ദിലീപ് കേന്ദ്ര കഥാപാത്രത്തെ അവതരിപ്പിക്കുന്ന ഏറ്റവും പുതിയ സിനിമയാണ് പവി കെയർ ടേക്കർ. ഏറെ നാളുകൾക്കു ശേഷം ദിലീപേട്ടൻ വീണ്ടും കോമഡി ട്രാക്കിലേക്ക് തിരികെ വരുന്ന സിനിമ കൂടിയാണ് ഇത് എന്ന പ്രത്യേകതയുണ്ട്. തങ്കമണി എന്ന സിനിമയിൽ ആയിരുന്നു ദിലീപ് അവസാനമായി പ്രത്യക്ഷപ്പെട്ടത്. ഇത് ഒരു സീരിയസ് വിഷയത്തെ അടിസ്ഥാനമാക്കി ഒരുക്കിയ ഫാമിലി ഡ്രാമ ആയിരുന്നു.
ഇപ്പോൾ ദിലീപ് ഈ സേമിയയുടെ ഓഡിയോ ലോഞ്ച് ചടങ്ങിൽ പറഞ്ഞ വാക്കുകൾ ആണ് ശ്രദ്ധിക്കപ്പെടുന്നത്. വളരെ വൈകാരികമായ ഒരു പ്രസംഗം ആണ് ഇദ്ദേഹം നടത്തിയിരിക്കുന്നത്. ഇദ്ദേഹത്തിൻറെ വാക്കുകൾ ആണ് ഇപ്പോൾ സമൂഹം മാധ്യമങ്ങളിൽ ചർച്ചാവിഷയമായി മാറിക്കൊണ്ടിരിക്കുന്നത്.
കഴിഞ്ഞ ഇരുപത്തിയെട്ട് – ഇരുപത്തിയൊൻപത് വർഷങ്ങളായി കൊച്ചു കൊച്ചു വേഷങ്ങൾ ഒക്കെ ചെയ്തു ഇവിടം വരെ എത്തിയ ആളാണ് ഞാൻ. ഈ സിനിമ എനിക്ക് എത്രത്തോളം ആവശ്യം ആണെന്ന് നിങ്ങൾക്ക് എല്ലാം അറിയാം. ഇത് എൻ്റെ 149-മത്തെ സിനിമയാണ്. ഇത്രയും കാലം ഞാൻ ഒരുപാട് ചിരിച്ചു, ചിരിപ്പിച്ചു. കഴിഞ്ഞ കുറേക്കാലമായി ഞാൻ ദിവസവും കുറേ കരഞ്ഞു കൊണ്ടിരിക്കുന്ന ആളാണ്. ചിരിപ്പിക്കാൻ ശ്രമിക്കുന്ന എനിക്ക് ഇവിടെ നിലനിൽക്കാൻ ഈ സിനിമയുടെ വിജയം അത്യാവശ്യമാണ്. എല്ലാവരും സിനിമ വന്ന് കാണണം, ഇത് എന്റെ അപേക്ഷയാണ്.
അതേസമയം ഈ സിനിമ ഇദ്ദേഹത്തെ സംബന്ധിച്ച് വളരെ നിർണായകമാണ്. തുടർ പരാജയങ്ങളിൽ കുടുങ്ങി നിൽക്കുന്ന ഇദ്ദേഹത്തിന്റെ കരിയറിനെ ഉയർത്തെഴുന്നേൽപ്പിക്കണമെങ്കിൽ ഈ സിനിമ വളരെ അത്യന്താപേക്ഷിതമാണ്. സിനിമ എന്തായാലും ഹിറ്റ് ആകും എന്ന പ്രതീക്ഷയിലാണ് ആരാധകർ എല്ലാവരും തന്നെ.
