പാക്കിസ്ഥാനിലെ അധോലോക നായകൻ ആണ് അമീർ സറഫറാസ്. തംബാസ് എന്ന പേരിൽ ആണ് ഇയാൾ അറിയപ്പെടുന്നത്. ഇയാളെ ചില അജ്ഞാതർ വെടിവെച്ചു കൊന്നിരിക്കുകയാണ് എന്ന വാർത്തകളാണ് ഇപ്പോൾ പുറത്തുവരുന്നത്. ഇന്ത്യക്കാരനായ സറബ്ജിത് സിംഗ് എന്ന വ്യക്തിയെ കൊന്ന പ്രതി കൂടിയാണ് അമീർ സറഫറാസ്. ഞായറാഴ്ച ലാഹോറിൽ വച്ച് അജ്ഞാതരായ രണ്ടുപേർ ആണ് കൃത്യം നടത്തിയത്.
മോട്ടർസൈക്കിളിൽ എത്തിയ രണ്ടുപേർ ആണ് കൃത്യം നടത്തിയത്. ലാഹോറിലെ ഇസ്ലാംപുര എന്ന പ്രദേശത്ത് വെച്ചാണ് സംഭവം നടക്കുന്നത്. വലിയ രീതിയിൽ പരിക്കേറ്റ ഇയാളെ ഉടൻതന്നെ ആശുപത്രിയിൽ എത്തിച്ചു എങ്കിലും മരണത്തിന് കീഴടങ്ങുകയായിരുന്നു ഇയാൾ.
1979 ലാഹോറിൽ ആണ് ഇയാൾ ജനിച്ചത്. ലക്ഷർ ഈ തയിബ എന്ന ഭീകര സംഘടനയുടെ സജീവ പ്രവർത്തകൻ കൂടിയായിരുന്നു ഇദ്ദേഹം. ഇന്ത്യക്കാരനായ സറബ്ജിത് സിംഗ് എന്ന വ്യക്തിയെ വധിച്ചതിന് ഇയാളെ കോടതിയിൽ റിമാൻഡ് ചെയ്തിരുന്നു. എങ്കിലും 2018 വർഷത്തിൽ ഇയാളെ തെളിവില്ലാത്തതിന്റെ പേരിൽ കോടതി വെറുതെ വിടുകയായിരുന്നു.
ആരാണ് ഇന്ത്യക്കാരനായ സരബ്ജിത്ത് സിംഗ് – പഞ്ചാബ് സ്വദേശിയായിരുന്നു ഇദ്ദേഹം. 1990ല്‍ നടന്ന ഒരു ബോംബ് സ്ഫോടനത്തിൽ 14 പാക്കിസ്ഥാൻ പൗരന്മാരെ കൊന്ന കുറ്റത്തിനും ചാര പ്രവർത്തി നടത്തിയ കുറ്റത്തിനും ഇദ്ദേഹത്തിന് വധശിക്ഷ നൽകുകയായിരുന്നു. എന്നാൽ ഇദ്ദേഹം നിരപരാധിയാണ് എന്നും അബദ്ധത്തിൽ പാക്കിസ്ഥാൻ അതിർത്തി കടന്നതാണ് എന്നുമായിരുന്നു ഇദ്ദേഹത്തിൻറെ കുടുംബം പറഞ്ഞത്. രണ്ട് പതിറ്റാണ്ടിൽ അധികം ഇദ്ദേഹം പാക്കിസ്ഥാൻ ജയിലിൽ കഴിഞ്ഞു. 23 വർഷങ്ങൾ ഇദ്ദേഹം ജയിലിൽ കഴിഞ്ഞു. ജയിലിൽ വച്ച് ചില ആളുകൾ ഇദ്ദേഹത്തെ ആക്രമിക്കുകയായിരുന്നു. അതിൽ ഒരാൾ ആണ് അമീർ സൽഫറാസ്. 2001 വർഷത്തിൽ പാർലമെൻറ് അറ്റാക്കിനെ തുടർന്ന് പ്രതിയായ അഫ്സൽ ഗുരുവിനെ തൂക്കിലേറ്റിയതിന് ദിവസങ്ങൾക്ക് ശേഷമാണ് പാകിസ്ഥാൻ ജയിലിൽ വച്ച് ഇദ്ദേഹത്തിന് മർദ്ദനമേൽക്കുന്നത്. ഉടൻതന്നെ 49 വയസ്സുള്ള ഇദ്ദേഹത്തെ ലാഹോറിലെ ജില്ലാ ആശുപത്രിയിൽ പ്രവേശിപ്പിച്ചു എങ്കിലും ഗുരുതരമായ ബ്രെയിൻ ഇൻജൂറികൾ ആയിരുന്നു ഉണ്ടായിരുന്നത്. കല്ലുകൊണ്ട് തലയ്ക്ക് അടിച്ചതുകൊണ്ട് ബ്രെയിൻ ഇഞ്ചുറി സംഭവിച്ചതാണ്. പിന്നീട് മരണപ്പെട്ട ഇദ്ദേഹത്തിൻറെ മൃതദേഹം ഇന്ത്യയിലേക്ക് എത്തിക്കുകയായിരുന്നു.
