മലയാള സിനിമയില്‍ ചെറിയ വേഷങ്ങളിലൂടെ ശ്രദ്ധിക്കപ്പെട്ട താരമാണ് മോളി കണ്ണമാലി. താരം കുറച്ച് നാള്‍ മുന്‍പ് രോഗബാധിതയായി ആശുപത്രിയില്‍ ചികിത്സയിലായിരുന്നു. രോഗം മൂര്‍ച്ഛിച്ചതോടെ നിരവധി പേര് താരത്തിന് സഹായവുമായി എത്തുകയും ചെയ്തിരുന്നു.
രോഗം സുഖം പ്രാപിച്ച് വരുന്നതിനിടെ തന്റെ വീട് ജപ്തിയായി പോകാറായി എന്ന സങ്കടം പറഞ്ഞ് മോളി കണ്ണമാലി എത്തിയിരുന്നു. തുടര്‍ന്ന് സാമൂഹിക പ്രവര്‍ത്തകന്‍ ഫിറോസ് കുന്നുംപറമ്പില്‍ മോളി കണ്ണമാലിക്ക് സഹായം നല്‍കിയിരുന്നു.
മോളി കണ്ണമാലിയുടെ വീടിന്റെ ആധാരം പണയം എടുത്ത് നല്‍കിയിരുന്നു ഫിറോസ്. എന്നാല്‍ അഭിനേതാക്കളുടെ സംഘടനയായ അമ്മ, മോളി കണ്ണമാലിക്ക് സഹായം നല്‍കാത്തിന് എതിരെ വിമര്‍ശനം എത്തിയിരുന്നു.
അഭിനേതാക്കളുടെ സംഘടന എന്തുകൊണ്ട് മറ്റൊരു അഭിനേതാവായ മോളി കണ്ണമാലിയെ സഹായിച്ചില്ല എന്നായിരുന്നു സോഷ്യല്‍ മീഡിയ ചോദിച്ചത്. ഇതിന്റെ പേരില്‍ താരങ്ങള്‍ക്ക് എതിരെ വിമര്‍ശനവും എത്തിയിരുന്നു.
ഇപ്പോഴിത വിഷയത്തില്‍ പ്രതികരണവുമായി എത്തിയിരിക്കുകയാണ് ടിനി ടോം. മോളി കണ്ണമാലി സംഘടന അംഗം അല്ലാത്തതിനാല്‍, അമ്മയുടെ ചട്ടപ്രകാരം സഹായിക്കാന്‍ കഴിയില്ലെന്ന് ടിനി പറയുന്നു.
പക്ഷേ സംഘടനയിലെ അംഗങ്ങളില്‍ നിന്നും വ്യക്തപരമായി അവര്‍ക്ക് സഹായം ലഭിച്ചിട്ടുണ്ടെന്നും ടിനി പറഞ്ഞു. ഒരു ഓണ്‍ലൈന്‍ ചാനലിന് നല്‍കിയ അഭിമുഖത്തില്‍ ആയിരുന്നു നടന്റെ പ്രതികരണം.
അമ്മ സംഘടനയ്ക്ക് ഒരു അജണ്ട ഉണ്ട്. അതനുസരിച്ചേ കാര്യങ്ങള്‍ ചെയ്യാന്‍ പറ്റൂ. അംഗങ്ങള്‍ക്ക് മാത്രമേ അമ്മ സംഘടനയ്ക്ക് സഹായം നല്‍കാന്‍ കഴിയൂ. മോളി കണ്ണമാലി അംഗമല്ല. അതുകൊണ്ടാണ് അമ്മ സംഘടന വഴി സഹായം നല്‍കാന്‍ കഴിയാത്തത് എന്നാണ് ടിനി ടോ പറയുന്നത്.
എന്നാല്‍ അമ്മയിലെ അംഗങ്ങളില്‍ നിന്നും സഹായം ലഭിച്ചിട്ടുണ്ടെന്നും ടിനി പറഞ്ഞു.’മോളി കണ്ണമാലിക്ക് വീട് വച്ച് കൊടുക്കാന്‍ മമ്മൂക്കയാണ് ഏറ്റവും കൂടുതല്‍ സഹായിച്ചത്.
വ്യക്തപരമായി സഹായിച്ചവരും ഉണ്ട്. അമ്മ സംഘടനയുടെ ഹെല്‍പ് കിട്ടിയിട്ടില്ല എന്നെ ഉള്ളൂ. അമ്മയുടെ അഗംങ്ങളില്‍ നിന്നും ഒരുപാട് ഹെല്‍പ് കിട്ടിയിട്ടുണ്ട് എന്നും ടിനി കൂട്ടിച്ചേര്‍ത്തു.
അമ്മ ഒരു ആര്‍ഭാട സംഘടനയായി പുറത്ത് നിന്നുള്ളവര്‍ക്ക് തോന്നും. ഓവര്‍ പെയ്ഡായവര്‍ സുഖ സൗകര്യങ്ങള്‍ ആസ്വദിക്കുന്നു എന്നാണ് പുറത്തുള്ളവര്‍ക്ക് തോന്നുക.
പക്ഷെ അതില്‍ നൂറോളം പേര് മാത്രമാണ് സുഖ സൗകര്യങ്ങളില്‍ ജീവിക്കുന്നവര്‍. ബാക്കി എല്ലാവരും പുറന്തള്ളപ്പെട്ട് പോയവരാണ്. കാലത്തിന്റെ ഓട്ടത്തിനിടയ്ക്ക് സിനിമയില്‍ നിന്നും മാറി നില്‍ക്കേണ്ടി വന്നവരാണ്’.
അമ്മയിലെ അംഗങ്ങള് ചെയ്യുന്നത് പുറത്താരോടും പറയാറില്ല. മാസം 5000രൂപ വച്ച് കൈനീട്ടം പരിപാടി 250 ഓളം പേര്‍ക്ക് കൊടുക്കുന്നുണ്ട്. അഞ്ച് ലക്ഷത്തിന്റെ ഇന്‍ഷുറന്‍സ് കൊടുക്കുന്നുണ്ട്. ഇവയൊന്നും പുറത്ത് പറയാറില്ലെന്നും ടിനി ടോം പറഞ്ഞു.
