തമിഴിലെ നവാഗത സംവിധായകനിൽ ഒരാളാണ് വിനോദ് രാജ്. കൂഴങ്ങൾ എന്ന സിനിമയാണ് താരം ആദ്യമായി സംവിധാനം ചെയ്തത്. ഈ സിനിമ നിർമ്മിച്ചത് നയൻതാരയും വിഘ്നേശ് ശിവനും ഒരുമിച്ച് ആയിരുന്നു. ഇരുവരും ആദ്യമായി നിർമ്മിച്ച സിനിമയാണ് ഇത് എന്ന പ്രത്യേകതയുമുണ്ട്. ഈ സിനിമ ഇതുവരെ റിലീസ് ചെയ്തിട്ടില്ല. എങ്കിലും അതിനു മുൻപുതന്നെ അവാർഡുകൾ കരസ്ഥമാക്കി. നയൻതാരയും വിഘ്നേശ് ശിവനും അവരുടെ ചിത്രത്തിന് ലഭിച്ച അവാർഡുകൾ കഴിഞ്ഞ ആഴ്ച ഇൻസ്റ്റഗ്രാമിൽ പരസ്യപ്പെടുത്തിയിരുന്നു. ഇപ്പോൾ ഈ സിനിമയുടെ സംവിധായകൻ വിവാഹിതൻ ആയിരിക്കുകയാണ് എന്ന വാർത്തയാണ് പുറത്തുവരുന്നത്.
നാലു വർഷങ്ങൾക്കു മുൻപ് ഒരു ട്രെയിൻ യാത്രയിൽ വെച്ചായിരുന്നു ഈ പെൺകുട്ടിയെ പരിചയപ്പെടുന്നത്. ഇരുവരും അങ്ങനെ സുഹൃത്തുക്കളായി. പിന്നീട് അത് മെല്ലെ പ്രണയത്തിൽ ചെന്നെത്തി. പിന്നീട് ഇരുവരും വിവാഹിതരാകാൻ തീരുമാനിക്കുകയായിരുന്നു. എന്നാൽ ഇരുവരും രണ്ടു ജാതി വിഭാഗത്തിൽ പെടുന്നവർ ആണ് എന്നാണ് അറിയാൻ സാധിക്കുന്നത്. അതുകൊണ്ടുതന്നെ പെൺകുട്ടിയുടെ വീട്ടുകാർ വിവാഹത്തിന് സമ്മതിച്ചില്ല എന്നാണ് അറിയാൻ സാധിക്കുന്നത്. അങ്ങനെ ഇരുവരും രജിസ്റ്റർ മാരേജ് ചെയ്യാൻ തീരുമാനിക്കുകയായിരുന്നു.
സംവിധായകൻ റാമാണ് ഇരുവരുടെയും വിവാഹത്തിന് നേതൃത്വം വഹിച്ചത്. ലളിതമായ ചടങ്ങുകൾ മാത്രം ആയിരുന്നു വിവാഹം. ജാതിക്കും മതത്തിനും എതിരെയുള്ള ഒരു സന്ദേശം കൂടിയായി മാറി ഇവരുടെ വിവാഹം. അറിവ് നിള എന്നാണ് പെൺകുട്ടിയുടെ പേര്. കാരൈക്കുടി സ്വദേശിയാണ് ഈ പെൺകുട്ടി.
നാലു വർഷങ്ങൾക്ക് മുൻപാണ് ഇരുവരും പരിചയപ്പെടുന്നത് എങ്കിലും രണ്ടുവർഷം മുൻപ് മാത്രമാണ് ഇരുവരും തങ്ങളുടെ പ്രണയം തുറന്നുപറഞ്ഞത്. തന്നെ വിവാഹം ചെയ്യുന്നത് ഏറെ ആലോചിച്ചു വേണമെന്നായിരുന്നു വിനോദ് രാജ് പെൺകുട്ടിയോട് ആവശ്യപ്പെട്ടത്. ഇതിനു കാരണം സിനിമയിലുള്ള തൻ്റെ ഭാവി അത്ര സുരക്ഷിതമല്ല എന്ന വിനോദിന് തോന്നിയതുകൊണ്ടാണ്. എന്നാൽ അറിവ് നിളആയിരുന്നു വിനോദിന് വേണ്ട എല്ലാ പിന്തുണകളും നൽകിക്കൊണ്ട് കൂടെ നിന്നത്. എന്തായാലും സിനിമയിൽ വലിയ ഒരു ഭാവി ആണ് വിനോദിന് ഇനി വരാനിരിക്കുന്നത് എന്ന് തീർച്ച. ആദ്യ സിനിമയ്ക്ക് തന്നെ അന്താരാഷ്ട്ര അംഗീകാരം ലഭിച്ചിരിക്കുകയാണ് വിനോദിന്.
