സമൂഹമാധ്യമങ്ങൾ വഴി വെളുക്കുവാനുള്ള ക്രീം വിൽക്കുന്ന ഏർപ്പാട് തുടങ്ങിയിട്ട് കാലം കുറെയായി. ലൈസൻസ് പോലുമില്ലാതെയാണ് പലതും വിൽക്കുന്നത്. ചർമ്മത്തിലെ മെലാനിന്റെ അളവ് ഗണ്യമായി കുറയ്ക്കുന്ന ക്രീമുകൾ ആണ് ഇവ. അതുകൊണ്ടുതന്നെ ക്രീം തേക്കുന്നവരുടെ നിറത്തിൽ വ്യത്യാസം ഉണ്ടാവും എന്നത് 100% ഉറപ്പാണ്.
സമാനമായ ക്രീമുകൾ തേച്ച നിരവധി ആളുകളുടെ കിഡ്നി വരെ അടിച്ചു പോയ വാർത്തകൾ നമ്മൾ കണ്ടതാണ്. എന്നാൽ ഇപ്പോഴും ഒരു നിയന്ത്രണവും ഇല്ലാതെ ഇത്തരത്തിലുള്ള ക്രീമുകൾ വിറ്റഴിക്കപ്പെടുകയാണ്. അത്തരത്തിൽ ക്രീം വിൽക്കുന്ന ഒരു അക്കൗണ്ട് ആണ് സുവൈബത്തുൽ അസ്ലാമിയ എന്ന പേരിൽ ഫേസ്ബുക്കിൽ ഉള്ളത്. ഇവരുടെ ക്രീം വാങ്ങി ഉപയോഗിച്ച ഒരു വ്യക്തിയുടെ റിവ്യൂ ആണ് ഇപ്പോൾ വൈറലായി മാറിക്കൊണ്ടിരിക്കുന്നത്.
ഇവർ തന്നെയാണ് ഈ വീഡിയോ ഫേസ്ബുക്കിൽ പങ്കുവെച്ചിരിക്കുന്നത്. ഈ വ്യക്തി ഇദ്ദേഹത്തിൻറെ ഒരു ഫോട്ടോ അയച്ചു കൊടുക്കുകയും തുടർന്ന് ഒരു വോയിസ് ക്ലിപ്പ് ഇടുകയും ആയിരുന്നു ചെയ്തത്. ഇത് അതുപോലെ തന്നെ സ്ക്രീൻ റെക്കോർഡ് ചെയ്തു ഫേസ്ബുക്കിൽ അപ്‌ലോഡ് ചെയ്തിരിക്കുകയാണ് ഇവർ.
“ഞാൻ ക്രീം വാങ്ങിയിട്ട് ഇപ്പോൾ രണ്ടാഴ്ച ആവാറായി. ഏകദേശം തീരാറായി. മാഷാ അള്ളാ, എന്താ പറയുക, പറയുവാൻ വാക്കുകൾ കിട്ടുന്നില്ല. അത്രയും മികച്ച ഉത്പന്നമാണ് ഈ ക്രീം. ഒരുപാട് നന്ദി, എന്താ ചെയ്യുക, എന്താ പറയുക, ഒരു രക്ഷയുമില്ല” – ഇതാണ് ഈ വ്യക്തിയുടെ റിവ്യൂ. ക്രീം തേച്ചുകൊണ്ട് ഇദ്ദേഹം അയച്ചുകൊടുത്ത ഒരു സെൽഫിയും ഇവർ അപ്‌ലോഡ് ചെയ്തിട്ടുണ്ട്. ഇവരുടെ അക്കൗണ്ടിൽ വേറെയും ഇതുപോലെയുള്ള വീഡിയോകൾ ഉണ്ട് എന്നതാണ് രസകരമായ വസ്തുത.
