സിനിമ പ്രേമികള്‍ വന്‍ പ്രതീക്ഷയോടെ കാത്തിരിക്കുന്ന ദളപതി ചിത്രമാണ് വാരിസ്. ചിത്രത്തിന്റെതായി എത്തുന്ന ചെറിയ റിപ്പോര്‍ട്ടുകള്‍ പോലും സിനിമ പ്രേമികള്‍ക്കിടയില്‍ ശ്രദ്ധ നേടാറുണ്ട്.
സിനിമക്കായി കാത്തിരിക്കുന്ന ആരാധകരിൽ ആവേശം ഉയർത്തി ചിത്രത്തിന്റെ ട്രെയിലർ പുറത്തുവന്നിരിക്കുകയാണ്.
ഫാമിലി മാസ്സ് എന്റർടൈൻനർ ചിത്രം ആകും വാരിസ് എന്ന സൂചനയാണ് ട്രെയിലർ തരുന്നത്. ദളപതിയുടെ കിടിലൻ ആക്ഷൻ രംഗങ്ങളും മാസ് അപ്പീയറൻസും കിടിലൻസ് ഡാൻസും അടങ്ങുന്നതാണ് ട്രെയിലർ.
ഈ പൊങ്കൽ ദളപതി കൊണ്ടുപോകുമെന്നാണ് ട്രെയിലർ കണ്ട് ആരാധകർ പറയുന്നത്. സോഷ്യൽ മീഡിയയിൽ എത്തിയ ട്രെയിലെർ നിമിഷ നേരം കൊണ്ട് തന്നെ വൈറലായി കഴിഞ്ഞു.
വംശി പൈഡിപ്പള്ളി സംവിധാനം ചെയ്യുന്ന ചിത്രം പൊങ്കല്‍ റിലീസായി തീയറ്ററില്‍ എത്തുമെന്നാണ് അറിയിച്ചിട്ടുള്ളത്.
രശ്മിക മന്ദാനയാണ് ചിത്രത്തിലെ നായിക. എസ് തമന്റെതാണ് സംഗീതം. കാര്‍ത്തിക് പളനിയാണ് ചിത്രത്തിന്റെ ഛായാഗ്രാഹണം നിര്‍വഹിക്കുന്നത്. പ്രവീണ്‍ കെ എല്‍ ചിത്രസംയോജനം നിര്‍വഹിക്കുന്നു.
മഹേഷ് ബാബു നായകനായ ‘മഹര്‍ഷി’ എന്ന ചിത്രത്തിലൂടെ മികച്ച ജനപ്രിയ ചിത്രത്തിനുള്ള 2019ലെ ദേശീയ അവാര്‍ഡ് നേടിയ സംവിധായകനാണ് വരിശ്’ ഒരുക്കുന്ന വംശി പൈഡിപ്പള്ളി.
ഫാമിലി എന്റര്‍ടെയ്‌നര്‍ വിഭാഗത്തില്‍ പെടുന്ന ചിത്രത്തില്‍ വിജയ്ക്കും രശ്മിക മന്ദാനയ്ക്കും പുറമേ ശരത് കുമാര്‍, പ്രകാശ് രാജ്, ശ്യാം, പ്രഭു, ജയസുധ, ശ്രീകാന്ത്, ഖുശ്ബു, സംഗീത കൃഷ്ണ തുടങ്ങിയവരും അഭിനയിക്കുന്നു.
ശ്രീ വെങ്കടേശ്വര ക്രിയേഷന്‍സിന്റെ ബാനറില്‍ ദില്‍ രാജുവും ശിരീഷും ചേര്‍ന്നായിരിക്കും ചിത്രത്തിന്റെ നിര്‍മ്മാണം. വിജയ്യുടെ അറുപത്തിയാറാം ചിത്രമാണ് ഇത്. തമിഴിലും തെലുങ്കിലുമായിട്ടാണ് ചിത്രം എത്തുക. ചിത്രം ഹിന്ദിയിലും എത്തുമെന്ന് റിപ്പോര്‍ട്ടുകള്‍ ഉണ്ടായിരുന്നു.
