ഹോട്ടലില്‍ നിന്ന് ഇറങ്ങിയത് മുതല്‍ ആ കാര്‍ തങ്ങളെ പിന്തുടര്‍ന്നിരുന്നു; മിസ് കേരളയുടെ അപകടകാരണം ഇതോ ?

നവംബര്‍ ഒന്നിനായിരുന്നു എറണാകുളത്ത് വെച്ചുണ്ടായ കാറപകടത്തില്‍ മുന്‍ മിസ് കേരള അന്‍സി കപൂറും , അഞ്ജന ഷാജനും, ആഷികും , കൊല്ലപ്പെട്ടത്. ഇവിടെ അന്‍സിയും അഞ്ജനയും സംഭവസ്ഥലത്തുവെച്ച് തന്നെ മരിക്കുകയായിരുന്നു. എന്നാല്‍ ആഷിക് ആശുപത്രിയില്‍ ചികിത്സയില്‍ കഴിയവെയാണ് മരണപ്പെട്ടത്. അബ്ദുല്‍ റഹ്‌മാന്‍ ഇപ്പോഴും ചികിത്സയിലാണ്.

നിശാ പാര്‍ട്ടി കഴിഞ്ഞ് മടങ്ങവെയാണ് അപകടം. പുലര്‍ച്ചെയായിരുന്നു അപകടം നടന്നത്. വാര്‍ത്ത പുറത്ത് വന്നതിന് പിന്നാലെ ഇത്രയും വലിയൊരു അപകടം എങ്ങനെ നടന്നു എന്ന സംശയവും ഉണ്ടായിരുന്നു, കാരണം പുലര്‍ച്ച ആയതിനാല്‍ റോഡില്‍ വാഹനങ്ങള്‍ കുറവായിരുന്നു , അതിനാല്‍ ഇത്തരമൊരു അപകടത്തിനുള്ള സാധ്യത വളരെ കുറവാണ്. അപകടത്തിന് പിന്നാലെ ഇവരുടെ കാര്‍ പൂര്‍ണ്ണമായും തകര്‍ന്ന നിലയിലായിരുന്നു. ഇപ്പോഴിതാ അന്വേഷണത്തിന്റെ ഭാഗമായി പുതിയ വെളിപ്പെടുത്തലുകള്‍ നടത്തിയിരിക്കുകയാണ് അബ്ദുറഹ്‌മാന്‍. പാര്‍ട്ടി കഴിഞ്ഞ് ഹോട്ടലില്‍ നിന്ന് ഇറങ്ങിയ തങ്ങളെ
ഔഡി കാര്‍ പിന്തുടര്‍ന്നിരുന്നു എന്നാണ് റഹ്‌മാന്‍ പറയുന്നത്.

ഇവര്‍ സഞ്ചരിച്ച വാഹനത്തിന് പിന്നാലെ ഔഡി കാര്‍ പായുന്നതിന്റെ ദൃശ്യങ്ങളും പോലീസിന് ലഭിച്ചിട്ടുണ്ട്. അപകട ശേഷം നിമിഷങ്ങള്‍ക്കുള്ളില്‍ കാര്‍ തിരികെ അപകടസ്ഥലത്തെത്തി. ഇടപ്പള്ളിയില്‍ എത്തിയ ശേഷമാണ് കാര്‍ തിരികെ വന്നത്. കാറില്‍ നിന്നും ഇവരുടെ സുഹൃത്തായ റോയ് ഇറങ്ങുന്നതിന്റെ ദൃശ്യങ്ങളും ലഭിച്ചിട്ടുണ്ട്.

റോയും നിശാ പാര്‍ട്ടി നടന്ന ഫോര്‍ട്ട്‌കൊച്ചിയില്‍ ഉണ്ടായിരുന്നു. അതേസമയം സംഭവവുമായി ബന്ധപ്പെട്ട് പൊലീസ് പരിശോധന നടത്തിയ മട്ടാഞ്ചേരിയിലെ ഹോട്ടല്‍ നമ്പര്‍ 18 ഹോട്ടല്‍ ഉടമ ഒളിവില്‍ പോയതായി റിപ്പോര്‍ട്ടുണ്ട്.