അജിത്തിനെ നായകനാക്കി എച്ച് വിനോദ് സംവിധാനം ചെയ്ത് എത്തിയ ചിത്രം തുനിവ് പൊങ്കല്‍ റിലീസായി ഇന്നാണ് തീയറ്ററില്‍ എത്തിയത്. മികച്ച പ്രതികരണം നേടി പ്രദര്‍ശനം തുടരുകയാണ് ചിത്രം.
അജിത്തിനെ അഴിഞ്ഞാട്ടമാണ് ചിത്രം എന്നാണ് സിനിമ കണ്ട് ആരാധകര്‍ പറയുന്നത്. ചിത്രം മികച്ച പ്രതികരണം നേടുമ്പോള്‍ അജിത്തിനൊപ്പം തന്നെ കയ്യടി നേടുകയാണ് മലയാളികളുടെ ലേഡി സൂപ്പര്‍ സ്റ്റാര്‍ മഞ്ജു വാര്യര്‍.
തുനിവില്‍ മാസ് പ്രകടനം കാഴ്ചവയ്ക്കുന്ന നടിയുടെ സ്‌ക്രീന്‍ പ്രസന്‍സിനും ഫൈറ്റിനുമാണ് ആരാധകര്‍ കയ്യടിക്കുന്നത്. ആക്ഷന്‍ സീക്വന്‍സുകളില്‍ അഴിഞ്ഞാടുന്ന മഞ്ജുവിനെ കാണാം.
ഇത്രയും ഭംഗിയായി ആക്ഷന്‍ രംഗങ്ങള്‍ ചെയ്യുമെന്ന് അറിയാല്ലായിരുന്നു എന്നാണ് ആരാധകര്‍ സോഷ്യല്‍ മീഡിയയില്‍ പറയുന്നത്. ചിത്രത്തിലെ താരത്തിന്റെ പ്രകടനത്തെ പുകഴ്ത്തി നിരവധി പേരാണ് എത്തുന്നത്.
‘തലയ്ക്ക് ഒപ്പം തകര്‍ത്ത് തലൈവി’ എന്നാണ് സമൂഹമാധ്യമങ്ങള്‍ മഞ്ജു വാര്യരെ കുറിച്ച് പറയുന്നത്. മലയാളത്തിന്റെ ലേഡി സൂപ്പര്‍ സ്റ്റാര്‍ മാത്രമല്ല, ഇനി തമിഴകത്തിന്റെ തലൈവിയുമാണ് എന്നാണ് മഞ്ജുവിനെ കുറിച്ച് ആരാധകര്‍ പറയുന്നത്.
മഞ്ജു വാര്യരെ മുഴുനീള ആക്ഷന്‍ സിനിമകള്‍ ഏല്‍പ്പിക്കാം,’നിങ്ങളുടെ സ്‌ക്രീന്‍ പ്രസന്‍സും, ആക്ഷന്‍ സീക്വന്‍സുകളും ഗംഭീരം, കുടുതല്‍ തമിഴ് സിനിമകള്‍ക്കായി കാത്തിരിക്കുന്നുവെന്നും മഞ്ജുവിനെ പ്രശംസിച്ച് സോഷ്യല്‍ മീഡിയ പറയുന്നു.
അതേസമയം നേര്‍കൊണ്ട പാര്‍വ്വൈ വലിമൈ എന്നീ ചിത്രങ്ങള്‍ക്കു ശേഷം അജിത്ത് കുമാറും സംവിധായകന്‍ എച്ച് വിനോദും വീണ്ടും ഒന്നിച്ച ചിത്രമാണ് തുനിവ്. ആക്ഷന്‍ ത്രില്ലര്‍ ഗണത്തില്‍ ഒരുങ്ങിയ ചിത്രം നിര്‍മ്മിച്ചത് ബോണി കപൂര്‍ ആയിരുന്നു.
വീര, സമുദ്രക്കനി, ജോണ്‍ കൊക്കെന്‍, തെലുങ്ക് നടന്‍ അജയ് എന്നിവരും ചിത്രത്തില്‍ പ്രധാന വേഷങ്ങളില്‍ എത്തുന്നുണ്ട്. നീരവ് ഷാ ഛായാഗ്രഹണവും വിജയ് വേലുക്കുട്ടി എഡിറ്റിംഗും നിര്‍വഹിച്ചിരിക്കുന്നു.
