ചെന്നൈ: ചികിത്സയിൽ കഴിയുന്ന രാഷ്ട്രീയ നേതാവും നടനുമായ വിജയകാന്തിന്റെ ആരോഗ്യനില തൃപ്തികരം അല്ലെന്ന് മെഡിക്കൽ ബുള്ളറ്റിൻ.
വിജയകാന്തിന് ശ്വാസകോശ ബുദ്ധിമുട്ടികൾ തുടരുകയാണെന്നും രണ്ടഴ്ച കൂടി എങ്കിലും ആശുപത്രിയിൽ തുടരേണ്ടി വരുമെന്നും മെഡിക്കൽ ബുള്ളറ്റിനിൽ വ്യക്തമാക്കുന്നു.
ചെന്നൈയിലെ സ്വകാര്യ ആശുപത്രിയിൽ ആണ് അദ്ദേഹം ഇപ്പോഴുള്ളത്. കഴിഞ്ഞ 18 നാണ് വിജയകാന്ത് ആശുപത്രിയിൽ ചികിത്സ തേടുന്നത്.
പിന്നീട് വെന്റിലേറ്ററിൽ ചികിത്സയിൽ ആണെന്ന വാർത്ത വന്നിരുന്നു. എന്നാൽ ഈ വാർത്ത അദ്ദേഹത്തിന്റെ പാര്ട്ടിയായ ഡിഎംഡികെ തള്ളിയിരുന്നു. വൈകാതെ ഡിസ്ചാര്ജ് ചെയ്യുമെന്നും അറിയിച്ചിരുന്നതാണ്.
എന്നാൽ ഇപ്പോൾ പുറത്ത് വരുന്ന മെഡിക്കൽ ബുള്ളറ്റിൻ പറയുന്നത് 14 ദിവസം കൂടി ആശുപത്രിയിൽ കഴിയേണ്ടി വരും എന്നാണ്
അതേസമയം ഇനിക്കും ഇളമൈ എന്ന സിനിമയിലൂടെ ആണ് വിജയകാന്ത് വെള്ളിത്തിരയില് എത്തുന്നത്. വില്ലനായി വേഷമിട്ട അദ്ദേഹം സട്ടം ഒരു ഇരുട്ടറൈ എന്ന സിനിമയിലൂടെ നടനായി. നിരവധി ഹിറ്റ് ചിത്രങ്ങൾ സംവിധാനം ചെയ്തു. ഒടുവില് ക്യാപ്റ്റന് എന്ന പേരിലും വിജയകാന്ത് സിനിമാ ലോകത്ത് അറിയപ്പട്ടു.
ഡിഎംഡികെയുടെ സ്ഥാപകനായ വിജയകാന്ത്, 2006ലെ നിയമസഭാ തെരഞ്ഞെടുപ്പില് മത്സരിച്ചെങ്കിലും പാര്ട്ടിക്ക് ഒരു സീറ്റേ നേടാനായുള്ളൂ. 2011ല് ഡിഎംകെയുമായി സംഖ്യം ചേര്ന്നാണ് താരം തെരഞ്ഞെടുപ്പിനെ നേരിട്ടത്. വിജയകാന്ത് പിന്നീട് പ്രതിപക്ഷനേതാവാകുകയും ചെയ്തിരുന്നു. ഇപ്പോൾ അദ്ദേഹത്തിന്റെ ഭാര്യയാണ് പാർട്ടിയെ നയിക്കുന്നത്.
