സൗത്ത് ഇന്ത്യയിൽ നിരവധി ആരാധകരുള്ള താരങ്ങളിൽ ഒരാളാണ് വിക്രം. ചിയാൻ എന്ന് ആരാധകർ സ്നേഹത്തോടെ വിളിക്കുന്ന താരത്തിന്റെ സോഷ്യൽ മീഡിയ പോസ്റ്റ് ആണ് ശ്രദ്ധ നേടുന്നത്.
തന്റെ സോഷ്യൽ മീഡിയ പോസ്റ്റിലൂടെ ആരാധകരോട് ക്ഷേമ ചോദിച്ചിരിക്കുകയാണ് താരം.
മണിരത്നം സംവിധാനം ചെയ്യുന്ന ‘പൊന്നിയിൻ സെൽവൻ 2’ ആണ് വിക്രം അഭിനയിച്ചിരിക്കുന്ന പുതിയ ചിത്രം.
സിനിമയുടെ ട്രെയ്‍ലർ കഴിഞ്ഞ ദിവസമാണ് റിലീസിനെത്തിയത്. ചെന്നൈയിൽ വെച്ച് നടന്ന പ്രൗഢഗംഭീര ചടങ്ങിൽ പൊന്നിയിൻ സെൽവന്റെ അഭിനേതാക്കളും അണിയറപ്രവ‍ർത്തകരും എത്തിയിരുന്നു.
എന്നാൽ വിചാരിച്ചതിലും ഏറെ വൈകിയാണ് പരിപാടി നടന്നത്. ചടങ്ങിൽ നടൻ വിക്രം ഏറെ താമസിച്ചാണ് എത്തിയത്.
ഈ കാരണം കൊണ്ടാണ് ആരാധകരോട് ക്ഷേമ ചോദിച്ച് വിക്രം എത്തിയിരിക്കുന്നത്. എനിക്ക് വേണ്ടി നിങ്ങൾ ഒരുപാട് കാത്തിരുന്നു, ക്ഷമ ചോദിക്കുന്നു. നിങ്ങളുടെ സ്നേഹത്തിന് നന്ദി, വൈകീട്ട് അ‍ഞ്ച് മണിക്ക് തുടങ്ങിയ ആവേശം രാത്രിയിലും ഒട്ടും ചോരാതെ ആവേശഭരിതരായി നിന്നു. ഇനി കെജിഎഫിലേക്ക്, എന്നാണ് താരം സമൂഹ മാധ്യമത്തിൽ കുറിച്ചത്.
ക്ഷേമ പറയേണ്ട ആവശ്യമില്ല,നിങ്ങൾക്ക് വേണ്ടി ഒരു ദിവസം മുഴുവൻ കാത്തിരിക്കാൻ ഞങ്ങൾ തയ്യാറാണ് എന്നാണ് ആരാധകർ താരത്തിന്റെ പോസ്റ്റിനു താഴെ കുറിക്കുന്നത്.
അതേസമയം തങ്കാലന്റെ ലുക്കിലാണ് താരം ഓഡിയോ ലോഞ്ചിന് പ്രത്യക്ഷപ്പെട്ടത്. വിക്രമിന്റെ പുതിയ ചിത്രങ്ങൾ ആരാധകർ ഏറ്റെടുത്തുകഴിഞ്ഞു.
അതേസമയം പൊന്നിയിൻ സെൽവൻ 2 ട്രെയ്‍ലറിന് മികച്ച പ്രതികരണമാണ് ലഭിക്കുന്നത്.കൽക്കി കൃഷ്‍ണമൂർത്തി എഴുതിയ നോവലിനെ ആസ്പദമാക്കി പുറത്തിറങ്ങിയ ചിത്രം ഏപ്രിൽ 28ന് തിയേറ്ററിൽ എത്തും.
