ദളപതി വിജയ് നായകനായി വംശി പൈഡിപ്പിള്ളി സംവിധാനം ചെയ്ത ചിത്രമായിരുന്നു വാരിസ്. പൊങ്കല് റിലീസായി എത്തിയ ചിത്രം ആരാധകര് ഏറ്റെടുത്തെങ്കിലും സോഷ്യല് മീഡിയയില് വിമര്ശനവും ഏറ്റുവാങ്ങിയിരുന്നു.
ഒരു മാറ്റവുമില്ലാത്ത ചിത്രം എന്നായിരുന്നു വിമര്ശകര് ചിത്രത്തിനെ കുറിച്ച് പറഞ്ഞത്. ചിത്രം തീയറ്ററില് എത്തിയിട്ട് 20 ദിവസം ആയിരിക്കുകയാണ്. ഇപ്പോഴിത ചിത്രം നേടിയ പുതിയ നേട്ടം ആഘോഷമാക്കിയിരിക്കുകയാണ് ആരാധകര്.
ചിത്രം ഇതിനകം 300 കോടിക്ക് അടുത്ത് കളക്ഷന് നേടിയെന്നാണ് പുതിയ റിപ്പോര്ട്ട് പറയുന്നത്. ഇന്ത്യയില് നിന്ന് വാരിസ് ഇതുവരെ നേടിയത് 194 കോടിയാണ് എന്നാണ് ബോക്സ് ഓഫീസ് വിവരം. വിദേശത്ത് നിന്നും 103 കോടിയും നേടി. ഇതിനാല് തന്നെ 300 കോടി എന്ന നേട്ടത്തിന് അരികെയാണ് വിജയ് ചിത്രം.
അജിത്ത് നായകനായ തുനിവ്, ബാലകൃഷ്ണയുടെ വീര സിംഹ റെഡ്ഡി, ചിരഞ്ജീവിയുടെ വാള്ട്ടര് വീരയ്യ എന്നിവയോട് മത്സരിച്ചാണ് ഈ നേട്ടം വിജയ് ചിത്രം കൈവരിച്ചത്. ചിത്രം 300 കോടി ക്ലബ്ബില് ഇടം പിടിച്ച വാര്ത്ത ആരാധകര് ആഘോഷമാക്കി കഴിഞ്ഞു.
വിമര്ശകര് എല്ലാം ഇങ്ങ് വന്നേ, വാരിസ് കളക്ഷന് ഒന്ന് കേട്ടേ- എന്നാണ് കളക്ഷന് റിപ്പോര്ട്ട് പങ്കുവച്ച് ആരാധകര് സോഷ്യല് മീഡിയയില് കുറിക്കുന്നത്.അതേസമയം വംശി പൈഡിപ്പള്ളി സംവിധാനം ചെയ്ത് എത്തിയ ചിത്രമാണ് വാരിസ്.
രശ്മിക മന്ദാനയാണ് ചിത്രത്തില് നായികയായി എത്തിയത്.ശരത് കുമാര്, പ്രകാശ് രാജ്, പ്രഭു, ജയസുധ, ശരത്കുമാര് ശ്രീകാന്ത്, ഷാം, സംഗീത കൃഷ്, സംയുക്ത തുടങ്ങി വന് താരനിരയാണ് വാരിസില് പ്രധാന കഥാപാത്രങ്ങളായി എത്തിയത്.
അച്ഛന്റെ കോടിക്കണക്കിന് ഡോളര് ബിസിനസ്സ് സാമ്രാജ്യത്തിന്റെ അനന്തരവകാശിയാകുന്ന ‘വിജയ് രാജേന്ദ്രന്’ എന്ന കഥാപാത്രത്തെയാണ് വിജയ് ചിത്രത്തില് അവതരിപ്പിച്ചിരിക്കുന്നത്.