കുറച്ചു ദിവസങ്ങൾക്കുമുണ്ടായിരുന്നു ബോളിവുഡ് താരം സൽമാൻ ഖാന്റെ വീടിന് നേരെ വെടിയുതിർത്ത സംഭവം ഉണ്ടായിരുന്നത്. ലോറൻസ് ബിഷ്‌നോയ് എന്ന ഗ്യാങ്ങിലെ ആളുകൾ ആയിരുന്നു ഇതിന് പിന്നിൽ എന്ന് അവർ തന്നെ ഉത്തരവാദിത്വം ഏറ്റെടുത്തുകൊണ്ട് രംഗത്തെത്തിയിരുന്നു. ഇതിന് പിന്നാലെ വലിയ രീതിയിലുള്ള രാഷ്ട്രീയ കോലാഹലങ്ങൾ മഹാരാഷ്ട്രയിൽ നടക്കുകയും ചെയ്തു. മാധ്യമങ്ങൾ എല്ലാം തന്നെ ഈ വാർത്ത റിപ്പോർട്ടും ചെയ്തിരുന്നു.
അതേസമയം സൽമാൻ ഖാന് എല്ലാവിധ പിന്തുണയും ഉറപ്പാക്കി കൊണ്ട് മഹാരാഷ്ട്ര സർക്കാർ രംഗത്ത് വരികയും ചെയ്തിരുന്നു. മഹാരാഷ്ട്ര മുഖ്യമന്ത്രിയെ സൽമാൻ ഖാൻ നേരിട്ടു കാണുകയും ചെയ്തിരുന്നു. സംഭവത്തിൽ ഊർജ്ജിതമായ അന്വേഷണം ആയിരുന്നു മുംബൈ പോലീസ് നടത്തിയിരുന്നത്. ഇപ്പോൾ ഈ വിഷയത്തിൽ ഇവരുടെ റിപ്പോർട്ട് ആണ് പുറത്തുവന്നിരിക്കുന്നത്.
ആക്രമണത്തിന് പിന്നിലെ യഥാർത്ഥ കാരണമാണ് ഇപ്പോൾ ഇവർ വെളിവാക്കിയിരിക്കുന്നത്. നേരത്തെ വിക്കി ഗുപ്ത എന്ന ഒരു വ്യക്തി പിടിയിലായിരുന്നു. ഇയാളും ഇയാളുടെ സഹോദരനും ചേർന്നാണ് സൽമാൻ ഖാന്റെ വീടിന് നേരെ വെടിയുത്തത്. ഇപ്പോൾ ഇയാളുടെ സഹോദരനും പിടിയിലായിരിക്കുകയാണ്. സോനു ഗുപ്ത എന്നാണ് പിടിയിലായ സഹോദരൻറെ പേര്. ഇരുവരും ചേർന്നാണ് ആക്രമണം നടത്തിയിരിക്കുന്നത് എന്നാണ് ഇപ്പോൾ പോലീസ് പറയുന്ന റിപ്പോർട്ട്.
പ്രതികളെ ഇപ്പോൾ ചോദ്യം ചെയ്തുകൊണ്ടിരിക്കുകയാണ്. ഈ ആക്രമണത്തിന് പിന്നിലെ കാരണമായി പ്രതികൾ പറഞ്ഞത് തങ്ങൾ ഈ ആക്രമണം നടത്തിയത് പണത്തിനും പ്രശസ്തിക്കും വേണ്ടിയാണ് എന്നാണ്. ഇതുതന്നെയാണ് ഇപ്പോൾ പോലീസ് മാധ്യമങ്ങളോടും പറഞ്ഞിരിക്കുന്നത്. ഇതല്ലാതെ മറ്റൊരു കാരണം ഇതിന് പിന്നിൽ ഉണ്ടാവാൻ സാധ്യതയില്ല എന്നാണ് മാധ്യമങ്ങളും പറയുന്നത്. അതേസമയം സൽമാൻഖാന് നേരത്തെ തന്നെ ഈ ഗ്യാങ്ങിൽ നിന്നും ഭീഷണി ഉണ്ടായിരുന്നു.
