ബിഗ് ബോസ് ആറാമത്തെ സീസൺ ഇപ്പോൾ വളരെ വിജയകരമായി മുന്നോട്ടു പോയിക്കൊണ്ടിരിക്കുകയാണ്. കഴിഞ്ഞ ആഴ്ച ആണ് 6 പുതിയ മത്സരാർത്ഥികൾ വൈൽഡ് കാർഡ് എൻട്രികൾ ആയി എത്തിയത്. ഇതിൽ ഒരാൾ ആയിരുന്നു സീക്രട്ട് ഏജൻറ് എന്ന സായി കൃഷ്ണ. പ്രേക്ഷകർക്ക് വലിയ പ്രതീക്ഷകൾ ആയിരുന്നു ഇദ്ദേഹത്തിൻറെ കടന്നുവരവ് നൽകിയത് എങ്കിലും പിന്നീടുള്ള ഇദ്ദേഹത്തിൻറെ പെരുമാറ്റം നിരാശാജനകമായിരുന്നു എന്നാണ് പ്രേക്ഷകർ പറയുന്നത്. അതേസമയം ഇപ്പോൾ ഇദ്ദേഹത്തെ കുറിച്ചുള്ള ഒരു പുതിയ വീഡിയോ ആണ് സമൂഹമാധ്യമങ്ങളിൽ ശ്രദ്ധിക്കപ്പെടുന്നത്.
സമൂഹമാധ്യമങ്ങളിൽ സാമൂഹിക വിഷയങ്ങളിൽ പ്രതികരിക്കുന്ന ഖായിസ് ആണ് ഇപ്പോൾ പുതിയ വീഡിയോ ചെയ്തിരിക്കുന്നത്. സായി കൃഷ്ണ ഒരു നല്ല ബിഗ് ബോസ് മെറ്റീരിയൽ അല്ല എന്നാണ് ഇദ്ദേഹം പറയുന്നത്. ഇതിന് കാരണമായി പറയുന്നത് സായി സുഹൃത്ത് ബന്ധങ്ങൾക്ക് വലിയ രീതിയിലുള്ള വില നൽകുന്ന ആളാണ് എന്നതാണ്. രണ്ടുവർഷമായി ഇദ്ദേഹത്തെ അറിയാം എന്നും ഖായിസ് പറയുന്നു. ഈ രണ്ടു വർഷത്തിനിടയിൽ നിരന്തരമായി കോൺടാക്ട് ഉണ്ടായിരുന്നു എന്നും ഒരു ദിവസം ഏറ്റവും കൂടുതൽ സംസാരിക്കുന്ന വ്യക്തികളിൽ ഒരാൾ കൂടിയാണ് സായി എന്നുമാണ് ഖായിസ് പറയുന്നതു.
“വൈൽഡ് കാർഡ് എൻട്രി ആയി ബിഗ് ബോസിലേക്ക് പോവുകയാണ് എന്ന് വിളിച്ചു പറഞ്ഞിരുന്നു എന്നെ. അപ്പോൾ മുതൽ എനിക്ക് സംശയമുണ്ടായിരുന്നു പുള്ളിക്കാരന് ഇത് പറ്റുമോ എന്ന്. ഹൗസിൽ എത്തി കുറച്ചു ദിവസങ്ങൾ കഴിഞ്ഞപ്പോൾ ഇദ്ദേഹത്തിൻറെ പ്രകടനം കണ്ടപ്പോൾ ഏറെക്കുറെ കാര്യം മനസ്സിലായി. ഇദ്ദേഹത്തിൻറെ യഥാർത്ഥ സ്വഭാവവും ഒരു ബിഗ് ബോസ് ഗെയിമർക്കു വേണ്ട സ്വഭാവവും തമ്മിൽ ഒരുപാട് വ്യത്യാസമുണ്ട്. ഇദ്ദേഹം വളരെ ഫ്രാങ്ക് ആയിട്ടുള്ള ഒരാളാണ്. സുഹൃത്ത് ബന്ധങ്ങൾക്ക് വലിയ വിലയാണ് നൽകുന്നത്. എല്ലാവരോടും പെട്ടെന്ന് സൗഹൃദത്തിൽ ആവും എന്ന് മാത്രമല്ല ആരെയും പുറകിൽ നിന്നും കുത്തില്ല. അതേസമയം കഴിഞ്ഞ സീസൺ മുതൽ ബിഗ് ബോസിലേക്ക് കയറാൻ സായി ശ്രമിക്കുന്നുണ്ട്.
അവസാനം കഴിഞ്ഞ സീസണിലേക്ക് എൻട്രി ലഭിക്കുകയും ചെയ്തു. എന്നാൽ യൂട്യൂബിൽ നിന്നും തനിക്ക് ലഭിക്കുന്ന അതേ പ്രതിഫലം തന്നെ വേണം എന്നായിരുന്നു ബിഗ് ബോസ് ടീമിനോട് സായി ആവശ്യപ്പെട്ടത്. ഇത് അവർ നിരസിച്ചതോടെ സായിയെ ഒഴിവാക്കുകയായിരുന്നു. എന്നാൽ പിന്നീട് ഇത്തവണ വൈൽഡ് കാർഡ് എൻട്രി ആയുസ്സ് ആയി വേണം എന്ന് പ്രേക്ഷകരുടെ ഭാഗത്തുനിന്നും ഡിമാൻഡ് വന്നപ്പോൾ ആയിരുന്നു ബിഗ് ബോസ് ടീം ഇത് അംഗീകരിച്ചത്. ഒരുപക്ഷേ കഴിഞ്ഞ തവണ അവർ ഇത് അംഗീകരിച്ചിരുന്നു എങ്കിൽ ഒരു അഖിൽ മാരാർ – സായി കൃഷ്ണ മത്സരം കാണാമായിരുന്നു” – ഖായിസ് പറയുന്നു.
