മലയാളികൾക്ക് ഏറെ പ്രിയപ്പെട്ട താരങ്ങളിലൊരാളാണ് സമുദ്രക്കനി. തമിഴ് സിനിമകളിലൂടെ ആണ് താരം ശ്രദ്ധിക്കപ്പെടുന്നത്. എങ്കിലും ധാരാളം മലയാള സിനിമകളിലും ഇദ്ദേഹം അഭിനയിച്ചിട്ടുണ്ട്. ശിക്കാർ എന്ന സിനിമയിലൂടെ ആണ് ഇദ്ദേഹം മലയാളികൾക്കിടയിൽ ശ്രദ്ധിക്കപ്പെടുന്നത്. മോഹൻലാൽ ആയിരുന്നു ഈ സിനിമയിലെ കേന്ദ്ര കഥാപാത്രത്തെ അവതരിപ്പിച്ചത്. എം പത്മകുമാർ സംവിധാനം ചെയ്ത ഈ സിനിമയിൽ വളരെ നിർണായകമായ ഒരു കഥാപാത്രത്തെയായിരുന്നു സമുദ്രകനി അവതരിപ്പിച്ചത്.
പിന്നീട് മോഹൻലാൽ തന്നെ കേന്ദ്രകഥാപാത്രത്തെ അവതരിപ്പിച്ച ഒപ്പം എന്ന സിനിമയിലും ഇദ്ദേഹം വില്ലനായി എത്തി. ഒരുപക്ഷേ നായകനേക്കാൾ മുകളിൽ നിൽക്കുന്ന വില്ലൻ കഥാപാത്രത്തെ ആയിരുന്നു താരം ഈ സിനിമയിൽ അവതരിപ്പിച്ചത്. പ്രിയദർശൻ ആയിരുന്നു ഈ സിനിമയുടെ സംവിധാനം നിർവഹിച്ചത്. അടുത്തിടെ രാജമൗലി സംവിധാനം ചെയ്ത ആർ ആർ ആർ എന്ന സിനിമയിലും താരം ശ്രദ്ധേയമായ ഒരു കഥാപാത്രത്തെ അവതരിപ്പിച്ചു. ഒരു പോലീസ് ഓഫീസർ ആയിട്ട് ആയിരുന്നു കാരണം ഈ സിനിമയിൽ പ്രത്യക്ഷപ്പെട്ടത്.
അദ്ദേഹവുമായി ബന്ധപ്പെട്ട ഒരു വളരെ പ്രധാനപ്പെട്ട വാർത്തയാണ് ഇപ്പോൾ പുറത്തു വരുന്നത്. ഇന്ന് രാവിലെ മുതലാണ് ഈ വാർത്ത സമൂഹ മാധ്യമങ്ങളിൽ പ്രചരിച്ചത്. താരത്തിന് ഇന്ന് പിറന്നാൾ ആണ് എന്നാണ് അറിയാൻ സാധിക്കുന്നത്. നിരവധി ആളുകളാണ് താരത്തിന് പിറന്നാൾ ആശംസകൾ അർപ്പിച്ചു കൊണ്ട് രംഗത്തെത്തുന്നത്. തെന്നിന്ത്യയിലെ എല്ലാ ഭാഷകളിലെയും ഇദ്ദേഹം അഭിനയിച്ചിട്ടുണ്ട് എന്നതുകൊണ്ടുതന്നെ തെന്നിന്ത്യൻ സംസ്ഥാനങ്ങളിൽ ഒന്നും എല്ലാവരും ഇദ്ദേഹത്തിന് പിറന്നാൾ ആശംസകൾ അർപ്പിച്ചുകൊണ്ട് രംഗത്തെത്തുകയാണ്.
തമിഴിലെ വിഖ്യാത സംവിധായകരിൽ ഒരാളാണ് കേ ബാലചന്ദർ. ഇദ്ദേഹത്തിൻറെ സംവിധാന സഹായി ആയി സമുദ്രക്കനി പ്രവർത്തിച്ചിട്ടുണ്ട്. 2009 വർഷത്തിലാണ് സമുദ്രക്കനി സംവിധാനം ചെയ്ത നാടോടികൾ എന്ന സിനിമ പുറത്തിറങ്ങുന്നത്. ചിത്രം വളരെ വലിയ ഒരു റവല്യൂഷൻ തന്നെയായിരുന്നു തമിഴ് സിനിമയിൽ സൃഷ്ടിച്ചത്. ചിത്രം മലയാളം ഉൾപ്പെടെ നിരവധി ഭാഷകളിലേക്ക് റീമേക്ക് ചെയ്യപ്പെട്ടു. ഇത് നമ്മുടെ കഥ എന്ന പേരിലാണ് ഈ സിനിമ മലയാളത്തിലേക്ക് റീമേക്ക് ചെയ്യുന്നത്. ഇതുകൂടാതെ 2016 വർഷത്തിൽ വിസാരണൈ എന്ന തമിഴ് സിനിമയിലെ അഭിനയത്തിന് മികച്ച സഹനടനുള്ള നാഷണൽ അവാർഡും താരത്തിന് ലഭിച്ചു.
