ഗോപിസുന്ദറിന് ഒപ്പമുള്ള സമയത്ത് ആരും എന്നെ പാടാൻ വിളിക്കില്ലായിരുന്നു കാരണം ഇതാണ്,ഗോപിയുമായുള്ള ബന്ധം വീട്ടുകാരെ ബോധ്യപ്പെടുത്താൻ കുറെ വർഷം വേണ്ടിവന്നിട്ടുണ്ട്

ഫേക്ക് ആയി ബീഹെവ് ചെയ്യാൻ തനിക്ക് അറിയില്ലെന്നും, എത്ര ശ്രമിച്ചാലും തനിക്കതിന് ആകില്ലെന്നും പറഞ്ഞ് രം​ഗത്ത് വന്നിരിക്കുകയാണ് അഭയ ഹിരൺമയി.താരത്തിന്റെ വാക്കുകൾ ഇതാണ്,സ്‌കൂൾ ലെവലിൽ പഠിക്കുമ്പോൾ ഒരു ആവറേജ് സ്റ്റുഡന്റ് ആയിരുന്നു താൻ. ഒരു ഗവണ്മെന്റ് ജോലി വേണം എന്നായിരുന്നു അച്ഛനും അമ്മയ്ക്കും, അങ്ങനെയാണ് എൻജിനിയറിങ്ങിന് പോകുന്നതെന്ന് അഭയ.അച്ഛന് എന്നെ അമേരിക്കയിലേക്ക് വിടണം നഴ്‌സ് ആക്കണം എന്നൊക്കെയായിരുന്നു. അതിൽ അദ്ദേഹത്തെ കുറ്റപ്പെടുത്താനാകില്ല,ഞാൻ സെക്യു്വർ ആവുക എന്നായിരുന്നു അച്ഛന്റെ ആഗ്രഹം. എൻജിനീയറീയങ്ങിന് പഠിക്കുമ്പോൾ കിട്ടിയ സുഹൃത്തുക്കൾ ആണ് ഇന്നും ബെസ്റ്റ് ഫ്രണ്ട്സ്. ആ സമയത്താണ് ഐഎഫ്എഫ്കെ ആങ്കറിങ്ങിനു പോകുന്നതും, ജീവിതത്തിൽ വലിയ ചേഞ്ച് സംഭവിക്കുന്നതും.

ഒരു അഭിമുഖത്തിന് പോയപ്പോഴാണ് ഗോപിയെ പരിചയപ്പെടുന്നതും ആ ജീവിതം തുടങ്ങുന്നതും. അദ്ദേഹത്തെ മീറ്റ് ചെയ്യുന്നതാണ് ജീവിതത്തിലെ ഒരു വഴിത്തിരിവ് എന്നുപറയാം. മാതൃഭൂമിക്ക് നൽകിയ അഭിമുഖത്തിൽ അഭയ പറയുന്നു.ഗോപിയുമായുള്ള ബന്ധം വീട്ടുകാരെ ബോധ്യപ്പെടുത്താൻ കുറെ വര്ഷം വേണ്ടിവന്നിട്ടുണ്ട്. ഞാൻ പാട്ടുപാടാൻ വേണ്ടിയല്ല അദ്ദേഹത്തിന്റെ കൂടെ പോകുന്നത്. അത് ഒരു ലിവ് ഇൻ റിലേഷൻ ആയിട്ടാണ് പോകുന്നത്.വീട്ടുകാരെ ബോധ്യപ്പെടുത്താൻ സമയം ഏറെ എടുത്തു. മോൾ ആരുടെ കൂടെയാണ് ജീവിക്കുന്നതെന്ന ചോദ്യം അവരാണ് ഏറെ കേട്ടിട്ടുള്ളത്.ഞാൻ ചെറുതിലെ ഇങ്ങനെയാണ്. എന്റെ അച്ഛനും അമ്മയ്ക്കും ഒരു പരിധി വരെ അത് ഉൾക്കൊള്ളാൻ ആയിട്ടുണ്ടോ എന്ന് സംശയം ആണ്. നമ്മൾ വായിക്കാറില്ലേ ഇൻസ്റ്റയിലും മറ്റും, വീട്ടിൽ ഒരാൾ ഉണ്ടാകും ഇങ്ങനെ തിരിഞ്ഞിരിക്കുന്ന കുട്ടി എന്ന്. അത്തരത്തിൽ തിരിഞ്ഞിരിക്കുന്ന കുട്ടി ആയിരുന്നു ഞാൻ. എന്നാൽ അത് അടുത്ത ജെനെറേഷനിലെ കുട്ടി ആയിരിക്കും ഈ തിരിഞ്ഞിരിക്കുന്നത്.

നീ വേറെ ഒരു വീട്ടിൽ പോകാനുള്ള കുട്ടിയാണ് എന്ന് കേട്ടാണ് ഞാൻ വളർന്നത്. പക്ഷേ അന്നും ഞാൻ തിരിഞ്ഞുനിന്നു ചോദിക്കുന്ന ഒരു കുട്ടി ആയിരുന്നു, അനുജത്തി അങ്ങനെ ആയിരുന്നില്ല. ഞാൻ എന്തുകൊണ്ട് ചോദ്യം ചെയ്തു എന്ന് ചോദിച്ചാൽ എനിക്ക് അറിയില്ല. ചിലപ്പോൾ സ്വഭാവത്തിന്റെ സവിശേഷത ആയിരിക്കാം പാടാൻ പറ്റും എന്ന് തിരിച്ചറിഞ്ഞതും, അതിലേക്ക് എത്തിച്ചതും ഗോപിയാണ്.സിംഗർ ആയി എന്നെ മോൾഡ് ചെയ്തെടുത്തത് ഗോപിയാണ്. എന്റെ ജീവിതത്തിൽ അദ്ദേഹത്തിന് വലിയ ഇൻഫ്ലുവെൻസ് ഉണ്ട്. ഒരുപാട്ട് എങ്ങനെ പാടണം, പഠിക്കണം, കേൾക്കണം എന്നുപറഞ്ഞുതന്നത് അദ്ദേഹമാണ്. അദ്ദേഹത്തിന്റെ കൂടെയുള്ള സമയം മുഴുവനും മ്യൂസിക്ക് ആയിരുന്നു.മറ്റൊന്ന്,ഗോപിസുന്ദറിന് ഒപ്പമുള്ള സമയത്ത് ആരും എന്നെ പാടാൻ വിളിക്കില്ലായിരുന്നു. ഒരുപക്ഷേ അദ്ദേഹത്തിന്റെ പാട്ടുകളേ ഞാൻ പാടൂ എന്ന ചിന്ത മറ്റുള്ളവർക്ക് ഉണ്ടായിരുന്നതുകൊണ്ടാകാം. അല്ലെങ്കിൽ അദ്ദേഹത്തിന്റെ പാർട്ണർ ആയതുകൊണ്ട് വിളിച്ചാൽ തെറ്റാകുമോ എന്ന് ആരെങ്കിലും ചിന്തിച്ചിരുന്നോ എന്ന് അറിയില്ല.