ഇന്ത്യൻ സിനിമയിലെ തന്നെ കാലത്തെയും വലിയ താരങ്ങളിൽ ഒരാളാണ് ഷാരൂഖ് ഖാൻ. ഇദ്ദേഹം ഇപ്പോൾ നമ്മുടെ ലാലേട്ടനെ കുറിച്ച് പറഞ്ഞ വാക്കുകൾ ആണ് സമൂഹ മാധ്യമങ്ങളിൽ തരംഗമായി മാറിക്കൊണ്ടിരിക്കുന്നത്. സമൂഹമാധ്യമമായ എക്സില്‍ ആണ് ഇദ്ദേഹം ഈ കാര്യം പറഞ്ഞിരിക്കുന്നത്. കഴിഞ്ഞദിവസം ആയിരുന്നു മോഹൻലാൽ ഷാറൂഖിന്റെ ഒരു പാട്ടിന് ചുവടു വയ്ക്കുന്ന വീഡിയോ പുറത്തുവന്നിരുന്നത്. ജവാൻ എന്ന സിനിമയിലെ പാട്ടിന് ഡാൻസ് ചെയ്യുന്ന മോഹൻലാലിന്റെ വീഡിയോ ആയിരുന്നു പുറത്തുവന്നിരുന്നത്.
ഒരു സ്വകാര്യത്തിലും അവാർഡ് നൈറ്റിൽ ആയിരുന്നു മോഹൻലാൽ ഡാൻസ് ചെയ്തിരുന്നത്. സിന്ദാ ബന്ദാ എന്ന പാട്ടിന് ആണ് മോഹൻലാൽ ചുവട് വച്ചിരിക്കുന്നത്. വളരെ എനർജറ്റിക് ആയിട്ടാണ് താരം ഈ പാട്ടിന് ഡാൻസ് ചെയ്യുന്നത്. നിരവധി ആളുകൾ ആയിരുന്നു ഇദ്ദേഹത്തെ അഭിനന്ദിച്ചുകൊണ്ട് രംഗത്തെത്തിയത്. എന്നാൽ ഈ വീഡിയോ ശ്രദ്ധയിൽപ്പെട്ട സാക്ഷാൽ ഷാരൂഖ് തന്നെ പിന്നീട് അഭിനന്ദനങ്ങൾ ആയി രംഗത്ത് എത്തുകയായിരുന്നു.
“ഈ ഗാനം എനിക്ക് വളരെ പ്രിയപ്പെട്ടത് ആക്കി മാറ്റിയ മോഹൻലാൽ സാറിന് ഒരുപാട് നന്ദി. വീട്ടിൽ ഒന്നിച്ച് ഒരു അത്താഴത്തിന് വേണ്ടി ഞാൻ കാത്തിരിക്കുകയാണ്. നിങ്ങളാണ് യഥാർത്ഥ സിന്ദ ബന്ദ” – ഇതായിരുന്നു ഷാറൂഖ് എക്സില്‍ കുറിച്ചത്. വളരെ സർപ്രൈസ് ആയിട്ടാണ് ഈ പോസ്റ്റ് വന്നത്. നിരവധി മലയാളികൾ ആണ് ഇതിനു മറുപടി നൽകിക്കൊണ്ട് തന്നെ രംഗത്ത് എത്തിയത്.
ഇപ്പോൾ സാക്ഷാൽ മോഹൻലാൽ തന്നെ ഇതിനു മറുപടിയുമായി രംഗത്തെത്തിയിരിക്കുകയാണ്. “പ്രിയപ്പെട്ട ഷാറൂഖ്. ആർക്കും നിങ്ങളെപ്പോലെ ചെയ്യാൻ സാധിക്കില്ല. നിങ്ങളാണ് ഇപ്പോഴും എപ്പോഴും ഒറിജിനൽ സിന്ദാ ബന്ദാ. ഇത് ആർക്കും അനുകരിക്കാൻ പറ്റാത്ത സ്റ്റൈലാണ്. എങ്കിലും നിങ്ങളുടെ നല്ല വാക്കുകൾക്ക് നന്ദി. മാത്രവുമല്ല, എന്തിന് ഡിന്നർ മാത്രമാക്കുന്നു? എന്തുകൊണ്ട് ബ്രേക്ഫാസ്റ്റ് കൂടി ആയിക്കൂടാ?” – ഇതാണ് മോഹൻലാൽ നൽകിയ മറുപടി. എന്തായാലും ഇവർ ഒരുമിച്ചു ഇനി ഒരു സിനിമ പ്രത്യക്ഷപ്പെടുമോ എന്ന ആകാംക്ഷയിലാണ് പ്രേക്ഷകർ എല്ലാവരും തന്നെ.
Dear @iamsrk, nobody can do it like you! You are and always will be the OG Zinda Banda in your classic, inimitable style. Thanks for your kind words.
Also, just dinner? Why not groove to some Zinda Banda over breakfast, too? https://t.co/0OCZD4VPoH
— Mohanlal (@Mohanlal) April 23, 2024
