സീരിയൽ മേഖലയിൽ മറ്റൊരു താരവിവാഹം കൂടി, അഭിയുടെയും ദീപക്കിൻ്റെയും വിവാഹ നിശ്ചയം കഴിഞ്ഞു – ഏറ്റെടുത്തു മലയാളികൾ

അഭി നവ്യുടെയും ദീപക് കുമാറിൻ്റെയും വിവാഹ നിശ്ചയം കഴിഞ്ഞു എന്ന വാർത്തകളാണ് ഇപ്പോൾ പുറത്തുവരുന്നത്. സീരിയൽ മേഖലയിലൂടെ പ്രശസ്തനായവരാണ് ഇവർ. കഴിഞ്ഞ ഒരു വർഷക്കാലമായി ഇരുവരും തമ്മിൽ പ്രണയത്തിലായിരുന്നു. ഇപ്പോൾ വിവാഹനിശ്ചയ വീഡിയോ ആണ് സമൂഹമാധ്യമങ്ങളിൽ തരംഗമായി മാറിക്കൊണ്ടിരിക്കുന്നത്. ഇവർ തന്നെയാണ് സമൂഹമാധ്യമങ്ങൾ വഴി വീഡിയോ പങ്കുവെച്ചത്.

“ജീവിതത്തിൽ ഒരിക്കലും മറക്കാൻ സാധിക്കാത്ത നിമിഷം. എൻറെ അവസാന ശ്വാസം വരെ ഞാൻ നിന്നെ സ്നേഹിക്കും. സ്നേഹവും പിന്തുണയും എപ്പോഴും ഞാൻ നൽകുമെന്നും സത്യം ചെയ്യുന്നു. ഐ ലവ് യു” – ഇതായിരുന്നു വീഡിയോ പങ്കു വെച്ച ശേഷം അബി നവ്യ ഇൻസ്റ്റഗ്രാമിൽ കുറിച്ചത്. ഇതിനു താഴെ ദീപക്കും കമൻറ് ചെയ്തിരുന്നു. “സ്നേഹവും സന്തോഷവും കൊണ്ട് വിറച്ചു പോയ നിമിഷം” എന്നായിരുന്നു വീഡിയോയുടെ താഴെ ദീപക് നടത്തിയ കമൻറ്.

തിരുമണം എന്ന പരമ്പരയിലെ നവീൻ എന്ന കഥാപാത്രത്തെ അവതരിപ്പിച്ചതിന് ശേഷമാണ് ദീപക് ശ്രദ്ധിക്കപ്പെടുന്നത്. വാർത്ത വായിക്കുന്ന അവതാരിക ആയിട്ടാണ് അഭി നവ്യ കരിയർ ആരംഭിച്ചത്. പിന്നീട് ആയിരുന്നു സീരിയൽ മേഖലയിലേക്ക് താരം കടന്നത്. കണ്മണി എന്ന പരമ്പരയിലെ സ്നേഹ എന്ന കഥാപാത്രത്തെ അവതരിപ്പിച്ചതോടെ ആയിരുന്നു താരം ശ്രദ്ധിക്കപ്പെടുന്നത്. ഇതിലെ പ്രകടനം വളരെ മികച്ച അഭിപ്രായങ്ങൾ ആയിരുന്നു താരത്തിന് നേടികൊടുത്തത്. ഇതിനു ശേഷം നിരവധി അവസരങ്ങൾ ആയിരുന്നു താരത്തെ തേടിയെത്തിയത്. പിന്നീട് അഭിനയം മേഖലയിൽ സജീവമാവുകയായിരുന്നു താരം.

കേരളത്തിൽ ധാരാളം ആരാധകരാണ് ഇരുവർക്കും ഉള്ളത്. തമിഴ് പരമ്പരകളിലൂടെ ആണ് ഇരുവരും ശ്രദ്ധിക്കപ്പെടുന്നത് എങ്കിലും കേരളത്തിലും ധാരാളം ആളുകൾ ഈ പരമ്പരകൾ കാണാറുണ്ട്. യുവാക്കളാണ് ഈ പരമ്പരകൾ കാണുന്നവരിൽ അധികവും. അതുകൊണ്ട് തന്നെ ധാരാളം മലയാളികൾ ആണ് ഇരുവർക്കും വിവാഹ ആശംസകൾ നേർന്നു കൊണ്ട് ഇപ്പോൾ രംഗത്തെത്തുന്നത്. എന്നായിരിക്കും വിവാഹമെന്നത് ഇവർ ഇതുവരെ ഔദ്യോഗികമായി പ്രഖ്യാപിച്ചിട്ടില്ല.