ഒരുകാലത്ത് ബോക്സ് ഓഫീസിൽ സാക്ഷാൽ മമ്മൂട്ടിക്കും മോഹൻലാലിനും വരെ കോമ്പറ്റീഷൻ നൽകിയ താരങ്ങളിൽ ഒരാളാണ് ദിലീപ്. എന്നാൽ ഇന്ന് ഇദ്ദേഹത്തിൻറെ സിനിമകൾ എല്ലാം തുടരെത്തുടരെ പരാജയപ്പെടുകയാണ്. ഒരു തിരിച്ചുവരവിന് വേണ്ടി ഇദ്ദേഹം ഒരുപാട് നാളുകൾ ആയി ആത്മാർത്ഥമായി പരിശ്രമിക്കുന്നു. ഇനിയെങ്കിലും ട്രാക്കിൽ തിരിച്ചു കയറാനുള്ള പ്രതീക്ഷയിലാണ് ഇദ്ദേഹം പുതിയ സിനിമ അവതരിപ്പിക്കുന്നത്.
പവി കെയർടേക്കർ എന്നാണ് ഇദ്ദേഹത്തിൻറെ പുതിയ സിനിമയുടെ പേര്. ഒരു ഫാമിലി കോമഡി എന്റർടൈനർ ആയിരിക്കും ചിത്രം എന്നാണ് ലഭിക്കുന്ന സൂചനകൾ. പഴയ ദിലീപിനെ ഈ സിനിമയിലൂടെ തിരിച്ചു കിട്ടും എന്നാണ് പ്രേക്ഷകരും ആരാധകരും ഒരുപോലെ പ്രതീക്ഷിക്കുന്നത്. ഇപ്പോൾ സിനിമയുടെ വിജയ പരാജയങ്ങളെ കുറിച്ച് സംസാരിക്കുകയാണ് ഇദ്ദേഹം.
“സിനിമകളിൽ വിജയവും പരാജയങ്ങളും സംഭവിക്കുന്നത് സ്വാഭാവികമായ കാര്യങ്ങളാണ്. എല്ലാ സിനിമകളും ഹിറ്റാവും എന്ന പ്രതീക്ഷയിൽ തന്നെയാണ് നമ്മൾ എടുത്തു തുടങ്ങുന്നത്. ഞാൻ ഒരുപാട് ഹിറ്റുകൾ ചെയ്തത് നിങ്ങൾക്ക് എല്ലാവർക്കും അറിയാവുന്ന കാര്യങ്ങൾ തന്നെയാണ്. അതിനിടയ്ക്ക് ഒരുപാട് പരാജയങ്ങളും കിട്ടിയിട്ടുണ്ടാകും. കുറെ കിട്ടി എന്നു കരുതി അടുത്ത പടം ഹിറ്റ് ആകും എന്ന് ഉറപ്പിച്ചു പറയാൻ സാധിക്കില്ല, അതുപോലെ തന്നെ കുറെ പരാജയങ്ങൾ കിട്ടി എന്ന് കരുതി അടുത്ത പടവും പരാജയമാകും എന്ന് പറയാനും സാധിക്കുകയില്ല” – ദിലീപ് പറയുന്നു.
ഓരോ സിനിമയ്ക്കും അതിന്റേതായ ഒരു ജാതകം ഉണ്ട് എന്നും പ്രേക്ഷകർ നിലനിർത്തിയ ഒരു അഭിനേതാവാണ് താനെന്നും ചെറിയ ചെറിയ വേഷങ്ങൾ ചെയ്തുകൊണ്ട് വന്ന വ്യക്തിയാണ് താൻ എന്നും അതുകൊണ്ടുതന്നെ പരാജയവും വിജയവും ഉണ്ടായിരിക്കും എന്നും സങ്കടം ഏറ്റവും കൂടുതൽ സാമ്പത്തികമായി നിർമാതാവിനെ ഒരു സിനിമ നഷ്ടമുണ്ടാക്കുന്നു എന്നതിലാണ് എന്നും അതെങ്ങനെ പരിഹരിക്കും എന്നതാണ് ഏറ്റവും പ്രധാനപ്പെട്ട വിഷയം എന്നും ദിലീപ് പറയുന്നു.
