ബിഗ് ബോസ് ആറാമത്തെ സീസൺ ഇപ്പോൾ വളരെ വിജയകരമായി മുന്നോട്ടു പോയിക്കൊണ്ടിരിക്കുകയാണ്. ഈ സീസണിലെ ഏറ്റവും കരുത്തറ്റ രണ്ടു മത്സരാർത്ഥികൾ ആയിരുന്നു സിജോ, റോക്കി എന്നിവർ. എന്നാൽ ഒരു വാക്കു തർക്കത്തിന്റെ പേരിൽ റോക്കി സിജോയെ അടിക്കുകയായിരുന്നു. ഇതോടെ റോക്കി സ്പോട്ടിൽ ഗെയിമിൽ നിന്നും പുറത്തായി. കൂടാതെ സിജോയ്ക്ക് കാര്യമായ പരിക്ക് പറ്റുകയും ചെയ്തു.
സിജോയെ താൽക്കാലികമായി വീട്ടിൽ നിന്നും പുറത്താക്കുകയായിരുന്നു പിന്നീട്. സർജറിക്ക് വേണ്ടിയായിരുന്നു ഇത്. എന്നാൽ സിജോ തിരികെ വരുമോ എന്ന കാര്യത്തിൽ വ്യക്തത ഇല്ലായിരുന്നു. സിജോ സീക്രട്ട് റൂമിൽ ആയിരിക്കും എന്നും പ്രതീക്ഷകൾ ഉണ്ടായിരുന്നു. ഇപ്പോൾ സിജോ തിരിച്ചു വരുമോ എന്ന് ചോദിച്ചു കൊണ്ട് ധാരാളം ആരാധകർ ആണ് ബിഗ് ബോസിന് സന്ദേശങ്ങൾ അയക്കുന്നത്. ഇപ്പോൾ ഇതിനുള്ള മറുപടിയുമായി എത്തിയിരിക്കുകയാണ് ഒരു ബിഗ് ബോസ് ആരാധകൻ തന്നെ.
“സിജോ തിരിച്ചു വരുന്നതിനെ കുറിച്ച് ഒരുപാട് ആളുകൾ ചോദിക്കുന്നുണ്ട്. എല്ലാവർക്കും ഉള്ള മറുപടി ഇതാണ് – കഴിഞ്ഞ ഫ്രൈഡേ സിജോയെ ചെക്കപ്പ് ചെയ്യുവാൻ കൊണ്ടുപോകാൻ ഇരുന്നതായിരുന്നു. എന്നാൽ അന്ന് ഡോക്ടർ ഇല്ലാത്തതുകൊണ്ട് അന്ന് സാധിച്ചില്ല. അന്നത്തെ ദിവസം അപ്പോയിൻമെന്റ് ലഭിച്ചില്ല. ഏപ്രിൽ പതിനഞ്ചാം തീയതി, തിങ്കളാഴ്ചയിലേക്ക് സന്ദർശനം മാറ്റി. നിലവിൽ അദ്ദേഹത്തിൻറെ പല്ലിൽ ഒരു സ്ക്രൂ ഫിക്സ് ചെയ്തിട്ടുണ്ട്. രണ്ട് ബാൻഡേർഡ് കൂടിയുണ്ട്. ആഹാരം ദ്രാവക രൂപത്തിൽ കഴിക്കാൻ പറ്റുന്നുണ്ട്. ജ്യൂസുകളും കുടിക്കാൻ പറ്റുന്നുണ്ട്” – ആരാധകൻ പറയുന്നു.
“അദ്ദേഹം ഇപ്പോഴും ബിഗ് ബോസ് സംഘങ്ങളുടെ നിരീക്ഷണത്തിൽ ട്രീറ്റ്മെൻ്റിൽ കഴിയുകയാണ്. ഹോസ്പിറ്റൽ അധികൃതർ ആണ് ഈ വിവരങ്ങൾ അറിയിച്ചത്. പറ്റുമെങ്കിൽ തിങ്കളാഴ്ച തന്നെ സ്ക്രൂവും ബാൻഡർഡും അഴിച്ചുമാറ്റാൻ സാധിക്കും. നാട്ടിൽ നിന്നും വന്നവർക്ക് പോലും സിജോയെ കാണാൻ സാധിച്ചിട്ടില്ല. ഡോക്ടർ ഫിറ്റ്നസ് സർട്ടിഫിക്കറ്റ് നൽകിയാൽ, ഏതൊരു ദിവസം വേണമെങ്കിലും സിജോ തിരിച്ചു കയറാം” – ആരാധകൻ നൽകിയ അപ്ഡേറ്റ് ഇങ്ങനെ.
