മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളാണ് വിനീത് ശ്രീനിവാസങ്ങൾ. ഇദ്ദേഹത്തിൻറെ ഭാര്യ ആണ് ദിവ്യ. ഇന്ന് ദിവ്യയുടെ പിറന്നാൾ ആണ്. പിറന്നാൾ ദിനത്തിൽ വിനീത് ശ്രീനിവാസൻ പങ്കുവെച്ച ആശംസ പോസ്റ്റ് ആണ് ഇപ്പോൾ ശ്രദ്ധിക്കപ്പെടുന്നത്. ഇൻസ്റ്റാഗ്രാമിൽ ആണ് ഇദ്ദേഹം പോസ്റ്റ് പങ്കുവെച്ചിരിക്കുന്നത്. ഒറ്റവാക്കിൽ ആണ് ഇദ്ദേഹം ഭാര്യക്ക് ജന്മദിനാശംസകൾ നേർന്നിരിക്കുന്നത്.
“ഇന്ന് അവളുടെ ജന്മദിനം” എന്ന ഒറ്റ വലിയിലാണ് ഇദ്ദേഹം ആശംസകൾ നേർന്നിരിക്കുന്നത്. അതേസമയം രസകരമായ നിരവധി ക്യാപ്ഷനുകൾ ആണ് പോസ്റ്റിനു താഴെ വന്നുകൊണ്ടിരിക്കുന്നത്. ധ്യാനിനെ ഭയന്നിട്ടാണോ പിറന്നാൾ ക്യാപ്ഷൻ ഒറ്റ വരിയിൽ ഒതുക്കിയത് എന്നാണ് നിരവധി ആളുകൾ പോസ്റ്റിന് താഴെ ചോദിക്കുന്നത്. കാരണം പലപ്പോഴും ഭാര്യയെ കുറിച്ച് ചോദിക്കുമ്പോൾ വാചാലൻ ആകുന്ന വ്യക്തിയാണ് വിനീത് ശ്രീനിവാസൻ. ഇദ്ദേഹത്തിൻറെ ഏറ്റവും പുതിയ സിനിമയായ വർഷങ്ങൾക്കുശേഷം എന്ന സിനിമയുടെ പ്രമോഷൻ പരിപാടികൾക്കിടയിൽ ധ്യാൻ ശ്രീനിവാസൻ ഇതുമായി ബന്ധപ്പെട്ട് ഒരു കളിയാക്കൽ നടത്തുകയും ചെയ്തിരുന്നു.
ഭാര്യ ദിവ്യയെ കുറിച്ചുള്ള വിനീതിന്റെ ഹൃദയസ്പർശിയായ എഴുത്തുകൾ പോലും പല ഭർത്താക്കന്മാരിലും സമ്മർദ്ദങ്ങൾ ഉണ്ടാക്കുന്നു എന്നായിരുന്നു ധ്യാനിന്റെ കമന്റ്. ഇത് പരിഗണിച്ചുകൊണ്ട് ആണോ ഇത്തവണത്തെ ജന്മദിന ആശംസകൾ ഒറ്റ വരിയിൽ ഒതുക്കിയത് എന്നാണ് നിരവധി ആരാധകർ ചോദിക്കുന്നത്. ധ്യാൻ ശ്രീനിവാസനെ ബ്ലോക്ക് ചെയ്തുകൊണ്ട് ക്യാപ്ഷൻ ഇടാനാണ് വിനീത് ശ്രീനിവാസനോട് നിരവധി ആളുകൾ ഇപ്പോൾ പറയുന്നത്. അത്തരത്തിൽ നിരവധി രസകരമായ കമന്റുകളാണ് പോസ്റ്റിന് താഴെ വന്നുകൊണ്ടിരിക്കുന്നത്.
അതേസമയം നല്ല ഒരു ഗായിക കൂടിയാണ് ദിവ്യ. വിനീത് ഇതിനു മുൻപ് സംവിധാനം ചെയ്ത ഹൃദയം എന്ന സിനിമയിലെ ഉണക്ക മുന്തിരി എന്ന ഗാനം ആലപിച്ചത് ദിവ്യ ആയിരുന്നു. ഇത് കൂടാതെ ഏറ്റവും പുതിയ സിനിമയായ വർഷങ്ങൾക്കുശേഷം എന്ന സിനിമയിലും ദിവ്യ ഒരു പാട്ട് പാടിയിട്ടുണ്ട്.
