കരൾ രോഗത്തെ തുടർന്ന് നടൻ ശശി കലിംഗ അന്തരിച്ചു

ചലച്ചിത്ര താരം കലിംഗ ശശി (59) അന്തരിച്ചു. വി.ചന്ദ്രകുമാർ എന്നായിരുന്നു കലിംഗ ശശിയുടെ യഥാർത്ഥ പേര്. പാലേരിമാണിക്യം, കേരള കഫെ, വെള്ളിമൂങ്ങ, ആമേൻ തുടങ്ങി നിരവധി ചിത്രങ്ങളിൽ അഭിനയിച്ചിട്ടുണ്ട്. ഇന്ന് രാവിലെയാണ് അദ്ദേഹം കോഴിക്കോട് സ്വകാര്യ ആശുപത്രിയിൽ മരിച്ചത്. കരൾ രോഗത്തിന് ചികിത്സയിലായിരുന്നു

നാടകകൃത്തായിരുന്ന കലിംഗ ശശി തന്റെ ഹാസ്യ വേഷങ്ങളിലൂടെ ആളുകളുടെ ഹൃദയത്തെ കീഴടക്കിയിട്ടുണ്ട്. ഇരുപത്തിയഞ്ച് വർഷത്തോളം നാടകവേദിയിൽ പ്രവർത്തിച്ചു. അഞ്ഞൂറിലധികം നാടകങ്ങളിൽ അഭിനയിച്ചു. തകരചെണ്ട എന്ന ചിത്രത്തിൽ ആക്രി കച്ചവക്കാരന്റെ വേഷത്തിലായിരുന്നു അരങ്ങേറ്റം. പിന്നെ, അവസരങ്ങൾ ഇല്ലാതിരുന്നപ്പോൾ അദ്ദേഹം നാടകരംഗത്തേക്കു തന്നെ മടങ്ങി. പിന്നീട് രഞ്ജിത്തിന്റെ ‘പാലേരിമാണിക്യം ‘ എന്ന ചിത്രത്തിലൂടെ വെള്ളിത്തിരയിലേക്ക് തിരിച്ചു വന്നു. പിന്നീട് കലിംഗ ശശി മലയാള സിനിമാ ലോകത്തിന്റെ ഭാഗമാകുന്ന കാഴ്ചയാണ് നമ്മൾ കണ്ടത് .

കോഴിക്കോട് കൊന്നമംഗലത്ത് ചന്ദ്രശേഖരൻ നായരുടെയും സുകുമാരി അമ്മയുടെയും മകനായാണ് കലിംഗ ശശി ജനിച്ചത്. പ്രഭാവതി ഭാര്യയാണ്. ശശി കലിംഗ സെന്റ് ജോസഫ് ബോയ്സ് ഹയർ സെക്കൻഡറി സ്കൂളിൽ സ്കൂൾ വിദ്യാഭ്യാസം നടത്തി. കോഴിക്കോട് ഗവൺമെന്റ് പോളിടെക്നിക് കോളേജിൽ നിന്ന് ഓട്ടോമൊബൈൽ എഞ്ചിനീയറിംഗിൽ ഡിപ്ലോമ നേടി.

ഇരുന്നൂറിലധികം ചിത്രങ്ങളിൽ അഭിനയിച്ചിട്ടുണ്ട്. സഹദേവൻ അയാക്കാട് സംവിധാനം ചെയ്ത ‘ഹലോ ഇന്നു ഒന്നാം തിയതി ആണ് ‘ എന്ന ചിത്രത്തിൽ നായകവേഷവും ചെയ്തു

കലിംഗ ശശിയുടെ പ്രധാന സിനിമകൾ:

കേരള കഫെ

പ്രാഞ്ചിയേട്ടൻ & ദി സെയിന്റ്

ഇന്ത്യൻ റുപീ

ആമേൻ

അമർ അക്ബർ ആന്റണി

വെള്ളിമൂങ്ങ

ആദാമിനെ മകൻ അബു

മുന്തിരിവള്ളികൾ തളിർക്കുമ്പോൾ

ലോഹം

ഉട്ടോപ്പിയയിലെ രാജാവ്

നകു പെന്റ നകു ടാക

മണി രത്‌നം

കൂതറ

ഫിലിപ്സ് & മങ്കി പെൻ

കർമ്മയോദ്ധ

പാലേരിമാണിക്യം