ഇത്തവണത്തെ ബിഗ് ബോസിൽ ഏറ്റവും കൂടുതൽ ശക്തമായി കളിക്കുന്ന മത്സരാർത്ഥികളിൽ ഒരാളാണ് ജാസ്മിൻ. അതുകൊണ്ടുതന്നെ ധാരാളം വിമർശകരും ഇവർക്കുണ്ട്. ജാസ്മിനും ഗബ്രിയും തമ്മിൽ കളിക്കുന്നത് ലവ് സ്ട്രാറ്റജി ആണ് എന്നാണ് വിമർശനത്തിന് കാരണം. എന്നാൽ അത് വെറും ഗെയിം മാത്രമാണ് എന്നാണ് ഇപ്പോൾ നടി തെസ്നി ഖാൻ പറയുന്നത്. ഫിലിമിബീറ്റ് മാധ്യമത്തിന് നൽകി അഭിമുഖത്തിൽ ആണ് താരം ഈ കാര്യങ്ങൾ എല്ലാം തന്നെ തുറന്നു പറഞ്ഞിരിക്കുന്നത്.
“അവർ രണ്ടുപേരും തമ്മിലുള്ള ബന്ധം ഗെയിം ആണ് എന്നാണ് എനിക്ക് തോന്നുന്നത്. അവർ തമ്മിൽ ഒരു ബൗണ്ട് ഉണ്ടെങ്കിൽ അത് ഒരു കണ്ടന്റ് ആയി മാറും. അതൊക്കെ ഒരു കളിയായി മാത്രം എടുത്താൽ മതി. പുറത്തു വരുമ്പോൾ ഇതൊന്നും ഉണ്ടാകില്ല. ഒരുപാട് പേരുടെ ലൈഫിനെ ബിഗ് ബോസ് സീസണുകൾ ബാധിച്ചിരുന്നു, ഇപ്പോൾ ജാസ്മിന് സംഭവിച്ചത് പോലെ. ജാസ്മിൻ ഒരു മുസ്ലിം ആയതുകൊണ്ട് പുറത്തിറങ്ങിയാൽ എന്താകും എന്ന് എനിക്ക് അറിയില്ല” – തെസ്നി ഖാൻ പറയുന്നു.
“മുസ്ലിംസ് മറ്റുള്ള ആളുകളെ പോലെ എല്ലാം അംഗീകരിച്ചു കൊള്ളണമെന്നില്ല. പക്ഷേ ജാസ്മിൻ നല്ല രീതിയിൽ ഗെയിം കളിക്കുന്ന മത്സരാർത്ഥിയാണ്. അവിടെ എത്തിപ്പെട്ടതിനുശേഷം ഉള്ള പ്രശ്നങ്ങൾ കൊണ്ടാവണം പലരും ബിഗ് ബോസ് നിയമങ്ങൾ തെറ്റിക്കുന്നുണ്ട്. അവിടെ ജീവിക്കുക എന്നത് വലിയ ഒരു എക്സ്പീരിയൻസ് തന്നെയാണ്. ചില സമയത്ത് നമുക്ക് ആത്മഹത്യ പോലും ചെയ്യാൻ തോന്നും. ഞാനും ബിഗ് ബോസിൽ മത്സരിക്കാൻ ചെന്നിരുന്നു. ആര്യയും വീണയും എല്ലാം ഉണ്ടായിരുന്നു അവിടെ. ഇവരെ എനിക്ക് പുറത്തുവച്ച് അറിയാമായിരുന്നു. എന്നാൽ ആ പരിചയം ഒന്നും അവർ അകത്ത് എന്നോട് കാണിച്ചില്ല. അതും ഒരു കളിയാണ്, അതുകൊണ്ടുതന്നെ അവരെ കുറ്റം പറഞ്ഞിട്ട് കാര്യമില്ല. ശരിക്കും അവിടെ ചെന്നപ്പോൾ ഞാൻ ഞെട്ടിപ്പോയി” – തെസ്നി ഖാൻ പറയുന്നു.
അതേസമയം ഇന്ന് ജാസ്മിൻ തനിക്ക് ഗബ്രിയേ ഇഷ്ടമാണ് എന്ന് ഗബ്രിയോട് പറഞ്ഞിരുന്നു. തനിക്കും തിരിച്ച് ഇഷ്ടമാണ് എന്നും എന്നാൽ വിവാഹം ചെയ്യാൻ പറ്റില്ല എന്നുമായിരുന്നു ഗബ്രിയുടെ മറുപടി. ഇതോടെ ജാസ്മിൻ പിണങ്ങുന്നത് കാണാം. അതേസമയം ഇരുവരും തമ്മിലുള്ള ലൗ ട്രാക്ക് ആവുന്നില്ല എന്ന് മനസ്സിലാക്കി അത് മനപ്പൂർവ്വം ഒഴിവാക്കിയതാണ് ഇരുവരും ചെയ്തത് എന്നാണ് ഒരു വിഭാഗം പ്രേക്ഷകർ പറയുന്നത്. അതേസമയം ഇത് ഇരുവരുടെയും ഒരു സ്ട്രാറ്റജി ആണ് എന്നാണ് മറ്റൊരു വിഭാഗം ആളുകൾ പറയുന്നത്.
