തന്റെ മകനെ കൊഞ്ചിച്ച് കൊതിതീരും മുമ്പേയാണ് ഉത്രയെ ഭര്‍ത്താവ് അതിക്രൂരമായി കൊലപ്പെടുത്തിയത്. ഒരുതവണ ഉത്രയെ കൊല്ലാന്‍ വേണ്ടി സൂരജ് ഇട്ടപദ്ധതി പൊളിഞ്ഞതോടെയാണ് വീണ്ടും അതേ വഴി പരീക്ഷിച്ചത്, അതില്‍നിന്ന ഉത്രയ്ക്ക് രക്ഷപ്പെടാനായില്ല. എന്നാല്‍ പാമ്പിനെ കൊണ്ട് കടിപ്പിച്ചു കൊന്നാല്‍ തന്നെ ഒരിക്കലും മറ്റുള്ളവര്‍ സംശയിക്കില്ല എന്ന് സൂരജ് തെറ്റിദ്ധരിച്ചു. തുടര്‍ച്ചയായി രണ്ട് തവണ ഉത്രയെ പാമ്പുകടിച്ചതോടെയാണ് വീട്ടുകാര്‍ക്കും നാട്ടുകാര്‍ക്കും ഒരു ചെറിയ സംശയം തോന്നിത്തുടങ്ങിയത്. അപ്പോഴും ഇതൊരു കൊലപാതകം ആയിരിക്കില്ല എന്ന് തന്നെയാണ് പലരും വിശ്വസിച്ചത്, കാരണം അങ്ങനെയൊന്നും ചെയ്യാന്‍ സൂരജിന് കഴിയില്ലെന്ന് പലരും പറഞ്ഞു, ഒടുവില്‍ ചെയ്ത തെറ്റ് സൂരജിന് സമ്മതിക്കേണ്ടിവന്നു. എന്നാല്‍ ഇതിന് കൊടുത്ത ശിക്ഷയില്‍ പലരും തൃപ്തരല്ല. സൂരജിന്റെ വയസ്സും അതുപോലെ വീട്ടിലെ സാഹചര്യം എല്ലാം നോക്കിയാണ് ശിക്ഷയുടെ കാലയളവ് കുറച്ചത്. ഇന്ന് സമൂഹം ഒന്നടങ്കം സൂരജിന് വധ ശിക്ഷ വാങ്ങി കൊടുക്കണം എന്നാണ് പറയുന്നത്. എങ്ങനെയെങ്കിലും ഭാര്യയെ ഇല്ലാതാക്കി സ്വത്തുക്കള്‍ കൈക്കലാക്കുക എന്നതായിരുന്നു സൂരജിന്റെ ലക്ഷ്യം. 
നേരത്തെ തന്നെ ഉത്രാ തന്റെ വീട്ടിലേക്ക് വരണം എന്നും ഇവിടെ നില്‍ക്കാന്‍ പറ്റില്ല എന്നും പറഞ്ഞു അച്ഛനെ വിളിച്ചിരുന്നു. അന്ന് അച്ഛനും ഒരു ബന്ധവും കൂടി ഉത്രരയുടെ വീട്ടില്‍ എത്തി. എന്നാല്‍ ഇറങ്ങാന്‍ നേരം കുടുംബാംഗങ്ങള്‍ അവളെ കെട്ടിപ്പിടിച്ചു കരഞ്ഞു , പോവരുത് എന്നു പറഞ്ഞു ആ കരച്ചില്‍ അവള്‍ അലിഞ്ഞു പോവുകയും ചെയ്തു. അന്ന് ഉത്ര അവിടെത്തന്നെ നിന്നു അച്ഛന്‍ തിരിച്ചുവരികയും ചെയ്തു. അത് അവളുടെ മരണത്തിലേക്കുള്ള യാത്രയ്ക്ക് എടുത്ത തീരുമാനമായിരുന്നുവെന്ന് അച്ഛന്‍ അറിഞ്ഞില്ല . നേരത്തെ ഉത്രയ്ക്ക് പാമ്പ് കടിയേറ്റിരുന്നു , അതിനു പിന്നാലെ പല ശാരീരിക അസ്വസ്ഥതകളും ഇടയ്ക്കിടെ ഉണ്ടാവാറുണ്ട്. 
ഒരുദിവസം മോളെ എന്നുള്ള ഉത്തരയുടെ അമ്മയുടെ നിലവിളി കേട്ടാണ് സഹോദരന്‍ വിഷ്ണു അവിടേക്ക് ഓടിയെത്തിയത്. ബോധരഹിതയായ ഉത്രയെ ഹോസ്പിറ്റലിലേക്ക് കൊണ്ടുപോയി. അപ്പോഴേക്കും ഉത്ര മരിച്ചിരുന്നു. ഉത്രയേ പാമ്പുകടിച്ചതാണെന്ന് പിന്നീടാണ് എല്ലാവരും മനസ്സിലാക്കിയത്. ഈ സമയത്ത് ഒരു സംശയം പോലും തോന്നാത്ത വിധം സൂരജ് അവിടെ തന്നെ ഉണ്ടായിരുന്നു. പിന്നീടാണ് ആണ് ഉത്രയുടെ ഭര്‍ത്താവ് സൂരജ് തന്നെയാണ് കുറ്റകൃത്യം ചെയ്തത് എന്ന് പുറത്തുവന്നത്. 
വലിയൊരു നഷ്ടം തന്നെയാണ് ഈ കുടുംബത്തിന് സംഭവിച്ചത്. ഉത്രയുടെ അമ്മയ്ക്ക് ആരോഗ്യ പ്രശ്‌നങ്ങളും ഉണ്ട് അതിനാല്‍ തന്നെ നേരത്തെ, ഉത്ര ആശുപത്രിയില്‍ ഉള്ള സമയത്ത് പോലും കുഞ്ഞിനെ നോക്കിയിരുന്നത് സൂരജ് ആയിരുന്നു. അപ്പോഴും തന്റെ അമ്മയെ അച്ഛന്‍ കൊന്നു എന്ന സത്യം ആ കൊച്ചുമകന്‍ അറിഞ്ഞിരുന്നില്ല.
