തമിഴ് സിനിമയിലെ പ്രശസ്ത യുവ താരങ്ങളിൽ ഒരാളാണ് വിഷ്ണു വിശാൽ. താരത്തിന്റെ വിവാഹ നിശ്ചയം കഴിഞ്ഞു എന്ന വാർത്തയാണ് ഇപ്പോൾ സമൂഹമാധ്യമങ്ങളിൽ തരംഗമായി മാറിയിരിക്കുന്നത്. പ്രശസ്ത കായിക താരം ജ്വാല ഗുട്ട ആണ് വധു. കോമൺവെൽത്ത് ഗെയിംസിൽ ഇന്ത്യക്ക് വേണ്ടി സ്വർണമെഡൽ നേടിയ ബാഡ്മിൻറൺ താരം ആണ് ഇവർ.
താരത്തിൻറെ മുപ്പത്തിയേഴാം ജന്മദിനത്തിലാണ് വിവാഹ നിശ്ചയം നടന്നത് എന്നതും ശ്രദ്ധേയമാണ്. 1992, 1996 വർഷത്തിലെ ഒളിമ്പ്യൻ ആയ ജ്വാല തിങ്കളാഴ്ച ട്വിറ്ററിലൂടെ ആണ് ഈ കാര്യം വെളിപ്പെടുത്തിയത്. വിശാലിനൊപ്പം നിൽക്കുന്ന രണ്ട് ഫോട്ടോകൾ പോസ്റ്റ് ചെയ്തു കൊണ്ടാണ് ജ്വാല ഈ കാര്യം ആരാധകരെ അറിയിച്ചത്.
ഇതിനകം മൂവായിരത്തോളം ആളുകളാണ് ട്വീറ്റ് ഷെയർ ചെയ്തിരിക്കുന്നത്. ഇരുവരുടെയും രണ്ടാം വിവാഹമാണ് ഇത്. രജനി നടരാജ് ആയിരുന്നു വിശാലിന്റെ ആദ്യഭാര്യ. ഇതിൽ ഇവർക്ക് ഒരു മകനുമുണ്ട്. 2005 മുതൽ 2011 വരെ നാലു തവണ ദേശീയ സിംഗിൾസ് ബാഡ്മിൻറൺ താരമായിരുന്ന ചേതൻ ആനന്ദ് ആയിരുന്നു ജ്വാലയുടെ ആദ്യഭർത്താവ്.
വിഷ്ണു വിശാൽ നായകനായ രാട്ചസൻ എന്ന ചിത്രം ഏറെ ജനപ്രിയമാണ്. കേരളത്തിലും നിരവധി ആരാധകരാണ് ഈ ചിത്രത്തിനുള്ളത്. കഥാനായകൻ, ഇന്ട്രു നെട്രു നാളെ എന്നീ ചിത്രങ്ങളിലും വിഷ്ണു വിശാൽ അഭിനയിച്ചിട്ടുണ്ട്.
N dis happened last nite n what a beautiful surprise it was!
Today when I think of my life what a journey it has been n 2day I realise there is so much more to luk forward to!Towards our family,Aryan,friends and work!its gonna be another great journey am sure ❤️🥂😘 pic.twitter.com/qjqVkK6CWo
— Gutta Jwala 💙 (@Guttajwala) September 7, 2020
