അനാഥ കുഞ്ഞാണെന്ന് കരുതി, ഒരുപാട് വർഷം അങ്ങനെ നടന്നു. നടി കീർത്തി സുരേഷിൻ്റേ പുതിയ വെളിപ്പെടുത്തൽ കേട്ടോ?

മലയാളികളുടെ പ്രിയതാരമാണ് കീർത്തി സുരേഷ്. നിരവധി ആരാധകരുണ്ട് താരത്തിന്. തെലുങ്ക് സിനിമയിലാണ് കീർത്തി ഇപ്പോൾ കൂടുതലായും സജീവം. എന്നാൽ മലയാളത്തിലും ചെറുതല്ലാത്ത രീതിയിൽ താരം അഭിനയിക്കുന്നുണ്ട്. കീർത്തി നായികയായി എത്തിയ ഏറ്റവും ഒടുവിലത്തെ മലയാള ചിത്രമാണ് വാശി.

ഈ കഴിഞ്ഞ ദിവസമാണ് ചിത്രം പുറത്തിറങ്ങിയത്. ടോവിനോ തോമസ് ആണ് ഇതിൽ നായകൻ. മലയാളികളുടെ പ്രിയതാരം ആയിരുന്ന മേനകാ സുരേഷ് ആണ് കീർത്തിയുടെ അമ്മ. കീർത്തിയുടെ അച്ഛൻ പ്രശസ്ത നിർമ്മാതാവ് സുരേഷ് കുമാറും. ഒരു സഹോദരിയുണ്ട് കീർത്തിക്ക്. താരമിപ്പോൾ പറഞ്ഞ ചില കാര്യങ്ങളാണ് സാമൂഹ്യമാധ്യമങ്ങളിൽ ശ്രദ്ധനേടുന്നത്.

ചെറുപ്പത്തിൽ താനൊരു അനാഥ കുട്ടിയാണെന്ന് വിശ്വസിച്ചു എന്നാണ് കീർത്തി പറയുന്നത്. തന്നെ അച്ഛനും അമ്മയും ദത്തെടുത്ത് വളർത്തി എന്നതായിരുന്നു വർഷങ്ങളോളം വിശ്വസിച്ചത്. സുരേഷ് ഗോപി അങ്കിളാണ് അങ്ങനെതന്നെ പറഞ്ഞു വിശ്വസിപ്പിച്ചത് എന്നും താരം പറയുന്നു. വാശി എന്ന തൻറെ പുതിയ സിനിമയുടെ പ്രമോഷന് വേണ്ടി സംസാരിക്കുന്നതിനിടയിലാണ് താരം ഇക്കാര്യത്തെക്കുറിച്ച് വെളിപ്പെടുത്തിയത്.

ചെറുപ്പം മുതലേ സുരേഷ് ഗോപി അങ്കിൾ തന്നെ പറഞ്ഞു പറ്റിച്ച കാര്യമാണ് ഇത്. ഒരു അനാഥ കുഞ്ഞാണ് എന്ന് പറഞ്ഞ് തന്നെ കളിയാക്കും. അവിടെ ജീവിക്കേണ്ട എങ്കിൽ തൻറെ വീട്ടിലേക്ക് പോന്നോളൂ എന്ന് അങ്കിൾ പറയും. അങ്ങനെ കുറെ കാലം ഇക്കാര്യം താൻ വിശ്വസിച്ചിരുന്നു. ചെറുപ്പത്തിൽതന്നെ വാശിയുള്ള കൂട്ടത്തിലായിരുന്നു എന്നും താരം പറയുന്നു.