മലയാളികളുടെ പ്രിയ നടന്മാരിൽ ഒരാളാണ് ജഗദീഷ്. വർഷങ്ങളായി മലയാള സിനിമയിൽ സജീവമായി പ്രവർത്തിക്കുന്ന വ്യക്തി. ഒരു നടൻ എന്നതിലുപരി കോളേജ് പ്രൊഫസർ കൂടിയാണ് ഇദ്ദേഹം. ചില ഹാസ്യ പരിപാടികളിൽ അവതാരകനായും താരം എത്തിയിട്ടുണ്ട്. ബ്രോ ഡാഡി എന്ന ചിത്രത്തിലാണ് ജഗദീഷ് ഏറ്റവും ഒടുവിലായി അഭിനയിച്ചത്. ചിത്രത്തിൽ ജഗദീഷിൻ്റെ കഥാപാത്രം ഏറെ ശ്രദ്ധ നേടുകയും ചെയ്തു.
ഒരു സെലിബ്രിറ്റി ആണെങ്കിൽ കൂടി ജഗദീഷിൻ്റെ കുടുംബ വിശേഷങ്ങൾ ഒന്നും പ്രേക്ഷകർ കേട്ടിരിക്കണമെന്നില്ല. ജഗദീഷിൻ്റെ ഭാര്യയാണ് രമ. തൻറെ ഭാര്യ പൊതുഇടങ്ങളിൽ പ്രത്യക്ഷപ്പെടാത്തതിൻറെ കാരണം വെളിപ്പെടുത്തുകയാണ് ഇദ്ദേഹം ഇപ്പോൾ. തനിക്ക് എത്രത്തോളം പ്രശസ്തി നേടാനും പൊതു ഇടങ്ങളിൽ പ്രത്യക്ഷപ്പെടാനും ആഗ്രഹമുണ്ടോ, അത്രത്തോളം അതിൽ നിന്നും മുഖം തിരിഞ്ഞു നടക്കാൻ ഇഷ്ടപ്പെടുന്ന വ്യക്തിയാണ് തൻറെ ഭാര്യ എന്നാണ് ജഗദീഷ് പറയുന്നത്.
സ്വകാര്യജീവിതം പരസ്യമാക്കാൻ രമക്ക് ആഗ്രഹമില്ല. എന്തെങ്കിലും സ്പെഷ്യൽ എഡിഷൻ ഭാഗമായി ഏതെങ്കിലും മാഗസിൻ സമീപിച്ചാലും അവൾ അതിന് തയ്യാറാവില്ല. അതുകൊണ്ടാണ് അധികം ചിത്രങ്ങൾ പോലും പുറത്തു വരാത്തത്. സാമൂഹ്യ മാധ്യമങ്ങളിൽ ചിത്രങ്ങൾ പങ്കുവയ്ക്കുന്നതും രമക്ക് ഇഷ്ടമല്ല. തങ്ങൾ രണ്ടുപേരും രണ്ട് എതിർദിശയിൽ സഞ്ചരിക്കുന്ന വ്യക്തികളാണ്.
അഭിപ്രായ വ്യത്യാസങ്ങൾക്ക് ഇടയിലുള്ള യോജിപ്പാണ് തങ്ങളുടെ വിജയം. തൻറെ രണ്ടു പെൺകുട്ടികളും ഇന്ന് പഠിച്ച ഡോക്ടർമാർ ആയിട്ടുണ്ടെങ്കിൽ അതിൻറെ ഫുൾ ക്രെഡിറ്റ് ഭാര്യക്ക് ഉള്ളതാണ് എന്ന് ജഗദീഷ് പറയുന്നു ഒരു പരിപാടിയിലാണ് താരം ഇതിനെ കുറിച്ച് തുറന്ന് സംസാരിച്ചത്.