സൂപ്പർ താരങ്ങളുടെ കുട്ടിക്കാല ചിത്രങ്ങൾ കാണുവാൻ മലയാളികൾക്ക് എന്നും പ്രത്യേക കൗതുകം തന്നെയാണ്. അതിന് ഒരു കാരണം കൂടിയുണ്ട്. അതെന്താണ് എന്ന് അറിയുമോ? സൂപ്പർതാരങ്ങളെ നമ്മൾ കേവലം നടീനടന്മാർ ആയിട്ടല്ല കാണുന്നത്. പകരം നമ്മുടെ വീട്ടിലെ അംഗങ്ങളെ പോലെയാണ് നമ്മൾ അവരെ കാണുന്നതും സ്നേഹിക്കുന്നതും. അതുകൊണ്ടുതന്നെ അവരുമായി ബന്ധപ്പെട്ട് വരുന്ന വാർത്തകളെല്ലാം തന്നെ നമുക്ക് പ്രിയപ്പെട്ടത് ആണ്.
ഇപ്പോൾ ഒരു നടൻറെ കുട്ടിക്കാല ഫോട്ടോ ആണ് സമൂഹമാധ്യമങ്ങളിൽ തരംഗമായി മാറി കൊണ്ടിരിക്കുന്നത്. അമ്മയുടെ ഒക്കത്ത് ഇരിക്കുന്ന ചിത്രമാണ് വൈറലായി മാറിക്കൊണ്ടിരിക്കുന്നത്. ഈ വ്യക്തിയെ നിങ്ങൾക്ക് മനസ്സിലായോ? മലയാള സിനിമയിലെ ജൂനിയർ ജഗതിശ്രീകുമാർ എന്നാണ് ഇദ്ദേഹം അറിയപ്പെടുന്നത്.
സൗബിൻ ഷാഹിർ എന്ന നടനെ കുറിച്ചാണ് പറയുന്നത് എന്ന് ഇനി പ്രത്യേകം പറയേണ്ട ആവശ്യമില്ലല്ലോ. ഫാസിൽ സംവിധാനം ചെയ്ത കൈയെത്തും ദൂരത്ത് എന്ന സിനിമയിൽ അതിഥിതാരമായി താരം അഭിനയിച്ചിരുന്നു. ഫഹദ് ഫാസിൽ ആയിരുന്നു ഈ സിനിമയിലെ കേന്ദ്ര കഥാപാത്രത്തെ അവതരിപ്പിച്ചത്. പിന്നീട് മഹേഷിൻറെ പ്രതികാരം എന്ന സിനിമയിലൂടെ ആണ് ഇദ്ദേഹത്തിൻറെ തലവര മാറി മറിയുന്നത്. ഇതിനൊപ്പം കമ്മട്ടിപ്പാടം, പ്രേമം എന്നീ സിനിമകളിലും താരം അഭിനയിച്ചു.
മലയാള സിനിമയിലെ ഏറ്റവും മികച്ച നടൻമാരിൽ ഒരാൾ മാത്രമല്ല സൗബിൻ ഇന്ന്. മികച്ച ഒരു സംവിധായകൻ കൂടിയാണ്. പറവ എന്ന സിനിമ സംവിധാനം ചെയ്തത് സൗബിൻ ആയിരുന്നു. ഈ ചിത്രത്തിന് ശേഷം സൗബിൻ സംവിധാനം ചെയ്യാൻ പോകുന്ന ഓതിരം കടകം എന്ന ചിത്രം അണിയറയിൽ ഒരുങ്ങുകയാണ്. നിരവധി ആളുകളാണ് ഇപ്പോൾ ഈ ചിത്രത്തിന് വേണ്ടി കാത്തിരിക്കുന്നത്.
