ജനം തന്നാല്‍ ഇത്തവണ ഞാന്‍ തൃശൂര്‍ എടുക്കുമെന്ന് ബിജെപി നേതാവ് സുരേഷ് ഗോപി. കഴിഞ്ഞ തവണ തൃശൂര്‍ എനിക്ക് വേണം എന്ന് തോന്നി നിങ്ങള്‍ എനിക്ക് തരണമെന്ന് ജനങ്ങളോട് അഭ്യര്‍ത്ഥിച്ചു, അത് വൈകാരികമായാണ് പറഞ്ഞത്.
അത് ഇനിയും അങ്ങനെ തന്നെ. ജനം തന്നാല്‍ ഇത്തവണ ഞാന്‍ തൃശൂര്‍ എടുക്കുമെന്ന് സുരേഷ് ഗോപി പറഞ്ഞു.തൃശൂരില്‍ ആരെ ജയിപ്പിക്കണമെന്ന് ജനങ്ങള്‍ക്ക് അറിയാമെന്നും സുരേഷ് ഗോപി പറഞ്ഞു. തൃശൂരിലെ പ്രവര്‍ത്തനം കഴിഞ്ഞ 3 വര്‍ഷങ്ങളായി നടക്കുന്നുണ്ട്. ഞാന്‍ എല്ലാ ബൂത്ത് പ്രസിഡന്റുമാരെയും കണ്ടുകഴിഞ്ഞുവെന്നും സുരേഷ് ഗോപി പറഞ്ഞു.
തിരുവനന്തപുരത്തും ബിജെപിക്ക് ഏറെ സാധ്യതയാണ് ഉള്ളത്.കേരളത്തില്‍ ബിജെപിയുടെ പ്രതീക്ഷ വാനോളമാണ്.
കേരളത്തില്‍ നിന്ന് ശക്തമായ രാഷ്ട്രീയ വ്യതിയാനം വെളിവാക്കുന്ന തെരെഞ്ഞെടുപ്പ് ആയിരിക്കും ഇത്. അതിന് നട്ടെല്ലായി പ്രധാനമന്ത്രി നരേന്ദ്ര മോദി ഉണ്ടാകും, രാഷ്ട്രം പുരോഗതിയിലേക്ക് മുന്നേറുമ്പോള്‍ കേരളവും അതിന്റെ ഭാഗമാകണമെന്നും സുരേഷ് ഗോപി പറഞ്ഞു.
ഒരു വീരവാദവും മുഴക്കാന്‍ ഇല്ല. ജനങ്ങളുടെ തീരുമാനത്തിനായി കാത്തിരിക്കാം. ജനങ്ങള്‍ ചിഹ്നമല്ല അവരുടെ 5 വര്‍ഷത്തെ ജീവിതമാണ് തെരഞ്ഞെടുക്കുന്നതെന്നും സുരേഷ് ഗോപി വ്യക്തമാക്കി.എല്ലാ സംസ്ഥാനങ്ങള്‍ക്കും ലഭിക്കുന്ന പുരോഗതി കേരളത്തിന് ലഭിക്കണം. രാഷ്ട്രീയത്തിന് അതീതമായുള്ള പുരോഗതിക്കായി ശ്രമം നടത്തും എന്നും സുരേഷ് ഗോപി കൂട്ടിച്ചേര്‍ത്തു.
