എപ്പോഴും വാര്ത്തകളില് വരുന്ന ഒരു പേരാണ് ബോളിവുഡ് നടി കങ്കണ റണാവത്തിന്റെ. പൊളിറ്റിക്കല് വിഷയങ്ങളിലും മറ്റ് സോഷ്യല് വിഷയങ്ങളിലെല്ലാം തന്റെതായ അഭിപ്രായം വെട്ടിത്തുറന്നു പറയാറുണ്ട് നടി. അതിനാല് തന്നെ ജീവിതത്തില് ഏറെ വിവാദങ്ങളിലും ഈ നടി പെട്ടു. എന്നാല് എവിടെയും തന്റെതായ നിലപാട് തുറന്നു പറയാനുള്ള കങ്കണയുടെ ആ ധൈര്യത്തെ പ്രശംസിച്ചും ആളുകള് എത്താറുണ്ട്.
ഇപ്പോഴിതാ കങ്കണയെ പ്രശംസിച്ച് കൊണ്ട് നടി രമ്യ കൃഷ്ണന് പറഞ്ഞ വാക്കുകളാണ് ശ്രദ്ധനേടുന്നത്. രാജ്യത്തെ യുവ താരങ്ങള്ക്കിടയില് ഏറ്റവും മികച്ച അഭിനേത്രിയാണ് കങ്കണയെന്ന് നടി രമ്യ കൃഷ്ണന് പറയുന്നു. മികച്ച കഥാപാത്രങ്ങളെ മികച്ച രീതിയില് പ്രേക്ഷകരിലേക്ക് എത്തിക്കാന് കങ്കണയ്ക്ക് കഴിവ് ഉണ്ടെന്നും , ഫസ്റ്റ് പോസ്റ്റ് ന്യൂസിന് നല്കിയ അഭിമുഖത്തില് രമ്യ പറഞ്ഞു. ധൈര്യവും സത്യസന്ധതയും ഉള്ള വ്യക്തിത്വത്തിന് ഉടമയാണ് കങ്കണ, അതിനാലാണ് താന് കങ്കണയെ ഇഷ്ടപ്പെടുന്നത് രമ്യ വ്യക്തമാക്കി.
‘എമര്ജന്സി’ എന്ന ചിത്രമാണ് കങ്കണയുടേതായി റിലീസിനൊരുങ്ങുന്ന ചിത്രം. ഇന്ത്യയുടെ മുന് പ്രധാനമന്ത്രി ഇന്ദിരാ ഗാന്ധിയുടെ ജീവിതം പ്രമേയമാകുന്നതാണ് ഈ ചിത്രം. ഇന്ദിരാ ഗാന്ധിയായാണ് കങ്കണ ചിത്രത്തില് അഭിനയിക്കുന്നത്.
നാടകരംഗത്ത് നിന്നാണ് കങ്കണ അഭിനയലോകത്തേക്ക് എത്തുന്നത്. സിനിമയില് മികച്ച വിജയം നേടാന് ഈ താരത്തിന് സാധിച്ചു. മികച്ച നടിക്കുള്ള ദേശീയ പുരസ്കാരം അടക്കം പത്മശ്രീ വരെ സ്വന്തമാക്കിയിട്ടുണ്ട് കങ്കണ . പത്മശ്രീ അവാര്ഡ് ജേതാവ്, നാല് തവണ ദേശീയ അവാര്ഡ് ജേതാവ്, ഇന്ത്യന് ചലച്ചിത്ര വ്യവസായത്തിലെ എക്കാലത്തെയും ഉയര്ന്ന വരുമാനമുള്ള സ്ത്രീ പ്രധാന ചിത്രങ്ങള് ചെയ്ത നടി, ക്ഷത്രിയ രക്തത്തിന് ഉടമ എന്നിങ്ങനെയാണ് ഇന്സ്റ്റഗ്രാം ബയോയില് താരം കുറിച്ചത്.