നടി അനുപമ പരമേശ്വരന്‍ വിവാഹിതയാവുന്നു; പ്രതികരണവുമായി സുനിത പരമേശ്വരന്‍

പ്രേമം എന്ന ഒറ്റ ചിത്രത്തിലൂടെ പ്രേക്ഷകരുടെ ഇഷ്ടതാരമായി മാറിയ താരമാണ് അനുപമ പരമേശ്വരന്‍. മലയാളത്തിന് പുറമെ മറ്റു ഭാഷകളിലും തിളങ്ങിയിരുന്നു നടി. മലയാളത്തില്‍ കുറച്ച് കഥാപാത്രങ്ങളെ ചെയ്തുള്ളുവെങ്കിലും ആദ്യ സിനിമയിലൂടെ തന്നെ അനുപമ ശ്രദ്ധിക്കപ്പെട്ടിരുന്നു.

മലയാളത്തില്‍ ഒരിടവേളയ്ക്ക് ശേഷം മണിയറയിലെ അശോകന്‍ എന്ന ചിത്രത്തിലൂടെ താരം എത്തിയത്. ഇതിനിടെ അനുപമയുടെ ഒരു ഷോട്ട് ഫിലിം വൈറലായിരുന്നു. ചില വിവാദങ്ങളും സിനിമ സൃഷ്ടിച്ചിരുന്നു.
സോഷ്യല്‍ മീഡിയയില്‍ സജീവമായ താരം തന്റെ ചിത്രങ്ങളും വീഡിയോയും പങ്കുവെച്ച് എത്താറുണ്ട്.

മുമ്പ് ഇന്ത്യന്‍ ക്രിക്കറ്റ് താരം ജസ്പ്രീത് ബുംറയെയും അനുപമയെയും ബന്ധപ്പെടുത്തികൊണ്ടുളള വിവാഹ വാര്‍ത്ത സോഷ്യല്‍ മീഡിയയില്‍ വിലയ വിവാദം ആയിരുന്നു. നടി പ്രണയത്തിലാണെന്നും വിവാഹം കഴിക്കാന്‍ പോവുകയാണ് എന്ന വാര്‍ത്തയാണ് വന്നത്. ഇതില്‍ സത്യമില്ലെന്ന് താരങ്ങള്‍ തന്നെ അന്ന് പ്രതികിരച്ചിരുന്നു.

ഇപ്പോള്‍ വീണ്ടും ഇതേ സംഭവം തലപൊക്കിയിരിക്കുകയാണ്. ഇരുവരും വിവാഹം കഴിക്കാന്‍ പോവുകയാണ് എന്നാണ് സോഷ്യല്‍ മീഡിയ പറയുന്നത്. വിവാഹ ചടങ്ങുകളുമായി ബന്ധപ്പെട്ട് ഇംഗ്ലണ്ടിനെതിരായ നാലാം ക്രിക്കറ്റ് ടെസ്റ്റില്‍ നിന്നും ബുംറ പിന്മാറിയിരുന്നു.

വ്യക്തിപരമായ കാരണങ്ങളാല്‍ കുറച്ച് ദിവസത്തേക്ക് അവധിയെടുക്കുന്നു എന്നായിരുന്നു താരത്തെ കുറിച്ച് വാര്‍ത്ത വന്നത്. മല്‍സരം നടക്കുന്ന അഹമ്മദാബാദില്‍ തന്നെയാണ് ബുംറയുടെ സ്വദേശം. അതേസമയം ഈ സമയത്ത് തന്നെ അനുപമയും ഗുജറാത്തിലേക്ക് പോയതാണ് പല വിധ അഭ്യൂഹങ്ങളും ഉണ്ടാകാന്‍ കാരണമായത്.

വാര്‍ത്ത പ്രചരിച്ചതോടെ അനുപമയുടെ അമ്മ സുനിത പരമേശ്വരന്‍ രംഗത്ത് എത്തിയിരുന്നു. ബുംറയുമായി മറ്റൊരു തരത്തിലുളള ഒരു ബന്ധവും അനുപമയ്ക്കില്ലെന്നും ഇതൊക്കെ തമാശയായേ കണക്കാക്കുന്നൂളളുവെന്നും സുനിത പറയുന്നു.