ഇന്ത്യ ഒട്ടാകെയുള്ള പ്രേക്ഷകർ കാത്തിരിക്കുന്ന ചിത്രമാണ് ആദിപുരുഷ്. രാമായണത്തെ അടിസ്ഥാനമാക്കിയാണ് ചിത്രം ഒരുക്കുന്നത്. ഓം റാവുത് ആണ് സിനിമ സംവിധാനം ചെയ്യുന്നത്. പ്രഭാസ് ആണ് സിനിമയിൽ നായകനായി എത്തുന്നത്. കൃതിയാണ് സിനിമയിൽ സീതയായി എത്തുന്നത്.
അതേ സമയം സിനിമയുടെ പതിനായിരം ടിക്കറ്റുകൾ സൗജന്യമായി വിതരണം ചെയ്യുമെന്ന് കാശ്മീർ ഫയൽസ് സിനിമയുടെ നിർമ്മാതാവ് അറിയിച്ചിരുന്നു. ഇത് പാവപ്പെട്ടവർക്ക് വിതരണം ചെയ്യുമെന്നും ഇദ്ദേഹം പറഞ്ഞിരുന്നു. ഇപ്പോൾ ഇദ്ദേഹത്തിൻറെ ചുവടുപിടിച്ച് വേറെയും ബോളിവുഡ് നടന്മാർ എത്തുകയാണ്. സിനിമയുടെ പതിനായിരം ടിക്കറ്റുകൾ വാങ്ങാൻ പോകുന്നത് ഇപ്പോൾ ബോളിവുഡ് നടൻ റൺവീർ കപൂർ ആണ്.
ഇത് ഇന്ത്യയിലെ നിർദ്ധനരായ കുട്ടികൾക്ക് ഈ ടിക്കറ്റുകൾ വിതരണം ചെയ്യുമെന്നും ഇദ്ദേഹം അറിയിച്ചു. രാമായണ കഥകളിലൂടെ ആണ് ജീവിതത്തിലെ പല പാഠങ്ങളും പഠിച്ചത് എന്നും ഇന്നത്തെ തലമുറയും രാമന്റെ കഥകൾ കേട്ട് അതിൽ നിന്നും പ്രചോദനം ഉൾക്കൊള്ളും എന്നും കരുതുന്നു എന്നും റൺബീർ പറയുന്നു.
അതേസമയം ഹിന്ദി സംസാരിക്കുന്ന സംസ്ഥാനങ്ങളിൽ ആയിരിക്കും ഈ ടിക്കറ്റുകൾ വിതരണം ചെയ്യുന്നത്. സിനിമയുടെ അണിയറ പ്രവർത്തകർ ഇപ്പോൾ ഇദ്ദേഹത്തെ അഭിനന്ദിച്ചുകൊണ്ട് എത്തുകയാണ്. ജൂൺ പതിനാറാം തീയതിയാണ് സിനിമയുടെ റിലീസ്. അതേസമയം സിനിമയുടെതായി ഇതുവരെ പുറത്തുവന്ന ടീസറുകളും ട്രെയിലറുകളും എല്ലാം വളരെ മടുപ്പിക്കുന്നത് ആയിരുന്നു. ഇന്ത്യൻ സിനിമ ചരിത്രത്തിലെ തന്നെ എക്കാലത്തെയും വലിയ ഒരു ബോംബ് ആയി മാറാൻ ഇത് സാധ്യതയുണ്ട് എന്നാണ് പ്രേക്ഷകർ പറയുന്നത്.
