ബോളിവുഡില് വിവാദ നായിക ആയാണ് കങ്കണ റണൗത്ത് അറിയപ്പെടുന്നത്. 36 കാരിയായ നടി ബോളിവുഡിലെ ഏറ്റവും മികച്ച അഭിനേത്രിയാണെങ്കിലും സിനിമകളേക്കാളുപരി വിവാദങ്ങളിലാണ് കങ്കണയെ കൂടുതലായും കാണുന്നത്. രാഷ്ട്രീയ അഭിപ്രായങ്ങളുള്പ്പെടെ തുറന്നു പറയുന്ന കങ്കണയ്ക്ക് ബോളിവുഡിലെ എതിരാളികളുടെ ഒരു നിര തന്നെയുണ്ട്.എന്നാല് എന്ത് പ്രശ്നം വന്നാലും ഒരടി പിന്നോട്ടില്ലെന്നാണ് കങ്കണയുടെ നയം. ബോളിവുഡിലെ നെടുംതൂണായി അറിയപ്പെടുന്ന കരണ് ജോഹറുമായുണ്ടായ തര്ക്കം, ഹൃതിക് റോഷനും കങ്കണയും തമ്മിലുണ്ടായ പൊലീസ് കേസ് വരെയായ പ്രശ്നം, ജാവേദ് അക്തറിന്റെ മാനനഷ്ടക്കേസ്, തപ്സി പന്നു, ആലിയ ഭട്ട് തുടങ്ങിയവര്ക്കെതിരായ അധിക്ഷേപം പരാമര്ശം തുടങ്ങി കങ്കണ എങ്ങോട്ട് തിരിഞ്ഞാലും പ്രശ്നം ആണ്.
മുമ്ബൊരിക്കല് വിവാഹേതര ബന്ധത്തെക്കുറിച്ച് കങ്കണ സംസാരിച്ചത് വലിയ ചര്ച്ചയായിരുന്നു. നടന് ഹൃതിക് റോഷനുമായി ബന്ധപ്പെട്ട വിവാദത്തിന് പിന്നാലെയായിരുന്നു പരാമര്ശം. ഹൃതിക് താനുമായി പ്രണയത്തിലായിരുന്നെന്ന് കങ്കണ തുറന്നു പറഞ്ഞതോടെയാണ് വിവാദം ഉടലെടുത്തത്. കങ്കണയെ തനിക്കറിയില്ലെന്നായി ഹൃതിക്. അറിയാത്ത ആളെയാണോ നടന്റെ കൈറ്റ്സ്, കൃഷ് 3 എന്നീ സിനിമകളില് അഭിനയിപ്പിച്ചത് എന്നായി കങ്കണയുടെ ചോദ്യം. പിന്നെ ആരോപണ പ്രത്യാരോപണങ്ങളുടെ ഒരു നിര തന്നെ വന്നു. കങ്കണ തനിക്ക് അനാവശ്യ മെയിലുകള് അയക്കുകയായിരുന്നെന്നാരോപിച്ച് ഹൃതിക് കുറെ മെയ്ലുകള് പുറത്തു വിട്ടു. എന്നാല് ഈ മെയ്ലുകള് എഡിറ്റ് ചെയ്തതാണെന്നായിരുന്നു കങ്കണ നല്കിയ മറുപടി.
പിന്നീട് ഹൃതിക്കിനെ പിന്തുണച്ച് കൊണ്ട് നടന്റെ പിതാവ് രാകേഷ് റോഷനും രംഗത്തെത്തി. ഇതിനും കടുത്ത മറുപടി കങ്കണ നല്കി. 43 കാരനായ ഒരു പുരുഷന് ഇപ്പോഴും തന്റെ അച്ഛന്റെ നിഴലില് മറഞ്ഞ് നില്ക്കേണ്ട ഗതിയാണോ എന്നായി കങ്കണയുടെ ചോദ്യം. വാക്കുകള് കൊണ്ടോ ബോളിവുഡിലെ പ്രബലരുടെ പിന്തുണ കൊണ്ടോ കങ്കണയെ ഒതുക്കാനാവില്ലെന്ന സ്ഥിതി വന്നതോടെ നടിക്കെതിരെ അപകീര്ത്തിപ്പെടുത്തിയതിന് ഹൃതിക് കേസും കൊടുത്തു. ഏറെനാള് ഈ കേസ് നീണ്ടു പോയി. പൊതുവേദികളില് ഇതേക്കുറിച്ച് സംസാരിക്കുന്നതിന് മടിയും കാണിച്ചില്ല.
കുട്ടി, കുടുംബം, ഇമേജ് എന്നീ പേടികളുള്ളവര് എന്തിനാണ് വിവാഹേതര ബന്ധത്തിന് മുതിരുന്നതെന്നാണ് കങ്കണ ചോദിച്ചത്. വേവലാതി ഉണ്ടെങ്കില് എന്തുകൊണ്ടാണ് നിങ്ങള് അവിഹിത ബന്ധങ്ങള് നിര്ത്താത്തത്. ‘പ്രതിഛായ തകരുന്നതിനെക്കുറിച്ചും കുടുംബ ജീവിതത്തെക്കുറിച്ചും മക്കളെക്കുറിച്ചും വേവലാതി ഉണ്ടെങ്കില് എന്തുകൊണ്ടാണ് നിങ്ങള് അവിഹിത ബന്ധങ്ങള് നിര്ത്താത്തത്,’ കങ്കണ ചോദിച്ചതിങ്ങനെ. എന്നാല് ഈ വിവാദത്തിലുടനീളം ഹൃതിക് ഒരിക്കല് പോലും പരസ്യ പ്രതികരണം നടത്തിയില്ല.