കരയുന്നത് ദുര്‍ബലതയല്ല, അത് ഒരു ഹൃദയമുള്ളതിന്റെ ലക്ഷണമാണ്, നിങ്ങളില്‍ പലര്‍ക്കും അതില്ലായിരിക്കാം; കരയുന്ന ചിത്രവുമായി അഭിരാമി

സമൂഹമാധ്യമങ്ങളിലൂടെ താനും കുടുംബവും നേരിടുന്ന സൈബര്‍ അതിക്രമത്തിനെതിരേ പ്രതികരിച്ച് നടിയും ഗായികയുമായ അഭിരാമി സുരേഷ് രംഗത്ത് വന്നിരുന്നു.

കുറച്ച് കാലങ്ങളായി കുടുംബത്തിലെ എല്ലാവരും കടുത്ത മാനസികപീഡനമാണ് നേരിടുന്നതെന്നും ഇതിന് എതിരെ പരാതി നല്‍കുമെന്നും അഭിരാമി പറഞ്ഞിരുന്നു.

എന്നാല്‍ ഇതിന് പിന്നാലെയും വലിയ സൈബര്‍ ആക്രമണം ഗായിക നേരിട്ടിരുന്നു. ഇപ്പോഴിത മറ്റൊരു ഇന്‍സ്റ്റഗ്രാം പോസ്റ്റുമായി എത്തിയിരിക്കുകയാണ് അഭിരാമി.

കണ്ണുനീരയൊകുന്ന സ്വന്തം ചിത്രം പങ്കുവച്ചാണ് ഗായിക എത്തിയിരിക്കുന്നത്. ഇന്ന് തന്റെ ജീവിതത്തിലെ ഒരു പ്രധാന ദിവസമാണെന്നും അഭിരാമി കുറിച്ചു. കണ്ണുനീരൊരിക്കലും ദുര്‍ബലതയുടെ ലക്ഷണമല്ലെന്നും തനിക്ക് ഹൃദയമുള്ളതുകൊണ്ടാണ് അത് പുറത്തേക്ക് വരുന്നതെന്നും അഭിരാമി കുറിച്ചു.

‘വളരെ പ്രധാനപ്പെട്ട ഒരു ദിവസം. അതെ ഞാന്‍ ദുര്‍ബലയായിരിക്കാം, എന്നാല്‍ ഈ കണ്ണീര്‍ ദയയില്ലാത്ത സംസ്‌കാരമുള്ള നിങ്ങളുടെ സ്വര്‍ണ തൊപ്പികളില്‍ മുത്തായി ധരിക്കാം.

കരയുന്നത് ദുര്‍ബലതയല്ല. അത് ഒരു ഹൃദയമുള്ളതിന്റെ ലക്ഷണമാണ്. നിങ്ങളില്‍ പലര്‍ക്കും അതില്ലായിരിക്കാം. എന്നെ പിന്തുണയ്ക്കുന്നവര്‍ക്കും സ്‌നേഹിക്കുന്നവര്‍ക്കും നന്ദി’, എന്നാണ് കരയുന്ന ചിത്രം പങ്കുവച്ച് അഭിരാമി കുറിച്ചത്.