ഇന്ന് തൻറെ മകൻ ജീവിച്ചിരിക്കുന്നെങ്കിൽ അതിൻറെ കാരണം സുരേഷ് ഗോപിയാണ്. എൻറെ ഹൃദയത്തിൽ സുരേഷിന് എന്നും ഒരു സ്ഥാനമുണ്ട്. വൈറലായി മണിയൻപിള്ളരാജുവിൻറെ വാക്കുകൾ.

തൻറെ മകൻ ജീവിച്ചിരിക്കാൻ കാരണം സുരേഷ് ഗോപിയാണ് എന്ന് വെളിപ്പെടുത്തുകയാണ് മണിയൻപിള്ള രാജു. കോ വിഡ് കാലത്തെ ഒരു അനുഭവമാണ് മണിയൻപിള്ളരാജു പങ്കുവെച്ചത്. മകൻ സച്ചിനെ കുറിച്ചാണ് മണിയൻപിള്ളരാജു പറയുന്നത്. ഗുജറാത്തിൽ വളരെ വിദൂരമായ ഒരു സ്ഥലത്ത് എണ്ണ കമ്പനിയിൽ ജോലി ചെയ്യുകയായിരുന്നു മകൻ.

ഒരു വർഷം മുൻപ് രണ്ടാം കോവിഡ് തരംഗം ശക്തിപ്രാപിച്ചു തുടങ്ങിയ സമയം. മൂത്തമകൻ സച്ചിന് കോവിഡ് പിടിപെട്ടു. വളരെ രൂക്ഷമായി അവനെ അത് ബാധിക്കുകയും ചെയ്തു. ശ്വാസകോശം ചുരുങ്ങിപ്പോയി. ആരോഗ്യനില അത്യന്തം ഗുരുതരമായി. ഗുജറാത്തിൽ നിന്നും ഇതിനെക്കുറിച്ച് അറിയുമ്പോൾ ആരെ സമീപിക്കണം എന്ന് തനിക്ക് അറിയില്ലായിരുന്നു.

വളരെ പെട്ടെന്നാണ് സുരേഷ്ഗോപിയെ ഓർത്തത്. കരച്ചിലോടെ താൻ അദ്ദേഹത്തോട് കാര്യങ്ങൾ വിശദീകരിച്ചു. എല്ലാ വിശദാംശങ്ങളും കൃത്യമായി ചോദിച്ചറിഞ്ഞ ശേഷം അദ്ദേഹം ഫോൺ വെച്ചു. പിന്നെ എല്ലാം അത്ഭുതമാണ് നടന്നത്. ഏതാണ്ട് നാല് എംപിമാരെ അദ്ദേഹം ബന്ധപ്പെട്ടു. വളരെ റിമോട്ട് ആയി സ്ഥിതി ചെയ്യുന്ന ആ സ്ഥലത്തേക്ക് അത്യാധുനിക സൗകര്യമുള്ള ആംബുലൻസ് എത്തി. ഏതാണ്ട് അഞ്ചു മണിക്കൂർ യാത്ര ചെയ്ത് അവർ മകനെയും കൊണ്ട് രാജ്കോട്ടിലെ ആശുപത്രിയിലെത്തി. എല്ലാത്തിനും തയ്യാറെടുത്ത് ഡോക്ടർമാർ അവിടെ ഉണ്ടായിരുന്നു.

ചിലപ്പോൾ ഒരല്പം കൂടി വൈകിയിരുന്നെങ്കിൽ മകനെ ജീവനോടെ തിരിച്ചു കിട്ടുമായിരുന്നില്ല എന്നാണ് ഡോക്ടർമാർ പറഞ്ഞത്. സുരേഷിൻറെ ഇടപെടൽ കൊണ്ട് മാത്രമാണ് അവനെ കൃത്യസമയത്ത് ഹോസ്പിറ്റലിൽ എത്തിക്കാനും ചികിത്സകൾ നൽകാനും കഴിഞ്ഞത്. ഇന്ന് തൻ്റെ മകൻ ജീവിച്ചിരിക്കുന്നു എങ്കിൽ അതിന് കാരണക്കാരൻ സുരേഷ് ഗോപി ആണ്. സുരേഷിനെ തനിക്ക് ഒരിക്കലും മറക്കാൻ പറ്റില്ല. എന്നും തൻറെ ഹൃദയത്തിൽ അദ്ദേഹത്തിന് ഒരു സ്ഥാനം ഉണ്ടാകും. താരം വ്യക്തമാക്കി.