ഇത് എന്റെ മകൾ കൽക്കി : മാതൃദിനത്തിൽ അമ്മയായ സന്തോഷം പങ്കുവച്ച് നടി അഭിരാമി, ആശംസകളുമായി ആരാധകർ

മലയാളികളുടെ പ്രിയ നടിമാരിൽ ഒരാളാണ് അഭിരാമി. സൗത്ത് ഇന്ത്യ മുഴുവൻ ആരാധകരുള്ള അഭിരാമി സോഷ്യൽ മീഡിയയിലും വളരെ സജീവമാണ്.

ഇപ്പോഴിതാ അഭിരാമി മാതൃദിനത്തിൽ പങ്കുവച്ച സോഷ്യൽ മീഡിയ പോസ്റ്റ്‌ ആണ് ശ്രദ്ധ നേടുന്നത്. അമ്മയായ സന്തോഷമാണ് അഭിരാമി പങ്കുവക്കുന്നത്.

ഒരു പെൺകുഞ്ഞിനെ ദത്തെടുത്ത് അമ്മയും അച്ഛനും ആയിരിക്കുന്നു എന്ന സന്തോഷമാണ് മാതൃദിനത്തിൽ ആരാധകരുമായി അഭിരാമി പങ്കുവക്കുന്നത്.

താനും ഭർത്താവ് രാഹുലും കൽക്കി എന്ന പെൺകുഞ്ഞിനെ ദത്തെടുത്തിട്ട് ഒരു വർഷമായെന്നും എല്ലാവരുടെയും പ്രാർഥനകളും അനുഗ്രങ്ങളും തങ്ങൾക്കുണ്ടാകണമെന്നും അഭിരാമി പറയുന്നു.

പ്രിയ സുഹൃത്തുക്കളെ, എല്ലാ അമ്മമാർക്കും എന്റെ മാതൃദിന ആശംസകൾ. ഞാനും എന്റെ ഭർത്താവ് രാഹുലും കൽക്കി എന്ന പെൺകുഞ്ഞിന്റെ മാതാപിതാക്കളായത് ഏറെ സന്തോഷത്തോടെ അറിയിക്കുകയാണ്. കഴിഞ്ഞ വർഷമാണ് ഞങ്ങൾ ഞങ്ങളുടെ മകളെ ദത്തെടുത്തത്. അത് ഞങ്ങളുടെ ജീവിതത്തെ എല്ലാ വിധത്തിലും മാറ്റിമറിച്ചു. ഇന്ന് ഈ മാതൃദിനം ഒരു അമ്മയായി ആഘോഷിക്കാൻ കഴിഞ്ഞതിൽ ഭാഗ്യവതിയാണ്. ഞങ്ങൾ ഈ പുതിയ കടമയിലേക്ക് കടക്കുമ്പോൾ നിങ്ങളുടെയെല്ലാം അനുഗ്രഹാശിംസുകൾ ഞങ്ങൾക്കും കുടുംബത്തിനും ഉണ്ടാകണമെന്ന് അഭ്യർത്ഥിക്കുന്നു.’’– അഭിരാമി കുറിച്ചു.

അതേസമയം പോസ്റ്റിനു പിന്നാലെ അഭിരാമിക്ക് മാതൃദിന ആശംസകളുമായി നിരവധി പേരാണ് എത്തുന്നത്.

ഹെൽത്ത് കെയർ ബിസിനസ്സ് കൺസൾട്ടന്റായ രാഹുൽ പവനൻ ആണ് അഭിരാമിയുടെ ഭർത്താവ്. 2009 ൽ വിവാഹിതരായ അഭിരാമിക്കും ഭർത്താവ് രാഹുലിനും കുട്ടികളില്ല. ഇപ്പോൾ അഭിരാമി ഒരു കുഞ്ഞിനെ ദത്തെടുത്തു എന്ന വാർത്ത ഏറെ സന്തോഷത്തോടെയാണ് ആരാധകർ ഏറ്റെടുക്കുന്നത്.

മലയാളം, തമിഴ്, തെലുങ്ക്, കന്നഡ എന്നീ ഭാഷകളിൽ അഭിരാമി അഭിനയിച്ചിട്ടുണ്ട്. മലയാള സിനിമയിൽ നിന്നും ഒരു ഇടവേള എടുത്ത അഭിരാമി വീണ്ടും തിരിച്ചു വരവിനു ഒരുങ്ങുകയാണ്.

സുരേഷ് ഗോപിയും ബിജു മേനോനും പ്രധാനവേഷങ്ങളിലെത്തുന്ന ‘ഗരുഡൻ’ എന്ന ചിത്രത്തിലൂടെ മലയാളത്തിൽ സജീവമാകാൻ ഒരുങ്ങുകയാണ് അഭിരാമി.