മേഘ്‌നയുടെ കുഞ്ഞിനെ ഡിസ്റ്റോ എന്നാണ് വിളിക്കുന്നത്, അതിന് കാരണം ഉണ്ട്; അനന്യ പറയുന്നു

മലയാളികളുടെ പ്രിയപ്പെട്ട നടിയാണ് അനന്യ. ബാലതാരമായി സിനിമയില്‍ എത്തിയ അനന്യ നിരവധി ഭാഷാ ചിത്രങ്ങളില്‍ അഭിനയിച്ചു. മലയാളസിനിമയില്‍ കുറച്ചുകാലം നടി സജീവമായിരുന്നു. നടിയായും സഹനടിയായും മികച്ച പ്രകടനം കാഴ്ചവെച്ച് മുന്നോട്ടുപോകാന്‍ അനന്യയ്ക്ക് സാധിച്ചു. അഭിനയം പോലെ നൃത്തത്തെ തന്റെ ജീവിതത്തിന്റെ ഒരുഭാഗം ആക്കിയിരുന്നു അനന്യ. നിരവധി നൃത്ത പരിപാടികളിലും ഈ താരം എത്തിയിരുന്നു. ഈ അടുത്ത് ഒരിടവേളക്ക് ശേഷം വീണ്ടും മലയാള സിനിമയിലേക്ക് താരം എത്തിയിരുന്നു. ഇപ്പോള്‍ നടിമേഘ്നയുമായുളള സൗഹൃദത്തെക്കുറിച്ചാണ് അനന്യ പറയുന്നത്.

മേഘ്നയുമായി അടുത്ത സൗഹൃദമുണ്ട്. 11 വര്‍ഷമായി ഞങ്ങള്‍ പരിചയപ്പെട്ടിട്ട്. മുല്ലമൊട്ടും മുന്തിരിച്ചാറും എന്ന ചിത്രത്തിലാണ് ഞങ്ങള്‍ ആദ്യമായി ഒന്നിച്ച് അഭിനയിക്കുന്നത്. ആ സിനിമ ചെയ്യുന്ന സമയത്ത് അങ്ങനെ വല്യ കൂട്ടൊന്നുമുണ്ടായിരുന്നില്ല. പിന്നീട് 100 ഡിഗ്രി സെല്‍ഷ്യസ് ചെയ്തു. അവിടം മുതലാണ് നല്ല സുഹൃത്തുക്കളായി മാറിയതും സൗഹൃദം ശക്തമായതും ആ ചിത്രത്തിന്റെ സമയത്തായിരുന്നുവെന്നും അനന്യ പറയുന്നു. കൈരളി ചാനലിന് നല്‍കിയ അഭിമുഖത്തിലായിരുന്നു അനന്യ വിശേഷങ്ങള്‍ പങ്കുവെച്ചത്.

ചീരവിനെയും തനിക്ക് പരിചയമുണ്ട്. നേരിട്ട് കാണുന്നത് എന്‍ഗേജ്‌മെന്റിന് ആണ്. ചീരുമായുള്ള പ്രണയത്തെക്കുറിച്ച് മേഘ്‌ന പറഞ്ഞിരുന്നു. അതേസമയം മേഘ്‌നയുടെ കുഞ്ഞിനെ താന്‍ ഡിസ്റ്റോ എന്നാണ് വിളിക്കുന്നതെന്ന് അനന്യ പറയുന്നു. താന്‍ മാത്രമാണ് അങ്ങനെ വിളിക്കുന്നതെന്ന്, താന്‍ അവനെ ആദ്യമായി കണ്ടത് ഭയങ്കര ഡിസ്റ്റന്‍സിലായിരുന്നു ,കൊവിഡ് കാരണം എടുക്കാനും കഴിഞ്ഞില്ല. അതാണ് അങ്ങനെ വിളിക്കുന്നത് അനന്യ പറയുന്നു.

തന്റെ നല്ലൊരു സുഹൃത്താണ് മേഘ്‌ന , ഞങ്ങള്‍ ഒന്നിച്ച് സിനിമ ചെയ്യേണ്ടതായിരുന്നു , അതിനുള്ള ചര്‍ച്ചകളൊക്കെ നടന്നെങ്കിലും , പിന്നീടാണ് താന്‍ അമ്മയാവാന്‍ പോവുന്ന സന്തോഷം മേഘ്‌ന വിളിച്ചു പറഞ്ഞത്, ഒരു മാസം കഴിഞ്ഞപ്പോഴാണ് ആള്‍ പോയെന്ന് പറഞ്ഞ് കോള്‍ വരുന്നത് അനന്യ പറയുന്നു.