മലയാളത്തിന്റെ മുത്തശ്ശിയാണ് സുബ്ബലക്ഷ്മി അമ്മ. താരം മരണപ്പെട്ട് മണിക്കൂറുകൾക്കകം മകളും നടിയുമായ താര കല്യാണിയുടെ പോസ്റ്റാണ് ഇപ്പോൾ വൈറലാവുന്നത്.ആശുപത്രി കിടക്കയില്‍ കിടന്ന് അമ്മൂമ്മ അവസാനമായി തന്നെ ചേര്‍ത്തു പിടിച്ച ചിത്രത്തിനൊപ്പം മരണ വാര്‍ത്ത പുറത്തുവിട്ടത് കൊച്ചുമകള്‍ സൗഭാഗ്യ വെങ്കടേഷാണ്. മണിക്കൂറുകള്‍ക്കകം താര കല്യാണും സോഷ്യല്‍ മീഡിയയില്‍ പോസ്റ്റ് പങ്കുവയ്ക്കുകയായിരുന്നു.ചേര്‍ത്ത് പിടിച്ച് അമ്മ ചുംബിയ്ക്കുന്ന ചിത്രത്തിനൊപ്പമാണ് താര കല്യാണിന്റെ പോസ്റ്റ്. ‘ഈ വേര്‍പാടോടെ ഞാന്‍ അനാഥയായി’ എന്നആണ് താര ഇന്‍സ്റ്റഗ്രാമില്‍ കുറിച്ചത്. നടിയെ ആശംസിച്ചും, സുബ്ബലക്ഷ്മിയമ്മയ്ക്ക് പ്രണാമമര്‍പ്പിച്ചും നിരവധിപേരാണ് കമന്റ്‌ബോക്‌സില്‍ എത്തുന്നത്.
അതെ സമയം അച്ഛന്‍ കല്യാണകൃഷ്ണന്‍ നേരത്തെ മരണപ്പെട്ടതാണ്. ഭര്‍ത്താവ് രാജറാം 2017 ല്‍ ആണ് മരണപ്പെട്ടത്. ഭര്‍ത്താവിന്റെ മരണ ശേഷം തീര്‍ത്തും ഒറ്റയ്ക്കുള്ള ജീവിതമാണ് താര കല്യാണിന്റേത്. മകള്‍ സൗഭാഗ്യയും കൊച്ചുമകളും എന്തിനും അടുത്തുണ്ടെങ്കിലും വീട്ടില്‍ തനിച്ച് ജീവിക്കുന്നതിനെ കുറിച്ച് പലപ്പോഴും താര കല്യാണ്‍ ഇമോഷണലായിട്ടുണ്ട്.സുബ്ബലക്ഷ്മിയമ്മ ഷൂട്ടിങ് തിരക്കുകളൊക്കെയായി ചെന്നൈയിലായിരുന്നു താമസം. തനിക്കടുത്ത് വരുമ്പോഴുള്ള വിശേഷങ്ങള്‍ എല്ലാം താര കല്യാണ്‍ യൂട്യൂബിലൂടെ പങ്കുവയ്ക്കാറുണ്ടായിരുന്നു. അമ്മക്കിളി എന്നാണ് താര അമ്മയെ വിളിച്ചിരുന്നത്.
