മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളാണ് മോളി കണ്ണമാലി. തന്റെ സ്വതസിദ്ധമായ അഭിനയ ശൈലിയിലൂടെ ആണ് ഇവർ മലയാളികളുടെ പ്രിയപ്പെട്ട നടിയായി മാറുന്നത്. നിരവധി സിനിമകളിൽ ഇവർ ചെറുതും വലുതുമായ കഥാപാത്രങ്ങളെ അവതരിപ്പിച്ചിട്ടുണ്ട്. അധികവും ഹാസ്യത്തിന് പ്രാധാന്യമുള്ള വേഷങ്ങൾ ആയിരുന്നു ഇവർ കൈകാര്യം ചെയ്തത്. സ്ത്രീധനം എന്ന പരമ്പരയിൽ ഇവർ അവതരിപ്പിച്ച ചാള മേരി എന്ന കഥാപാത്രം വളരെയേറെ ശ്രദ്ധിക്കപ്പെടുകയും പ്രേക്ഷക പ്രശംസ പിടിച്ചു പറ്റുകയും ചെയ്തിരുന്നു.
ഇപ്പോൾ താരം ഇംഗ്ലീഷ് സിനിമയിൽ അഭിനയിക്കാൻ പോവുകയാണ് എന്ന വാർത്തകളാണ് ഇപ്പോൾ പുറത്തുവരുന്നത്. ടുമാറോ എന്ന സിനിമയിലാണ് ഇവർ ഒരു സുപ്രധാന കഥാപാത്രത്തെ അവതരിപ്പിക്കുന്നത്. ഓസ്ട്രേലിയൻ ചലച്ചിത്ര രംഗത്ത് പ്രവർത്തിക്കുന്ന ജോയ് കെ മാത്യു എന്ന വ്യക്തിയാണ് ഈ സിനിമയുടെ കഥയും തിരക്കഥയും സംവിധാനവും എല്ലാം തന്നെ നിർവഹിക്കുന്നത്. സിനിമയുടെ പൂജാ തിരുവനന്തപുരത്ത് മ്യൂസിയം ഹാളിൽ വച്ച് നാളെ ആയിരിക്കും നടക്കുക. ലോകോത്തര തരത്തിൽ ശ്രദ്ധിക്കപ്പെടാൻ സാധ്യതയുള്ള ഒരു സിനിമയാണ് ഇത്. അതിനുള്ള കാരണം എന്താണ് എന്നറിയുമോ?
ലോകത്തിലെ എല്ലാ ഭൂഖണ്ഡങ്ങളിലും ഉള്ള അഭിനേതാക്കളെ അണിനിരത്തി ആണ് ഈ ചിത്രം ഒരുക്കുന്നത്. വ്യത്യസ്തമായ 7 കഥകളാണ് ചിത്രം പറയുന്നത് എന്നാണ് അറിയാൻ സാധിക്കുന്നത്. അതിൽ ഒരെണ്ണം ഇന്ത്യയിൽ ആയിരിക്കും സ്ഥിരീകരിക്കുക. തിരുവനന്തപുരത്തും കൊച്ചിയിലും ആലപ്പുഴയിലും ആയിട്ട് ആയിരിക്കും സിനിമയുടെ ചിത്രീകരണം നടക്കുക. വലിയൊരു താരനിര തന്നെയുണ്ട് ചിത്രത്തിൽ.
അതേ സമയം നിരവധി ആളുകളാണ് ഇപ്പോൾ താരത്തെ അഭിനന്ദിച്ചുകൊണ്ട് രംഗത്തെത്തുന്നത്. സ്വന്തം കഴിവുകൊണ്ടാണ് മോളി ചേച്ചി ഇവിടം വരെ എത്തിയത് എന്നും ഇനിയും അവർ ഉയരങ്ങൾ കീഴടക്കട്ടെ എന്നുമാണ് മലയാളികൾ ആശംസിക്കുന്നത്. ഈ സിനിമ വലിയ രീതിയിൽ വിജയമായി തീരട്ടെ എന്നും കൂടുതൽ സിനിമകളിലേക്ക് അവരെ സംവിധായകർ ക്ഷണിക്കട്ടെ എന്നുമാണ് ഇപ്പോൾ പ്രേക്ഷകർ ആശംസിക്കുന്നത്.
