിൻറെ സാന്നിധ്യമുണ്ട്. ഇത് കണ്ട് നാട്ടുകാർ തന്നെ തെറി പറയാതിരുന്നാൽ മതി. ഒരു ബ്ലാസ്റ്റ് ബൂം ഹ്യൂജ് പടമാണ് ഭീഷ്മപർവ്വം. ഇതിനുമുൻപ് ഇങ്ങനെ ഒരു ചിത്രം താൻ ചെയ്തിട്ടില്ല. കൊച്ചി കുമ്പളങ്ങി സ്ലാങ്ങിൽ ആണ് തൻറെ കഥാപാത്രം സംസാരിക്കുന്നത്. മാല പറയുന്നു.

മാർച്ച് മൂന്നിന് ചിത്രം പ്രദർശനത്തിന് എത്തുകയാണ്. മൈക്കിൾ എന്ന കഥാപാത്രത്തെയാണ് മമ്മൂട്ടി ഇതിൽ അവതരിപ്പിക്കുന്നത്. ഒരു ഗ്യാങ്സ്റ്റർ ഡ്രാമ വിഭാഗത്തിൽപെടുന്ന ചിത്രമാണ് ഇത്. ചിത്രത്തിന് ഛായാഗ്രഹണം നിർവഹിച്ചിരിക്കുന്നത് ആനന്ദ് സി ചന്ദ്രൻ ആണ്. സംഗീതം നിർവഹിക്കുന്നത് സുഷിൻ ശ്യാം ആണ്.