പാരമ്പര്യം ഉണ്ട് എന്ന് കരുതി അച്ഛന്റെയും അച്ഛാച്ഛന്റെയും നിലയില്‍ അവര്‍ എത്തണം എന്നില്ല; വൈഷ്ണവിയെ കുറിച്ച് സംവിധായകന്‍

ആദ്യ കാലം തൊട്ട് മലയാള സിനിമയിലെത്തിയ നടനാണ് സായികുമാര്‍. നെഗറ്റീവും പോസിറ്റീവും നിറഞ്ഞ നിരവധി കഥാപാത്രങ്ങള്‍ സായികുമാര്‍ അവതരിപ്പിച്ചിട്ടുണ്ട്. സായികുമാറിന്റെ മകള്‍ വൈഷ്ണവി സായികുമാറും, ഇന്ന് അഭിനയരംഗത്ത് സജീവമാണ്. അച്ഛന്‍ സിനിമ തിരഞ്ഞെടുത്തപ്പോള്‍ മകള്‍ സീരിയല്‍ ആയിരുന്നു തിരഞ്ഞെടുത്തത്. സീ കേരളം ചാനലിലെ കൈയെത്തും ദൂരത്ത് എന്ന പരമ്പരയിലെ ഒരു കഥാപാത്രത്തെ അവതരിപ്പിക്കുന്നത് സായികുമാറിന്റെ മകളാണ്. ഏഷ്യാനെറ്റില്‍ സംപ്രേഷണം ചെയ്യുന്ന അമ്മയറിയാതെ എന്ന പരമ്പരയിലും വൈഷ്ണവി അഭിനയിക്കുന്നുണ്ട്.

ഇപ്പോള്‍ താരത്തിന്റെ അഭിനയത്തെക്കുറിച്ച് സംവിധായകന്‍ മോഹന്‍ കുപ്ലേരി സംസാരിക്കുകയാണ് . സായികുമാറിന്റെ മകള്‍ വൈഷ്ണവി, സായികുമാര്‍ എന്ന നടന്റെ മകള്‍ എന്നതിനപ്പുറം കൊട്ടാരക്കര ശ്രീധരന്‍നായരുടെ പാരമ്പര്യമുള്ള അഭിനേത്രി. അഭിനയം എന്നാല്‍ അവരുടെ രക്തത്തില്‍ കലര്‍ന്നിട്ടുള്ള താണ്. പക്ഷേ പാരമ്പര്യം ഉണ്ട് എന്ന് കരുതി അച്ഛന്റെയും അച്ഛച്ഛന്റെയും നിലയില്‍ അവര്‍ എത്തണം എന്നില്ല. എങ്കിലും കഴിവുള്ള നടിയാണ് അവര്‍ എന്ന് സംവിധായകന്‍ പറയുന്നു.

സായികുമാറിന്റെ രീതിയിലാണ് വൈഷ്ണവി അഭിനയിക്കുന്നത് എന്ന് തോന്നിയിട്ടുണ്ട്. സായികുമാറിന്റെ അഭിനയത്തെ വൈഷ്ണവി ഓര്‍മ്മപ്പെടുത്തുന്നു എന്നും അദ്ദേഹം പറയുന്നു.

അതുപോലെ അച്ഛനെപ്പോലെ നെഗറ്റീവ് റോളിലാണ് താരമിപ്പോള്‍ കയ്യടി നേടുന്നത് . കയ്യെത്തും ദൂരത്ത് എന്ന പരമ്പരയില്‍, കനക ദുര്‍ഗ എന്ന കഥാപാത്രത്തിലാണ് താരം എത്തുന്നത്.