കഴിഞ്ഞ 18 വർഷമായി റഹീമിനെ കാത്തിരിക്കുകയാണ് റഹീമിന്റെ ഉമ്മ. എന്നാൽ ഇന്ന് അദ്ദേഹത്തിൻറെ കുടുംബം മാത്രമല്ല, കേരളക്കര ഒന്നാകെ ഇദ്ദേഹത്തെ കാത്തിരിക്കുകയാണ്. 18 വർഷത്തിനുശേഷം മോചനത്തിന് ആവശ്യമായ പണം സ്വരൂപിച്ചു നൽകിയിരിക്കുകയാണ് മലയാളി സമൂഹം. എന്നാൽ മോചനത്തിനുവേണ്ടി അല്പം കൂടി കാത്തിരിക്കേണ്ടിവരും നമ്മൾ എന്നാണ് ഇപ്പോൾ ലഭിക്കുന്ന പുതിയ വാർത്തകൾ.
നിലവിൽ രണ്ട് ബാങ്ക് അക്കൗണ്ടുകളിൽ ആയിട്ടാണ് മോചനത്തിനുള്ള പണം ഉള്ളത്. 15 മില്യൻ റിയാൽ അഥവാ 34 കോടി രൂപ ആണ് ഈ രണ്ട് അക്കൗണ്ടുകളിൽ ആയി ഉള്ളത്. ഡൽഹിയിലെ വിദേശകാര്യമന്ത്രാലയത്തിന്റെ അക്കൗണ്ടിലേക്ക് ആണ് ഈ തുക മാറ്റുക. ഇതാണ് ആദ്യത്തെ സ്റ്റെപ്പ്.
ഈ പണം പിന്നീട് സൗദിയിലുള്ള ഇന്ത്യൻ എംബസിയിലേക്ക് ആണ് അയക്കുക. ഈ പ്രോസസിന് മാത്രം മൂന്ന് ആഴ്ച സമയം എടുക്കും എന്നാണ് ലഭിക്കുന്ന റിപ്പോർട്ടുകൾ. പണം ലഭ്യമായ കാര്യം എംബസി ആയിരിക്കും പിന്നീട് സൗദി കോടതിയിൽ അറിയിക്കുന്നത്. നിലവിൽ സൗദി കോടതികൾ എല്ലാം ഈദ് അവധിയിലാണ്. ഒരാഴ്ചക്ക് ശേഷം മാത്രമായിരിക്കും കോടതികൾ തുറക്കുക.
ഒരുപാട് അവധിക്ക് ശേഷം കോടതി തുറക്കുന്നത് കൊണ്ട് തന്നെ നല്ല തിരക്ക് ഉണ്ടായിരിക്കും. അതുകൊണ്ട് ഹിയറിങ് വൈകാനാണ് സാധ്യത. ഇതിനെ ആശ്രയിച്ച് ആയിരിക്കും എത്ര വേഗത്തിൽ റഹീം പുറത്തിറങ്ങും എന്നത് ഉണ്ടാവുക. പണം സ്വരൂപിച്ചു എങ്കിലും അവസാന ഘട്ട സിറ്റിംഗ് നടത്തി റഹീമും എതിർകക്ഷികളും സമ്മതപത്രത്തിൽ ഒപ്പിട്ടാൽ മാത്രമേ മോചനം നടക്കുകയുള്ളൂ. പണം ലഭിച്ചാൽ മാപ്പു നൽകും എന്ന് സ്പോൺസറുടെ ഭാഗത്തുനിന്നും ഉറപ്പ് ലഭിക്കണം, പണം നൽകുമെന്ന ഉറപ്പ് റഹീമും നൽകണം.
